十一月份

今日上English Acadmic Propose，好似上communication，但係就好鬼悶…
返學之前買左張pre-paid Internet，終於有得上網喇。不過都見唔到妳online…尋晚真係我同妳講緊野，點解妳會咁問？
今日update左個homepage喇！

一訓就訓到5點幾先起身，之後又開始溫書，都唔知點解溫極都溫唔到入腦！
Diploma真係咁深？

我冇呃你，亦都冇必要去呃任何人！我知道自己哩一刻做緊d乜、諗緊d乜…

好唔開心，返學已經變得行屍走肉…好想同妳講，但係見唔到妳online，連唯一既途徑都冇埋
用左好多方法發洩自己既情緒，日日係間房度諗野…但係都諗唔通，我又唔想同其他人講咁多我既煩惱，始終有好多野佢地唔係當時人，唔可以設身處地去諗
今日成晚都冇訓過，之後9點幾同Fiona and Tommy出左去City，Fiona去做Body Check，而我就想出去行下，唔想諗咁多…

買左一樣野俾妳，不過唔知妳鍾意咩色，所以就買晒兩隻款…不過到而家都未知妳個address，仲係度諗緊點算好
剪左個skin head…

第一次同net friend出街，佢地帶左我去les & gay bar，原來外國既les係咁架…大開眼界
之後去左間Bar，玩到4點先返到屋企

終於都見到妳online喇！

尋晚我成6點先訓，哩幾日都好似係度玩頹廢咁…訓到今日4點幾先起身
一陣仲要做功課同埋溫書，我要好努力喇，唔可以好似哩幾個week咁…
好唔開心，妳竟然話驚我係壞人，妳唔相信我唔緊要，但請妳相信自己既眼光，好嗎？我唔係想做被動，係我冇機會做主動…

病左…
今日訓到成3點幾先起身，發覺有d唔妥…之後就落左街寄信同禮物，跟住睇醫生同買「食送」，返屋企煮飯。
食完之後，就傻下傻下咁訓左…好辛苦，個喉嚨好似俾火燒咁，好痛…

今日冇返學，因為實在太辛苦喇…之後沖泡泡浴，出左身汗，好左D，不過就仲係咁咳，我諗聽日都要買抗生素食下喇…冇啦啦病都有既？我好耐都冇病過喇﹗聽日仲要返學，上2科，仲要唔識人，所以一定要上堂…

今日依然都係冇返學，仲係好辛苦，再睇多一次醫生…
做左逃學威龍

依舊都係冇返學，仲多左傷風…唉~~ 我會盡量乖乖地唔飲可樂，係盡量…
好開心呀，今日做online test有100分呀…yeah!!
估唔到今日係ICQ會見到你，你都好耐冇上過網喇。之後仲同你講左陣電話！

我已經冇返4日學，但係我仲未好返…可憐
我終於都買左張新床，double size既雙人床…正呀！聽日就送貨…不過都唔平，要成AUD$600

尋晚同Fiona & Tommy傾計傾通宵，之後我就要等床送黎，大約下午一點，送黎喇！我就好努力一個人砌床， 都搞左成個幾鐘，又出晒汗…沖埋涼睇左陣書(我而家發覺我剪哩個skin head有個好處----頭髮好快乾)就訓左lu，訓到九點，我亞媽打黎問我要咩風褸先嘈醒我…
張床好舒服呀！！

今日一起身上網，就見到一個我永遠都唔想收到既message…
之後大約九點鐘出左去個朋友--維維既屋企，今次係我係澳洲咁耐第一次冇返屋企訓…

一早九點幾起左身，好鬼眼訓，之後同朋友一齊出去，今日既行程非常豐富︰ 首先去左Sydney University陪朋友交assignment，之後就去左China Town，識左幾個新既朋友仔，又去左The Rocks陪朋友買野，跟住去左其中一個新朋友既屋企打機，食晚餐。 查實已經開始眼訓，不過之後又去左Duty Free行，同埋飲野，跟住就回到家，但係一返到去又唔係好眼訓喎，唉~~~

今日上marco，真係有種一日不見，如隔三秋既感覺。上堂淨係不斷咁抄notes同send message…
返左屋企之後就更加唔明今日上堂教左d乜？睇黎我都要搵一日認認真真咁同佢談下情喇！

今日返full day，由10:30am到5:30pm，好似返工咁返，仲要轉4個classroom，轉到頭都暈埋！
尋晚成5點先訓，搞到個人傻下傻下咁，唉~
今日既新發現︰原來自己可以一路上堂抄notes一路send SMS message，仲要冇抄少notes，哈哈哈哈！

今日上statistics，雖然淨係上3個鐘，不過就成日覺得d時間好難過。可能係因為我上個semester學過啦， 就黎又要交statistic既assignment喇…都唔明點解咁多assignment要交！
放學之後，同Crystal and Joe出左City食飯同唱K，竟然妳又係City！唱到10點到，就行左去China Town，之後上左妳屋企食鹵水雞翼，好好味呀！

我終於都講左喇！雖然係好快(連自己都唔係太相信)，不過我係認真。今日上EAP，係咁多科最悶既一科，好唔容易先放學，之後上左妳屋企煮dinner同埋溫書。

好開心呀，今日去左The Rocks食pancake，之後就去Starbucks飲野同溫書，溫到9點到，雖然仲未溫晒，不過我已經好努力咁溫左2個weeks既野，聽日再溫埋另外2個weeks就開始做assignment。 行去China Town途中竟然撞到Kim、Mandy，跟住就一齊食dinner…
每一日只要妳願意，我都會好樂意煮飯俾妳食