DOMANÊ MA MARA ÇI WAZENÊ,
MA YİNANNA ÇI
PİNİME
Prof. Dr.
Atalay Yörükoğ Çarnekar: U.
Pulur
Ma pili wazenim' kı domananê xu, zê vatena xu pil kerime.
Çıqa kı destbera ma ama, çımanê xu yinu ser ra dürr nêkenime.
Wazenim' kı zê xuya ma gırs bırê. Wazenim' kı zê waştena ma hereket
kerê.
Ma pilan, ma u piyan çıqa teni xu kenê hurindia domanu. Bê
çımanê domanu ra gore kam xorê sêrkeno.
Raşti, eceb domanê ma mara çıton hereket kerdene wazenê? Çiyo
kı ma pili wazenime, eceb domanu gore çıtono? Maê u piyê domanu
belki çiyê nianeni qe fıkır nêkenê. Zêde gerenge xu heqli vinenê.
Belkey ki danê domananê xoro, hama anciay xu heqli vinenê. Vanê, "ma
nu pırodayis serba rındiya domanu kerd!"
Belki raşt ki 'be na nêta kenê, hama eceb heyetê domanan dı,
weşiya domanan dı nu çıton ca cêno, kes dusmıs nêbeno? Xırabiya kı
pisikolojiyê domanu ser bena kes xu viri nêano?
Zaf derg mekeri. Cêr dı, domanê dı qıckeki, ma pilan nê[rê]
jü mektubê rusna. Pêru-pia gos sernimê...
Dilekça bêpule
Moa mına delale u piyê mıno delali!
Çiyo kı zerrê mıra yeno, mı kı jan ardene bıwaştêne, sımarê
nia vatêne:
Her daim ez ben pil u mıdı çiyê vurino. Çıqa kı ez sımara amu
riyê dina, anciay kı ez jê sıma nêson u sımara baxse xuyê mı benê.
Gereke sıma mı zaf rınd naskerê u fambıkerê.
Ez ebe denemı [cerebnayis] muson. Mı nia qebul kerdene sımarê
zor yena. Kayê mıdı, havalanê xo weçintene dı u karê mıdı serbestiye
bıderê mı. Her ca dı, her kar dı, mı mêcirê bınê bajianê xo.
Ğeletiya xora musayene mırê daa rında. Caverderê, ez karê xo
'bı xo bıkeri. Zobina, koti ra bızani kı, ez biyo
pil!
Çıqa kı ez pil-biyene zaf bıwajiri, anciay gegane zê domananê
qıçkeku taê xuyê mıni benê. Ni xuyanê mı zaf mevinêrê. Hama, anciay
kı mı mevecerê riyê xo. Sıma kı hên kerd, eji boyna qıc mandene
wazon. Ez zanon kı her çiyo kı mı waşt, nêkono mı dest. Hama hento
kı sıma da, eji guretene ra pêyser nêfındon. Çiyo kı sıma nêşiçinê
biyarê hurindi, mırê mevacırê. Sıma kı qeşiyanê xodı nêfındeti,
sımarê guvenê mı beno senık.
Çiyo kı sıma mırê vanê, gerekı qeti bıro. Ez kı raa ra
vêciyo, mırê şindor ronerê. Şindorê kı sıma mırê nê ro; quralê kı
sıma wazenê, nêwazon kı vaciri pêro gewlê mı goreyê. Hama sıma kı
mırê şindor nêna ro, waştena mı bena têmiyanna. Sıma kı waştena xo
tenê sıst gurete, ez hem xo sas kon, hemi na sıstiye xore kon
fırsend.
Gos mıderê. Sıreo kı sımara mı perşi kerdi, bızanê kı o waxt
ez çiyê musaene wazon. İzahatê sıma kılm u meqbul bırê. Ogıtanê sıma
ra zêde, hal u hereketê sıma mırê daa muhimê. Sıma kı rae musnê mı,
gegane ğeletiye ki kenê.
Ez naê rew xovira kon. Hama mabênê sıma dı hez u hurmet kı
dariya we, nu zerrê mıdı beno khul. Zerrê mı xo 'be xo wenno.
Zaf berc meberêrê u zaf qeşi mekerê. Çiyo kı 'be bırrayisa
vacino, ni pêhêşnaene zaf nêwazon.
Qeşiyê kı şindorê xo beliyê u nermê, ni mıdı daa rınd ca
cênê. Qeşiye kı "ez kı serranê todı biyo..." sıfte kenê, ercon pê
gosanê xo.
Ğeletiya mına qıckeke mırê zaf serevde mekerê. Mırê paê
ğeletiyey kı bıverderê. Ebe tersa, mı xover eştene ra peyser
guretene u suç mı ser eştena; mı rae ardene ser meguriyê. Mı kı gos
sıma ser nêna, herbi zê domananê kotiyu mı mevinerê. Çiyo kı mı
ğelet kerdo, i serê fınderê u raa raştê bımusnerê mı. Hona kı sıma
ceza nêdê, ae ra ravêr gos mı sernerê. Ekı ceza sıma, seytaniya mıra
gore gıran niya sa, qebul kon.
Çiyo kı ez becar nêkon i mıra mepiyerê. Çiyo kı ez bese kon
iy mıra bıwazerê. Guvenê xo mırê beli kerê. Dest bıderê mı. Qe
nêbeno sa, çebeliyayisê mı bıgownerê. Mı, zê domananê binu mevinerê.
Baduna omıdê mı şiçino [şikino].
Serranê mıra gırs çi, mıra mepiyerê. Jü gerenge dı her çi
memusnerê. Tenê waxt bıderê mı. Mı kı, se ra se durıst hereket
nêkerd, meterserê. Mı zaf zor mekerê; baduna sımarê zuru kerdene
muson. Mı kı zaf çetıniye kerde, xo sas mekerê. Qarlebiyayisê sımarê
heqe don, hama mı leê sarri dı qıc mekerê. Leê mıletê sarri dı anurê
mı mesıknerê. Xo virra mekerê kı, eji lê sarri dı
zordariye don sıma .
Sıma kı mırê heqsıjiye kerde, nae qebul kerdene u mırê vatene
ra meterserê. Sıma kı nae ser mıra qusır waşt, ez sımara daa bon
nêjdi. Raşto kı ez sıma, sımara daa rınd naskon. Leê mıdı, xo berc u
gırs mecirê. Baduna mı kı rocê ğeletiya sıma diye, zaf bon persan.
Eji zon [zonen] kı, gegane sıma dajnon. Ebe kerdena xo sıma
don saskerdene. Çiyo kı sıma mıra pinê, zon kı leê daena sıma dı zaf
senık mano [maneno].
Çiyo kı cor dı mı sımara waşt, eke zêde vinenê sa, taynu
siçino [şikinê] kı caverderi. Guvanê mıno kı esto, hênkerê kı kêm
mebıro. Raa nae; ez çıtona sa, mı hên vinitene ra vêrena
ra.
Sıma kı mıra "domano mune"-biyene nêwaşt, eji kı sımara her
waxt bêqusır-biyene nêwazon. Zerrehirayina sıma, riyê sımao germ,
mırê beso.
Mae u piyê zê sımara dina amaene mı dest dı nêbiye. Hama,
weçintene kı mı dest dı bıbeyêne, sımara ber mı domanê-keşi-biyayene
nêwaştêne.
Ebe hezkerdayısê mı
Domanê sıma...
Nu nuste, kıtabê
Prof. Dr. Atalay Yörükoğlu "Çocuk ve ruh sağlığı" ra, ame
çarnayenı.