usisasabuhawi likha ni: shelly

Ikaw…

Ikaw?

Ang hanging sumabay

Sa namumugtong daloy ng damdamin

Dumaplis sa natutuyong pisngi

Humampas at tinuluyang pukawin

Nang nasadlak sa pagkampay

Umanod ang mga buhanging

Mula sa ilog ng luwalhati

Nagpalalim sa pag-asang dalangin

Nabigyang halubid ang tubig

Dagat na uhaw ay nasadlak sa hangin

Tuwina’y pinuno ang pagkatigatig

Unos sa tuwina’y kaya ng babagin

Ngunit may mga tanong pa ring naliligalig

Sa bawat kuko ng liwanag,

Sa bawat hininga ng dalisay,

Sa bawat pangungulila,

Ikaw…

Ikaw lamang ba ang tunay na may dahil?