點解哩套劇叫《一公升的眼淚》?
因為會睇到你喊....流好多眼淚
亦因為劇中主角 -- 亞也, 佢自生病開始都流左好多好多眼淚
睇哩套劇時, 我係一次過連睇5集、第2晚再連睇6集的
總共11集
頭個5集都已經有喊, 但還好
尾個6集實在......
由亞也開始行路有困難、仍然堅持返學、有時會怨天尤人、受到別人目光、為身邊既人帶黎麻煩...
一切一切
點解我會喊得咁嚴重呢
係因為哩個劇係真人真事改編而成
一邊睇佢既故事
一邊心諗....
哩個唔係虛構既故仔
唔同一d虛構出黎惹人流淚既故仔
劇中既主人翁係的的確確存在過
曾經係哩個世界活著、奮鬥、氣屢、歡樂....
係真真實實係哩個世上發生過既事
當我嘗試將自己代入亞也既角色時, 更加心痛
所以我都流左好多眼淚
另外, 亦因為十分慶幸我而家咁幸福地活著
我個d小小病痛實在算唔上係d乜野
加上我而家已經停止危害自己身體
我擁有一雙靈活既手
可以彈琴、寫字、打字、仲有好多好多功用
我有一雙明亮既眼睛
雖然係有d近視, 但總算可以每日見到哩個色彩斑斕既世界
縱使有時亦會睇到人既善與醜, 但仍然慶幸我睇得見
我有一雙靈敏既耳朵
雖然成日都聽唔到人地講乜野, 但對音樂既靈敏度尚算唔錯, 咁就已經足夠了
我所擁有既, 仿似係身邊任何人都擁有既野
什至比人地更加好, 因為我有個好媽媽, 為我提供一個舒適既居住環境
我知道並唔係人人都可以有自己一間房
電腦、鋼琴、床、書枱, 樣樣俱備
實在非常幸福
若然我自己擁有既野慢慢失去
我諗我係唔可以好似亞也咁吧?
我自問唔算係個樂觀派, 哩排仲有時情緒波動得好緊要, 好容易有放棄既念頭 (唔係生命)
我想買佢本書, 因為我想每當我失意、傷心、難過、自暴自棄既時候,
可以翻開哩本書, 提醒自己係幾咁幸福
的確, 就如劇中所講, 佢令人有努力落去既勇氣
亦的確令我再一次深思生命既事情
再一次感嘆並珍惜身邊既一切
我知道我而家哩一份心情唔會可以長留係心中好耐
所以我更要記低哩一切
哩種感覺
哩種幸運、幸福既感覺
一時既憤怒、傷心、失落, 好容易矇閉左人既心, 令人興起放棄既念頭
但我希望我可以時時警惕自己, 唔好輕易放棄
正如亞也所講
死亡並不可怕，可怕的是我們在死亡面前輕易就放棄自己
如果連死亡都唔怕既時候, 哩個世界仲有咩係可怕既呢? 應該冇啦掛!
好, 加油!
