二零零二年九月台灣台北自由行

28th September,2002 <Day 1> Saturday

今日一早就到機場, well~ 係就係上左機, 但 Check In 時才知道航空公司說那些有Label的是所謂的"垃圾機票"!! 所以叫我但記得到了台灣後一定要先做 reconfirm... so, 我地更係乖乖的照做啦....v_____v.. (下次買機票時記得問清楚, 睇清楚) ... 落地簽都唔係好,難只係需填 form連相片都唔駛...

因為我地航機 delay左半粒鐘... 所以令到黎接我地既人足足呆等左成粒...真係唔好意思... and 由於佢唔記得左帶我地既[周杰倫"The One"演唱會]飛出黎, 所以我地搞好 reconfirm 之後就同佢一齊去佢位於"東北角"既屋企先取回票再車我地返圓山大飯店 放低野然後立即出發到演唱會會場, 一去到見到好多人己經排緊隊... 本來我朋友去買野姇我排隊的... 點先佢行左十幾廿步之後返轉頭, 話畀我知已經開始入場...so 我地唯有入左場先...... 不過都好在排隊一路上都有小販... 咁我地就同D小販買左 [糯米腸] 同螢光棒....大約六點半, 我地已經入左場...嘩...冇位坐既!?!?!?!! 原來我地買既係"搖滾區" 係最貴但係係企位... 所以... 全場我地足足由六點半企到十點半... 足足企左四粒鐘!! 腳都軟埋!!!

七點半, 幾經辛苦終於都開始喇~~!!! (梗係開心啦... 等左咁耐v__v) 開始有人尖叫..起烘...嘩.... 個一刻... 我真真正正地感受到咩叫"癲"!!!痴線架!!!!!其中有兩個女仔企隔離係咁尖叫... 差D畀佢地嚇聾...真係變態!!! over all 黎講, 呢個演唱會都算好成功... 只係"開不了口"唱錯歌詞唶... never mind 啦... 起碼畀人知佢唔係咪咀嘛!! 哈哈!! 演唱會完左, 我地先去拎返部相機( 入場要 check手袋... 畀人收左...遊客都不例外>.<) 之後就去買左D 演唱會既紀念品, 我買左兩條電話繩, 一條畀Agnes, 一頂Cap 帽... 都幾靚既 :) After that, 已經十一點半, 我地撘的士去"士林夜市"食"Dinner"原來夜巿個位已經搬左, 好似成為一個熟食中心咁.... 不過都係以前咁好d.. 可以邊行邊食...而家就食還食, 行街還行街...冇咁有趣... 不過家陣就多左好多野食....花多眼亂... 差唔多一點幾, 我地先撘的士返酒店休息...嘩....... 好累..........v____v   

29th September,2002 <Day 2> Sunday

一早... "朋友呀... 你咁早呀!!" 佢一早就黎接我地去玩... 去我要求想去的九份! 正!! 因為今次唔再係跟旅行團玩, 我地在九份山區玩左差不多半日!! 勁呀!!! 哈哈哈!! 當然我地係先四圍看看, 玩玩, 拍拍照, 原來個到咁大架喎!! 哈! 上次只係行左DD 既我今次真係行番夠本喇! 嘻~~ 呢張相就係我想睇但上次又搵唔到既地方... 跟住我地又試下當地美食啦... 個D 叫咩"芋圓冰" 細細粒 既得意架... 加D冰入去... hahaha 冰冰的感覺!! 仲有食左牛肉麵當早餐, 都幾好味丫 ^^ 行過睇過, 當然就到我地最想要做既野啦... 就係 shopping!!! 不過我真係好失望啊... 因為上次我地買到好好個間鳳梨酥店唔知點解唔見左....>____< 真係好好架...!!!! 新鮮出爐, 比人地話好味既新東X 好食好多架!! 無奈! 咁我地個friend 見到我咁失望就話介紹一間係基隆, 當地人話好味既餅店畀我地去買! 都... 好啦....v___v 我地買左少少其他野食之後就離開左主要觀光區... 先去拎返架車, 跟住我地就係九份既幾個山頭四維遊山玩水!! hahahahah 真係百份之一百係遊山玩水!! 佢載我地呢到去睇下個到又去睇下, 行下山睇下風景... 嘩... 講真... 都幾累的... 不過... 可能佢唔累啦... 最好笑係就佢地成日去睇D防空洞... 咁黑... 都唔知有乜... 好驚架嘛... 咁我咪唔肯入去囉... 但結果都係跟佢地行左一次... 因為要由個到行返出去... 好可憐啊!! 跟住仲有一次要爬上出啦... 一次好果唔小心就會跌落山啦... 唉... 咁大個女都係第一次做D咁危險既事!! 

