DIRVÊTİ PİŞİNA

Jê laşêri, jê vayê pukeleke,

sano cı, şime...

Ge sa bime, ge qırr bime,

ge jümini ra cia bime

Wax dem u dewran wax!

 

            Waxt vêreno

            Thole bêştino

            Dez vındeno

            Dırvêti pişina.

 

Vengê to yeno sewunê tariyu de

Ax ğeyalê to zerê serrunê mıde

Hesrete yena na çêveru de

Vore vorena, tevera rezefina.

 

            Waxt vêreno

            Thole bêştino

            Dez vındeno

            Dırvêti pişina.

 

Mevaze ke,

nêqırmeçino,

sıpe nêkuno cı,

khal nêbeno riyê to.

O ke şêro, asme tariya

Çhikayisi nêbırrinê

Wax dem u dewran wax!

 

            Waxt vêreno

            Thole bêştino

            Dez vındeno

            Dırvêti pişina.

 

            Aydın Öztürk

            Çarnayis: H. Tornêcengi