Falënderimi i takon Allahut,Subhanehu ve teala, i cili udhëzoi për ne bamirësi dhe librin e Tij e beri argument për besimtaret, ndërsa përshëndetjet, paqa dhe bekimet qofshin mbi Muhammedin, Alejhi selam, te cilin e nderoi Zoti i vet me Kur'an dhe e veçoi me Natën e Kadrit ne Ramazan, mbi familjen e tij dhe shokët e tij, zotërinjtë e asaj kohe, dhe mbi tere pasuesit e tyre te drejte…

Vëlla musliman! Lum për këtë gëzim te muslimaneve për këto dite, te cilat iu përsëriten çdo vit dhe te cilat i duan me gjithë shpirt.

Vëlla! A nuk është dhunti, begati, qe njeriut çdo vit t'i vijnë dite, ne te cilat jeton një jete plotësisht diferente nga jeta e ditëve tjera te vitit?!

Vëlla! Gëzimi për këtë dite te Ramazanit nuk përshkon vetëm te mëdhenjtë por edhe te vegjlit, te cilëve nuk iu është bere ende obligim agjërimi.

Vëlla! Patjetër duhet ta dish se ditët e ramazanit kane një shije te veçante, te cilën ti do ta gjesh pos atë vie Ramazani; e ëmbël, kënaqshme, e shijshme, e këndshme…

Vëlla! Ditët qe përsëriten, muaj qe vijnë njeri pas tjetrit dhe vite qe pasojnë njeri tjetrin…Ne te gjitha këto do ta gjesh këtë muaj te ndershëm, duke shpërndarë aromën e vet ne dite, muaj, vite, e nëse do thuaj: po edhe ne vet njeriun!

Vëlla ky është muaji i Ramazanit, muaji i durimit, muaji i Kur'anit, muaji i pendimit, muaji i mëshirës, muaji i faljes se mëkateve, muaji i bamirësisë, muaji i duave, muaji i lirimit nga zjarri…

Vëlla! A je gëzuar për ardhjen e muajit te Kur'anit?  

Vëlla musliman! Ja ditët po na sihariqojne për ardhjen e këtij muaji te bekuar, para te cilit ka lule te ndryshme, qe iu thonë njerëzve: U ka ardhur muaji i mëshirës, faljes se mëkateve, andaj çfarë keni përgatitur për te?    

Vëlla! Atje ne Medinën e Ndritur, ne Medinën e Pejgamberit,Alejhi selam, çdo vit shokëve te Pejgamberit, Alejhi selam, iu sillte sihariqe. Ja Pejgamberi Alejhi selam po njofton për te, po njofton për një përgëzim hyjnor" أتاكم رمضان شهر مبارك فرض الله عز وجل عليكم صيامه، تفتح فيه أبواب السماء! وتغلق فيه أبوب الجحيم! وتغل فيه مردة الشياطين! لله فيه ليلة خير من ألف شهر! من حرم خيرها فقد حرم! U ka ardhur Ramazani, muaj i bekuar, ne te cilin Allahu, subhanehu ve teala, ua ka obliguar agjërimin; hapen ne te dyert e qiellit, mbyllen ne te dyert e Xhehennemit dhe vihen ne pranga shejtanet arrogantë. Për Zotin! Ne te ka një nate me e mire sesa 1000 muaj! Kush pengohet nga e mira e saj veç është penguar (nga tere te mirat)". (Nesaiu dhe Bejhekiu. Shih: Sahihut Tergib, nr: 985)

Imam Ibni Rexhebi ka thënë: "Ky hadith merret si parim baze për urimin e ndërsjellë dhe reciprok ne mes muslimaneve për ardhjen e muajit Ramazan. Si te mos përgëzohen muslimanet për hapjen e dyerve te Xhenneteve?! Si te mos përgëzohet mëkatari për mbylljen e dyerve te zjarrit?! Si te mos përgëzohet i mençuri për një periudhe kohore, ne te cilën vihen ne pranga shejtanet?!.

