香港o既鐵路無日本咁複雜，講到 d 車o既外型亦唔係咁靚仔（不過個內籠都唔錯）。可能係愛屋及烏啦，雖然點都係鍾意日本o個d鐵路多d，不過都會留意下香港o既鐵路o既。有時會o係地鐵裏面幻想自己搭緊山手線，o係好逼o既時候又會記番起逼尾班車返阿佐佐谷o既JR，睇番香港o個種逼法只係小巫見大巫o者。
影左少少相想同大家分享下，請指教！
呢幾張係買左數碼相機之後，o係旺角站度影o既，有一張用左長時間曝光，可惜手震…最想o係紅磡車站影，o個度有柴油車呀，直通車呀咁，希望呢個願望可以實現啦…
東涌日和
影左咁多火車o既相，我覺得同佢地最親密o既就暫時係呢一次。記得o個日無啦啦去東涌，去搵shine《東涌日和》（車箱中同遊，和這世界揮手∼）個MV o既路軌，雖然始終都搵唔到，但係俾我o係「港龍城」出面搵到個幾正o既捕捉點。
呢張失敗左少少，佢係由機場開出o既，同列車從未如此接近過（不過好嘈）！
呢張係暫時最成功o既一張，個timing夾得好好，再好d應該避得開條電線桿。最記得我一按快門，頭頂就有部機飛過，好嘈但唔可以free隻手出黎掩住隻耳仔o既感覺。等機鐵其實都幾要耐性架，大約十分鐘度先有一部開出，所以都聽左唔少飛機聲，同四圍閃，希望唔會o係正架機降落o個條track之下。下次我諗要帶埋個耳塞去先得。
紅館掠影（04某星期日）
呢張係o係紅館出面影落去o既，其實都幾鍾意呢類o既車，比起蒸氣火車先進少少，又不失懷舊感…
鐡路博物館 (9-1-05)
o係有左數碼相機之後第一次探番呢幾架火車，都睇到佢d展品多左，尤其係有唔同國家o既火車模型，美中不足o既係因為入到去都四點幾，就黎關館，所以無得上客車度影下。少少地影左幾張啦﹕
轉軌器（我估）
最鍾意o既柴油車
呢張係一架窄軌火車o既背面，估唔到都幾卡通化，似唔似一個將要擘大個口o既機械人呢？