parasaiyoito likha ni: shelly

Sa lahat ng mga bagay na tinuro mo sa ‘kin

…kung paano magmahal, kung paano masaktan

Sa lahat ng pagkakataong pinasaya mo ko

…kung paano mo pinaganda ang bawat umaga ko

Sa lahat ng luhang binuhos ng dahil sa iyo

…kung paano ko nagtiis, nalungkot ng dahil sa iyo

Sa lahat ng oras na ginugol para sa iyo

…kung paano ko naghintay, umasa nang husto

Sa lahat ng inspirasyong ikaw ang tinatangi

…kung paano ako nagtagumpay, nagkaroon ako ng saysay

Sa lahat ng inalay na sa iyo’y may ngiti

…kung paano mo ko biniro, kung paano ako naging tuliro

Sa lahat ng gusto mong sinunod ko

…kung paano ako naging alipin sa anumang naisin

Sa lahat ng taong tumalikod sa akin

…kung paano ako nagtampo, sa mga di nakakaunawa sa akin

Sa lahat ng nagtiwala sa aking mithi

…kung paano ako naging matatag, puno ako ng pag-asa

Sa lahat ng araw na binilang para makita ka

…kung paano ako natutulog, puno ng pangarap ang mundo

Sa lahat ng pagiging masigasig ko

…kung paano ako nagsikap, kung paano ako nagtiyaga

Sa lahat ng mga salitang mula sa iyo

…kung paano ako nagmalaki, namahagi nang may ngiti

At sa lahat lahat ikaw ang tanging inspirasyon

…kung paano ko sinabing ikaw ang isang taong di ko makakalimutan

Salamat sa iyo…ito ay para sa iyo…