Vëlla! Ky është përgëzimi për te cilin ka punuar punëtorët, janë përgatitur te vyeshmit, me ardhjen e tij janë gëzuar besimtaret…

Vëlla! Ku është gëzimi yt? Ku është buzëqeshja jote ndërsa ti tani veç i ke vërejtur ditët qe te janë afruar dalëngadalë, qe te lëshojnë para çdo muslimani një gëzim…Muaji i Ramazanit…

Vëlla! Ah çfarë muaji i bekuar, për te cilin zemrat e te devotshmeve përmallohen dhe nga dhimbja e ndarjes prej tij rënkojnë...". (Ibni Rexhebi)

Vëlla musliman! Ah çfarë përgëzimi i madhe për ata qe mbërrijnë këtë muaj te faljes se mëkateve!

Ah çfarë përgëzimi i madhe për ata qe mbërrijnë për ata qe mbërrijnë muajin e mëshirave...

Ah çfarë përgëzimi i madhe për ata qe mbërrijnë muajin e Kur'anit...

Ah çfarë përgëzimi i madhe për ata qe mbërrijnë stinën e ibadeteve...

Ah çfarë përgëzimi i madhe për ata qe mbërrijnë ditet, te cilat Allahu, subhanehu ve teala, i veshi me petkun e bukurisë, nderit dhe urtësisë...

Vëlla! A e di se njerëzit e devotshëm e lutnin Allahun,subhanehu ve teala, kohe te gjate tua mundësonte ta arrinin Ramazanin? Ka thënë Ma'la Bin Fadl, Allahu e mëshiroftë: كانوا يدعون الله ستة أشهر أن يبلغهم رمضان! ثم يدعون ستة أشهر أن يتقبل منهم! (Te paret tanë) E lutnin Allahun,subhanehu ve teala, 6 muaj qe tua mundësonte arritjen e këtij muaji, ndërsa 6 muaj te tjerë e lutnin tua pranonte këtë muaj (veprat gjate tij)". Jahja Bin Ebi Kethiri ka thënë: كان من دعائهم: اللهم سلمني إلى رمضان، وسلم لي رمضان، وتسلمه مني متقبلاً Prej duave te tyre ishte: O Allahu im! Me dorëzo tek Ramazani dhe dorëzoje Ramazanin tek unë dhe pranoje prej meje me pranim te mire!

Vëlla! Lutu edhe ti sikurse ata, gëzohu edhe ti sikurse ata, sepse ka gjasa qe Allahu, subhanehu ve teala, te begatoje me dhuratat e Ramazanit, keshtuqe t'i fal mëkatet dhe del prej Ramazanit ndërsa mëkatet te janë falur dhe je liruar prej zjarrit.

Vëlla musliman! A nuk te ka shkuar ndërmend ndonjë dite vlera e atij qe arrin Ramazanin? A nuk ke menduar ne shpërblimin e madh për atë, qe Allahu, subhanehu ve teala, ia mundëson arritjen e këtij muaji te bekuar?

Vëlla! Ne mënyrë qe gëzimi yt ta arrij kulminacionin po te le me këtë tregim: Ebu Hurejre rrëfen se dy njerëz kishin pranuar Islamin, por njeri kishte rene shehid një vit me pare se tjetri. Tahlha Bin Ubejdil-lahu kishte thënë: Pashe ne ëndërr Xhennetin dhe pashe ne te se ai, i cili kishte vdekur një vit me vone kishte hyre ne Xhennet para shehidit. U çudita prej kësaj! U ngrita ne mëngjes dhe ia tregova ose iu tregua kjo Pejgamberit, Alejhi selam, i cili tha: أَلَيْسَ قَدْ صَامَ بَعْدَهُ رَمَضَانَ وَصَلَّى سِتَّةَ آلَافِ رَكْعَةٍ أَوْ كَذَا وَكَذَا رَكْعَةً صَلَاةَ السَّنَةِ A nuk ka agjëruar pas tij (shehidit edhe) një Ramazan dhe ka falur 6 mije rekate ose kaq e kaq rekate sunnet". (Imam Ahmedi, Shih: Sahihut Tergib, 365)

Vëlla! Na mundësoftë neve dhe juve Allahu ta arrijmë Ramazanin për shume mote dhe na befte te jetojmë me te dhe vepra te mira jete zotërinjsh!

Vëlla! A ke përgatitur nijjet te sinqerte?

Vëlla! A ke përgatitur vendosmëri te vërtetë dhe te sinqerte para agjërimit tënd?

