DÊRSiM
DE MİTOLOJİyÊ HEYWANA
Cemal
TAŞ
Hesê bırri/hes:
Mordemê
phezbırci biyo, Ana Fadima rê miy perzıtê. Ana Fadima şiya zerrê çêyi ama ke
phırço ke perzıto zaf senık aseno. Sêrkena ke
phezbırci phırç tırto, topkerdo
sano bınê qına xo, sero nişo ro. Ana Fadima cırê zewta dana, vana:
"Urce
urce, dilêgê mı ke Heqi ra esto o phırç to onciyo, to heywan bê, bırr küyê!"
Kesa:
Mordemê
saneci biyo. Rocê şiyo jü
mordemi rê cün pêmıto. Thığe-pêmıtene de xayineni kerda ke heqe zêde bıcêro.
Wayirê cüni cırê zewti kerdê, vato:
"Mıke
veng do na bedara pırre, no nêm welceğ to serra bo, to
heywan bê, bırr küyê!"
Zerece/zarance:
Pêxamberi
ke seyid kerdê, İbrahim pêxamber remo koto qawax. Yejidi pê feteliyê ke bıvênê,
zerece wendo, vato:
"Qaqıbo
qawax, qaqıbo qawax!".
Hurendia
İbrahim Pêxamberi salıxê Yejida da. Yejidi şiyê İbrahim pêxamber diyo, seyid
kerdo. Zerece şiya nukula xo be nıngê xo fitê gonia Pêxamberi. Nıngê Zerece ve
nukula xo gonia Pêxamberi ra surkenê. Mordemi zerece rê vato:
"Çaê
nıngê to surê?"
Vato:
"Vore
rawo."
Mordemi
vato:
"Wele
be toro bo! Mı to vore de ki diya, şia de ki diya.
Coka,
zerece, zıdê cısnê xo dera.
Qılancıke:
Darê
merxi en zaf koa de royino, darê xo zaf qewetıno, gegane zaf tik sono. Lızgê xo
cêr ra cor seleyinê ra. Cıra têrşig [qışik] bile vecino, anê serê bona cênê.
Darê merxi ra khodê themurê de xırti vecino. Merxe cara husk nêbena, belkia
bulısık cısano, o waxt husk bo.
Heq u
Taalay merdene dano dar u beri, dar u ber qebul nêkeno. Dano thêr u thuri, yi
ki qebul nêkenê. Axır Cıvraili derman do qılancıke cırê vato:
”Niy
bere qulê mınê dı nıngi ro sane ke, cırê merdene çine bo”.
Qılancıke
ki perra ra, şiya merxe sero nista. Merxe sero o dermano emanat sano xoro, nêdo
quli. Qılancıke ke derman sanena xoro, cıra rışino merxe ki ser, merxe na sevet
ra daim khêwe manena.
Hz.
Eli axır Cıvraili rusneno, vano:
”Hawt
bıray estê, yi sesmena bıray ocağkorê, yi sesmena bıraa ra yê jü lacê de xo
esto, so roê yi bıcê”.
Cıvrail
sono roê lacêki cêno, Hz. Eli dıme terkneno sono ke dormê meyiti de taê
berbenê, taê huyinê, xo-xode vano:
”Oncia
qulê mıno dı-nıng qarê mı qebul keno”.
Qılancıke
rê merdene kerdo hesrete, vato:
”To,
ya rastê kemere bêrê, ya ki rastê qersuna sefkani bêrê!”.
***
Thüye:
Thüye
waxtê de jü dewe de veyvıke biya, ciniyanê dewe berey kerdê, veng do cı,
vato:
"Bê
şime".
Thüye
vato:
"Destê
mı thal niyo, mı sero vındere, kara mı ke qediye ez ki yena.”
Ciniki
sero nêvınetê, şiyê. Thüye ama teber ke kes nêmendo tıng teynawa. Nişta ro
berba, vato:
"Mı
ke veng do Ana Fatma, ez thêyre bi, dar u ber ra nişi, xorê bıwani!".
Düwa
xo qebul biya, biya thêyre kota ko u gerisa, pesewe wanena. Eke wanena, vana:
"Thuu,
beran çhuuu!".