由八點出門口玩到三點左右, 由於佢跟住仲要返工, so 我地就離開九份落左基隆去買餅喇! (我唸...如果佢唔係要返工... 我地仲有排行山呀!) 不過我都好佩服佢! 因為佢可以行到邊都介紹到畀我地識個D係乜... 勁呀! 我同佢講... 如果佢黎到香港千祈唔好問我呢D係乜個D係乜.. 因為我九成都唔會知..! Hahah :P 落到基隆, 我地買完餅就沿住行到火車站的路shopping 同食 tea ^^ 跟住搭火車返台北巿... 都幾遠架原來... 火車都要坐半個鐘!  

返酒店放低後我地又繼續出發... 今次係約左我朋友既姐姐去佢屋企食飯... 嘩... 佢屋企好大好靚!! 真架... 佢姐姐同佢朋友又好nice , 大家好好傾^^ 個餐飯... 係我第一次冇筷子用既一餐... 哈哈哈... 因為係印尼華僑既關係...^^ but 都冇問題... 都食得到... 有叉同匙羹丫嘛~~ 嘻嘻! 分手時... 我地仲 hug hug 添^^ 

30th September,2002 <Day 3> Monday\

落雨... v______v 我地一早出左巿中心行書局, 我個freind 就幫佢D friends 買左一大堆書... 返酒店放低D書之後我地再出發去淡水! 哈... 又好彩喎, 去到居然只係陰天冇落雨喎!! 旅遊書上介紹的什麼"阿婆鐵蛋" "阿媽的酸梅湯" 仲有唔知咩出名好味既魚蛋我地通通都溫左黎試... 嘻嘻... 為食!!! 哈哈哈!! :p (去台灣更係乜都試下啦!) 跟住係淡水老街到又見到可以畀人摸既蛇... 好大條架... 不過佢都唔郁既... 咁我地都摸左... 哈哈... 個感覺好"核突"!! 然後又見到一隻大肥豬喎!! hahahaha 最搞笑就係我個friend 想幫佢影相... 點知唔影仲好好地... 一影佢就係條街到屙屎呀!!! 真係第一次見!!!! 哈哈哈!! 超好笑的!!! 我仲笑佢應該幫佢影底屙屎既相... 因為係香港見唔到啊!!! :P 

我地入左一間餅店, 有得試食架.. 好好味! 正!!! 咁咁好味更係都買左D返屋企啦!! 然後又入左一間店... 係門面睇真係覺得佢有乜好買... 但入到去見到D chinese style 既野又好平又幾精緻... 所以我就買左一匹馬做手信送畀同事!! 又好開心佢鐘意喎!! hahaha 佢話掂喎! hahaha 真好 :D 買左一大堆野, 我地又先行返酒店放低先再出街啦更係! :P 