Vëlla! A ke pastruar zemrën derisa je duke e pritur Ramazanin, qe ta dish vendosmërinë dhe sinqeritetin e saj?

Vëlla! Sa te shumte janë ata qe hyjnë ne Ramazan pa nijjet te sinqerte, nuk e kam për qellim nijjetin për agjërim, sepse me këtë vie çdo agjërues, por për qellim vëlla e kam nijjetin e pastër për agjërim dhe ibadetin e sinqerte ne këtë muaj te bekuar.

Vëlla! A e ke përkujtuar këtë vendosmëri te forte para agjërimit tënd?

Vëlla! Ne te menduarit tënd për nevojat dhe përgatitjet e duhura për Ramazan, ushqim apo pije qofshin, te bashkohen shume njerëz, por çfarë thua për mendimin tënd për ushqimin shpirtëror, pastrimin e shpirtit dhe drejtimin kah Allahu,subhanehu ve teala, ne këtë muaj te shenjte. Vëlla kjo është përgatitje e dobishme për pritjen e këtij muaji!

Vëlla! A janë te njëjtë ai qe ka një vendosmëri te tille dhe ai qe nuk ka? Nëse ke dëshirë ta dish dallimin ne mes dy vendosmërive, asaj te sinqertës dhe asaj mekanike (vetëm për agjërim: mosngrenie dhe mospirje), ndalu me mua pak dhe mendoje thënien e Pejgamberit,Alejhi selam," من صام رمضان إيماناً واحتساباً غفر له ما تقدم من ذنبه! ومن قام ليلة القدر إيماناً واحتساباً غفر له ما تقدم من ذنبه! Kush e agjëron Ramazanin me besim dhe vetëllogari, do t'i falen mëkatet e mëparshme. Poashtu kush falet Natën e Kadrit me besim dhe vetëllogari^([1]), do t'i falen mëkatet e mëparshme". (Buhariu dhe Muslimi)

Ka thënë Ibni Rexhebi" Nëse shpirti largohet shume nga gjera, te cilat i dëshiron dhe ka mundësi t'i kryej-realizoj, pastaj i braktise këto për hire te Allahut,Subhanehu ve teala, ne një vend qe nuk e shef kush pos Allahut,Subhanehu ve teala, kjo është argument i besimit te shëndoshë".

Vëlla! Përgatit sinqeritet te vërtetë dhe vendosmëri te forte derisa je duke e pritur agjërimin. Poashtu përgatit vendosmëri te forte për bajram…

Vëlla! Vendosmëria me e forte te cilën mund ta marrësh është vendosmëria për ibadete, pritjen e këtij muaji me pendim te sinqerte dhe mbushjen e fletushkës se veprave me vepra te sinqerta te pastra nga njollat e mëkateve. Ndërsa sa i përket vendosmërisë sate për Ditën e Bajramit, ajo është vendosmëri për vazhdimin ne vepra te mbara, për te cilat Allahu,subhanehu ve teala, te bekoi gjate muajit te mëshirës, begative, pra gjate Muajit te Ramazanit.

Vëlla! Nëse e pret muajin e agjërimit tënd i penduar, kthyer tek Allahu,subhanehu ve teala, dhe me vendosmëri per vepra te mira, dhe pret ditën e bajramit me vendosmëri për vazhdim ne vepra te mira, ti atë dite do te jesh fitimtar i vërtet i frytit te agjërimit dhe dhuratave te këtij muaji.

Vëlla! Përgatitja e zemrës për këtë muaj behet duke pastruar atë dhe caktuar te veproje vetëm për hire te Allahu,subhanehu ve teala, dhe duke e veçuar adhurimin e saj vetëm për Të, siç thotë Allahu,subhanehu ve teala, nëpërmjet gjuhës se Pejgamberit  ُقلْ إِنِّي أُمِرْتُ أَنْ أَعْبُدَ اللَّهَ مُخْلِصاً لَهُ الدِّينَ Thuaj: “Unë jam i urdhëruar ta adhuroj All-llahun, të jem i sinqertë në adhurimin ndaj Tij!”. (Zumer 11)

Vëlla! Allahu,subhanehu ve teala, ne furnizoftë me sinqeritet ne fjale dhe vepra dhe na befte prej te sinqertëve ne vetmi e shoqëri!

