《KING KONG》 觀後感 8/1/2006 3個鐘.....真有點太長
而且相信同之前上映過既king kong戲份分配唔同
最好睇我覺得就係係skull island個度喇
幾有意思~
而且估唔到佢可以嚇到我嗌....(平時我連睇鬼片都唔會嗌, 仲會勁笑.......)
因為佢d蟲實在整得好核突!!!
毛管都棟埋.....
其實有好多奇怪位同搞笑位架
首先就係School of Rock 既搞鬼音樂教師 Jack Black (black jack 既朋友? hahaa....)
佢就係鹹濕佬1號
跟住仲有潦倒劇本製作人Adrien Brody
雖然佢都算係片中較有魅力既一個
但佢都係鹹濕佬2號
仲有就係個時細細個拍Billy Elliot 跳舞好勁既小男孩 (佢當時仲細..佢細我2年架!) 既Jamie Bell
佢好似恃住自己年青, 好似同女主角比較匹配
所以佢係鹹濕佬3號
成隻船得Naomi Watts一個女人
所以成班其實都係鹹濕佬
之前成班人去左skull island入面拍戲, 船長都可以唔理話要開船走
但開得船時, 淨係唔見左一個女人, 船上唯一既女人
於是成船人就返轉頭去搵佢
仲要死左好多人
可見哩個女人對哩一船既鹹濕佬黎講幾咁重要...!
此其一大gap也
咁我都明白睇戲唔好駁戲..
不過有時又真係gap得濟...
例如成班船員俾一大堆恐龍追既一段, Jamie Bell 既身手就出奇地好
一路跑, 後面d懸崖一路跌落海架!! 幾刺激呀!! hahahaa
此其二gap也
仲要成班友十幾人, 俾廿幾隻牛屎咁大既恐龍追完, 仲可以有差唔多都係十幾個生還
勁到爆!
仲要走到無雷公咁遠之後, 又認倒路繼續行 (拿, 明明冇地圖架佢地! 因為一早漂左落海)
仲有仲有, 班船員俾king kong fing哂落峽谷後, 佢地俾好多巨形昆蟲攻擊
Jamie Bell 又係勁到以前未用過槍, 跟住可以射落d爬係個人身上既蟲, 剛好又唔會射中個人
更老土既係
突然d巨形蟲唔見哂
因為有d更巨形、更勁既蟲要出現
o.......呆左
第三大gap, 就係Adrien Brody可以單人匹馬搵返美人
哩個真係gap到爆
完全解釋唔倒
當中係skull island時仲有好多gap位...笑到......
---
gap得黎
唔知係我諗多左定乜
我覺得king kong同我講緊
做人第三者係冇好結果架
至少到佢地離開skull island前都仲係...
hahaa
來自2個唔同世界既人
相遇
一方一見鍾情
雖然言語不通, 但人本來最原始就係以身體語言溝通吧
專一、一生只愛一個、找到了便不再放手、將最好都留給她、保護她
好ideal...如童話般, 叫人多羨慕
總覺得....夾在情人同第三者中間既人 (即一腳踏兩船者)
係最衰既.....
可否別裝作對雙方都如此關心???
有d難受呢.....
人係唔應該做第三者吧
人係唔應該一腳踏兩船吧.....
有d人可以為錢不惜一切?
反轉豬肚係屎
有時電影都喜歡帶出「動物有時比人更有情義、道德、人性」既概念
係人因文明而倒退?
或者大家都係想藉著電影令觀眾回歸基本步, 回到最初
人最原始既品性...
性本善、性本惡?
anyways......
---
戲到離開skull island, 回到城市
就開始拖得好長好長.....咁arm我又開始有d想去toilet, 所以時間好似過得特別長! hahaa
但聽聞原本既《king kong》最重戲份就係講king kong點係城市中破壞
唔知lu! 我之前都冇睇過king kong
但整體黎講
我覺得係值得一睇既戲黎既!
都幾好! 唔錯!
同埋巢講得arm
個女主角幾靚!
hahaa