Dêrsim’ra
ve Dare Estene Seyid Rıza
Memê Jêle (Mehmet Gülmez)
Kıtav ra tayê çekuy:
Ma kami mı, çı hal derime? Ma Sêy Rızay, şahan Axay, Alişêri, Zerifa xanıme ça
eve zonê xo domononê xo rê qesey nêkeme? Hermeta (cêniye) Dêrsimıza ke eskerê
Tırki eve sungi pize ra domon veto, zırçayişê daye, vêyvıka ke xo ra zalımu
dest nêdo, esto Çemê Muzuri qirina daye, şin u şiwanu destanê Dere Laçi, Çewrê
Kertê Buyêre, kelepçe destê Sêy Uşêni, layê vılê Fındıq Axay, şan u şerefê
Dêrsimi, kerdena tayê xayinu çınay rê eve zonê xo nênusneme? Tarixê ma çınay rê
eve zonê xo niyo?
Dısmenê Dêrsimi, zê cawonê binu tarixê Dêrisimi ki zê vatena xo nivisno. Halbu
ke tarixê ma, tarixê Dêrsimi zê vatena dewlete niyo.Mesela, dewlete vana ke
Hervê Dêrsimi serra 1938’ine de qediya. Xêr, na raste niya.
Qewxa Dêrsimi hata serra 1944’ine ont. Demenu ra Çê Hemedê Mirzê sıli ra
qelfo pêyê, 1944’ine de, bêçare mendo, amo têslim biyo. Tıfong ki o waxt
vıneto. Naye ra gore ki sarê Dêrsimi gereke tarixê xo
ser o eve xo vındê, bınıvisne, xo ra têpiya az u uzê xo rê caverdêne.
Ez eve na fıkır ustu ra, Dêrsim de feteliyune, mordemê ke amrê xo avê şiyo,
meselonê kanu zonenê, mı dine de qesey kerd, çıqaşi ke destê mı ra ame, mı
xever u qesey kerdi topi. Qe ke nê, eve na tore, tarixê ma ra pelgê fekê isonê
ma ra amê werte. Sıro ke, mı qese u xeverê ke na kıtav der ê ardi pêser, xêlê
kesi yardım da mı. Bêguman, o yardımê dine ke nêbiyêne, na kar eve na şêkil
hazır nêqediyêne, nêamêne werte...
Mehmet Gülmez (Dêrsim’ra ve Dare Estene Seyid Rıza, Vatena Veri ra)
Adresê Waştene/İsteme
adresleri:
Zed Yayın
ıstiklal Cad. Büyük Parmakkapı sok. No:7/4 Beyoğlu-ıstanbul
Tel/Fax: (0212) 245 28 03 - (0212) 249 26 53
(Zed Yayın bir Piya Ltd. şti kuruluşudur.)
|