Vëlla! Ramazani është muaji i faljes se mëkateve andaj a e ke llogaritur veten?

Vëlla musliman! Sa Ramazani iu kalon shume njerëzve ndërsa ata janë gafil (neglizhent) dhe asgjë tjetër nuk i pengon përveç Ramazanit, ne te cilin janë!

Vëlla! Vëlla para se te kthjellen retë e ditëve dhe te dale Ramazani dhe para se te thuash: Erdhi muaji i Ramazanit, dije se Ramazani do te vie, je apo nuk je prezent, por vëlla thuaj: Kam jetuar tere këtë kohe para Ramazanit dhe nuk di se çfarë kam përgatitur gjate tere këtyre muajve?!

Vëlla! A te ka rene me pare ta llogarisësh veten me llogari te sinqerte para çdo ramazani qe ke përjetuar?

Vëlla! Lere këtë, a te ka rene qe ndonjëherë ne jetën tende para një Ramazani te vetëm ta llogarisësh veten tende?

Vëlla! Nuk ma merr mendja se ke harruar ta planifikosh skicën e ushqimit te pijeve  gjate këtij muaji por me duket se ke harruar ta planifikosh skicën e veprave te mira, pendimit, kërkimit falje, duasë…

Vëlla! Skica e atyre vepra d.t.th ta mbash një dokument, i cili e ka emrin" Kthimi tek Allahu, subhanehu ve teala,!".

Vëlla! Titullin e pare qe do ta hasesh ne këtë dukument është: Llogarite veten tende se pari! Nëse arrin sukses ne mbushjen e pyetësorit te këtij titulli, kalon ne titullin tjetër: Pendimi tek Allahu,subhanehu ve teala,! Nuk do te arrish sukses ne këtë titull përveç nëse ofron paraprakisht një argument për sinqeritetin tënd qe pendimi yt te jete pendim i sinqerte!

Vëlla! Llogarite veten para Ramazanit qe agjërimi yt te jete i pastër dhe qe te jesh agjërues i vërtetë! Ka thënë Hasan El Basriu: إن العبـد لا يـزال بـخير مـا كـان لـه واعظ من نفسه، وكانت المحاسبة من همته Njeriu do te vazhdoje nen hijen e hajrit derisa te këtë nga vetvetja këshilltar dhe llogaria te jete prej brengës (interesimit) te tij".

Vëlla! Te shumte janë ata qe e presin këtë muaj ndërsa nuk janë te përgatitur keshtuqe hyjnë ne të të zhytur prej mëkateve dhe gabimeve. Agjërimi i tyre nuk le gjurme ne ta e as namazi ne të (ramazan) nuk i munde (për t'i kthyer ne te mbara) dhe ja i u vie fundi dhe dalin prej ramazanit ashtu sikurse kane hyre ne te.

Vëlla! Mëkatet kane gjurme te mëdha ne vrazhdësinë e zemrës ndërsa Ramazani është muaj i dëlirë, shpirtrave te pastër, dhe nëse vëlla nuk përgatit për te zemër te bute dhe te pastër nga njollat e mëkateve, anijes sate do t'i kaloje koha dhe do te mbetesh ne po te njëjtin port qe ishe me pare; i penguar nga e mira dhe duke pritur dike qe do te shpëtojë…Vëlla behu i sinqerte me Zotin tënd ne këtë muaj sepse kështu do ta gjesh afër teje…

Vëlla! A ke përgatitur vendosmëri te forte për ta hapur një faqe te re te jetës. Nëse faqet e jetës sate te janë mbushur me mëkate, dije se ramazani është shanse qe te te jap një faqe te re, te paster, te bardhe, qe ta mbushesh me vepra te reja dhe te bardha sikurse bardhësia e kësaj flete!!

Vëlla! Mos i be ditët e Ramazanit sikurse ditët tua te zakonshme, por beri ta bardha ne ballin e jetës sate. Ka thënë Xhabir Bin Abdil-lah:   إذا صمت فليصم سمعك، وبصرك، ولسانك، عن الكذب، والمحارم، ودع أذى الجار، وليكن عليك وقار، وسكينة يوم صومك، ولا تجعل يوم صومك، ويوم فطرك سواء! Nëse agjëron ti, atëherë le te agjëroj edhe dëgjimi yt, shikimi yt, gjuha jote nga gënjeshtra dhe ndalesat; lere shqetësimin e fqiut. Behu i qete dhe i urte gjate ditës se agjërimit tënd, dhe mos e be te njëjte ditën e agjërimit me ditën e ngrënies (ditën jashtë ramazanit)!

Vëlla! Nëse para Ramazanit ke qene përtac për faljen e namazeve ne xhami, lidh vendosmëri për faljen e rregullt ne shtëpitë e Allahut, Subhanehu ve teala, ka shpresa qe Allahu,subhanehu ve teala, te te begatoje për këtë mirësi gjate tere jetës sate!

Nëse vëlla je koprrac ne pasuri, bere Ramazanin stine te shpenzimit dhe bujarisë, sepse ramazani është muaj i bujarisë, bamirësisë dhe shumëfishimit te veprave te mira. Nëse ke qene neglizhent ndaj përkujtimit te Allahut,Subhanehu ve teala, beje Ramazanin muaj te përkujtimit, duave dhe leximit te Kur'anit sepse ai edhe ashtu është muaj i Kur'anit!

Vëlla! Behu kureshtar për pastrimin e agjërimit tënd sikurse qe je kureshtar për pastrimin e rrobave tua, andaj largoju fjalëve te kota, sharjes, moralit te ulte…Thotë Pejgamberi Alejhi selam" ليس الصيام من الأكل والشرب! إنما الصيام من اللغو والرفث! فإن سابك أحد أو جهل عليك فقل:إني صائم Agjërimi nuk është lenia e ushqimit te pijes por agjërimi është lenia e fjalëve te kota dhe gjerat e turpshme. Nëse te shan ndokush apo tregohet injorant ndaj teje, thuaj: Unë jam agjerueshem!".(Ibni Huzejme dhe Hakimi, shif Sahihut Tergib, 1068)

Vëlla! Mos u be prej atyre, te cilët i përshkroi Pejgamberi Alejhi selam" رب صائم حظه من صيامه الجوع والعطش! ورب قائم حظه من قيامه السهر! Disa agjërues  nuk kane tjetër hise prej agjërimit te tyre përveç urisë dhe etjes, dhe disa falës te namazit nuk kane tjetër hise prej namazit te tyre përveç pagjumësisë". (Taberaniu, Sahihut Terbig, 1070)

Vëlla! Ja ai ishte qe agjëron, hjek dore nga ushqimi e pijet e nuk heq dore nga te ndaluarat dhe te kotat. Siç pe, nga agjërimi i tij nuk ka asfare dobie.

Vëlla! Nëse nuk kam mbyllje te veshëve (nga dëgjimi i fjalëve te këqija), ulje te shikimit dhe heshtje te gjuhës, unë do te thotë nga agjërimi im nuk kam tjetër përveç urisë dhe etjes, dhe nese them se kam agjëruar sot, d.t.th (me këto fjale e vepra te liga) nuk kam agjëruar. Ka thënë Hasan El Basriu: إن الله جعل شهر رمضان مضماراً لخلقه يستبقون فيه بطاعته إلى مرضاته، فسبق قوم ففازوا،وتخلف آخرون فخابوا! فالعجب من اللاعب الضاحك في اليوم الذي يفوز فيه المحسنون! ويخسر فيه المبطلون! Allahu,subhanehu ve teala, muajin e Ramazanit e ka bere arene garimi për krijesat e Tij, ku garojnë me ibadetin për Të për ta arritur kenaqesine e Tij. Një grup njerëzish ua paraprinë te tjerëve dhe fituan ndërsa te tjerët mbeten mbrapa dhe humben. Çudi me atë qe luan dhe qesh ne ditën kur bamirësit fitojnë dhe humbin rrenacaket (veperkeqinjte)".

Vëlla! Agjërimin tënd beje shkolle, ne te cilën pastrohet shpirti yt dhe i mësohen dobitë e moralit te mire, ne menyre qe kur te shkoje Ramazani ta ndiesh rezultatin e mire te agjërimit tënd dhe te jesh prej atyre qe kane përfituar prej agjërimit te tyre…

Vëlla! A e ke përgatitur veten qe te jesh prej atyre qe lirojnë veten e tyre prej zjarrit?

Vëlla musliman! Ky është qëllimi për te cilin agjërojnë agjëruesit dhe garojnë besimtaret…

Vëlla! I lumtur me plotkuptimin e fjalës është ai, qe del prej Ramazanit me mëkate te falura dhe i llogaritur prej njerëzve te bekuar përgjithmonë…

Vëlla! A i ke folur shpirtit tënd para Ramazanit për shpëtimin prej zjarrit? A e ke përgatitur shpirtin me frike prej Allahut,Subhanehu ve teala?

Vëlla! Prej frikës se zjarrit bamirësit kane duruar etjen dhe vapën e dunjase, ne mënyrë qe ta arrijnë sigurinë dhe hijet ne Ditën e Kiametit…

Vëlla! Te pakte janë ata qe përgatisin veten e tyre për pritjen e këtij muaji me frike dhe shprese..

Vëlla! Me thuaj për një kërkese apo nevoje tende, për realizimin e se cilës udhëton 30 dite dhe ne fund, pasi qe ta arrish cakun t'i kthehesh duarthate, si do ta ndieje veten ne një çast te tille?

Vëlla! Ky është shembulli i agjëruesit me Ramazanin! Qëllimi i tij është ta arrij faljen e mëkateve dhe shpëtimin prej zjarrit, dhe nëse nuk e arrin këtë ai vërtet është i privuar nga një e mire e madhe. Thotë Pejgamberi Alejhi selam"  لله عند كل فطر عتقاء Allahu,subhanehu ve teala, për çdo iftar liron njerëz nga zjarri". (Ahmedi8 dhe Taberaniu, shif: Sahihut Tergib, 987)

Ibni Mes'udi thoshte kur shkonte muaji i Ramazanit thoshte: من هذا المقبول منا فنهنيه؟ ومن المحروم منا فنعزيه! Kush është ai qe i janë pranuar veprat e ta urojme dhe kush është ai qe është privuar (nga kjo) e ta ngushëllojmë".

Vëlla! Bëhu kureshtar për prezantimin dhuratave te këtij muaji te bekuar sepse ka shpresa qe Allahu,subhanehu ve teala, fundin tënd ta beje te mire. Thotë Pejgamberi Alejhi selam" افعلوا الخير دهركم وتعرضوا لنفحات رحمة الله، فإن لله نفحات من رحمته يصيب بها من يشاء من عباده، وسلوا الله أن يستر عوراتكم، وأن يؤمن روعاتكم Beni mire tere kohen dhe prezantohuni dhuratave te mëshirës se Allahut,Subhanehu ve teala sepse Allahu,subhanehu ve teala, ndan dhurata nga mëshira e Tij, te cilat ua shpërndan atyre qe do prej robërve te Tij, dhe luten Allahun,subhanehu ve teala, t'ua mbuloje turpet (avretin, pjesët e turpshme) tuaja dhe t'iu siguroj-ruaje nga frika juaj". (Taberaniu/Silsiletus Sahiha, 1890)

Vëlla derisa po i  mbylli këto fleta, a nuk do ta lusësh Allahun,subhanehu ve teala, me mua qe te na e mundësoje arritjen e ketij muaji dhe te na beje prej te mëshiruarve me agjërim?!

Vëlla musliman! Ja ky është muaji i bekuar andaj përgatitu me dua qe te jesh prej atyre qe arrijnë këtë muaj dhe përgatitu me pajisje te sinqerte qe te jesh prej trashëgimtarëve te Xhennetit dhe begative te tij!

Vëlla! Allahu,subhanehu ve teala, na furnizoftë me sinqeritet te agjëruesve, falje te namazlinjeve, cilësi te te devotshmeve!!!…
Allahu,subhanehu ve teala, na ringjallte ne grupin e te begatuarve dhe neve dhe ju, me mëshirën dhe kenaqesine e Tij, na i mundësoftë derexhetë (gradat) e mukarrebineve (te afruarve tek Allahu)!

Falënderimi qofte për Allahun,subhanehu ve teala, pa fund ndërsa përshëndetjet qofshin mbi Muhammedin,Alejhi selam, familjen, shokët dhe tere pasuesit e tij gjer ne amshim…

Marre nga: www.twbh.com

Përshtati ne shqip: Sedat Gani Islami

4 tetor 2005, e marte

Brunei Darussalam