夜晚, 我地去左食台灣有名既麻辣火煱! 嘩.... 打邊爐... 我地叫左兩種湯底, 佢就主要食麻辣既... 我就食清湯... 因為見到血紅色都知勁料!! 咪搞... 試下都仲可以... 主食就唔好喇!! :P 試過... 都真係好勁.... 下次.. 都係咪搞喇! v__v 之後, 我朋友帶左我去一間"秋千"餐廳... 幾靚架... 仲好得意咁添... 可借我地座唔到"秋千"位丫... 失望 v___v 不過佢D野飲都Ok架... 其實即係好似香港既"仙踪林"咁既地方, 不過人地裝修得有特色囉! 人流都唔少架! 好有氣氛... 拍拖岩晒!! 可借同我去既唔係男仔丫....v___v (朋友... 你當時係咪都有D失望同你去既唔係男仔呢??) 下次丫... 希望下次再去既時候唔會再失望啦 :P

1st October,2002 <Day 4> Tuesday

Last Day, 我地一早就收拾好一切交到酒店大堂保管然後出去搵食喇! 由昨天"鼎泰豐"休息, 所以到今天才去... 我地跟書... 點知搵唔到... 的士司機話書上講既係本店, 但本店又係好遠... 同書講既唔同... 佢介紹我地去新店... 但我地第一次搭的士都係搵唔到... 後來搭第二次的士才搵到... 的士司機好好人... 知道我地係外國來的, 佢仲用私伙手機幫我地打電話問清楚人係邊先去添...好感謝啊! 原來都唔係好難搵... 就係第一個司機講既個條街既兩條街之後之嘛!! ( 不過個兩條街都好長下架呢!!) 我地去到都未算多人, 仲有位, 我地試左 蟹粉小籠飽, 菜肉飽, 千層軟糕, 酸辣湯, 八寶甜飯 仲有"小菜"! 正!!!! Hahahah 好在佢份糧不大, 咁我地可以食多幾樣^^ 走既時候仲見到有香港團去食添~

食飽飽, 我地向東方向行去shopping, 突出見到一堆人係到影相... 初時我都唔知個個靚仔係乜水....跟住我個 friend 話佢係"何潤東" 咁我就有少少印象喇! 嘩!!! 超正架!! 真人比相靚仔十倍呀!!!! 呢張相都已經唔夠佢真人正架喇!!! 咁難得見得到... 當然唔好執輸啦!! 我都幫佢影左幾張相^^ 後來...後來... 佢居然好偶然咁企左係我地面前休息...咁我個膽就黎喇... 我居然開口用國語同佢講我地係香港黎, 可唔可以同佢影相... 佢居然用廣東話同我地傾計呀!!! 話" 你地係香港呢架... 黎shopping 呀??咁難得遇到, 好丫, 呢到多人, 我地行埋一邊影丫" 佢D廣梱話好正架... 唔講都唔知佢係台灣人! 跟住... 我...>< 我唔知點解控制唔到隻手呀!! 媽呀~~!!! 我幫個 friend 同佢影... 但我隻手居然不停咁震呀!!! 仲震到畀佢地睇到添!! hahahaha 笑死我呀... 我個 friend 事後都不停咁笑我... 真係想死...想搵窿捐... 我唸呀東都一定係到笑緊我... 但.. 我真係不知點解會咁... 可能因為我冇唸過佢會回答我仲肯同我地影相添....唉... 失禮呀!! 陰功!!! >__< 真係好高.. 見到呢張相嗎? 左下角既係我個頭... 我唸佢有六尺多D.. 由於呢張相我影得好醜樣... (遺憾!!) 所以唔畀睇...!! 影完相, 我地就走左喇... 話時話...點解唔簽名既?!? 我地開心到跟住自己行去邊又唔知... 做緊乜都唔知... 唉...v____v 可以講既係... 佢好Nice, 超靚仔! 一個字 "正!!!" :P

後來我地仲有少少時間, 就去左西門町, 買番禽日見到好鐘意既一對"Birkenstock" 既涼鞋, 然後就就啟程返酒店拎埋D野返香港喇... 我地拾的士, 一路上都同司機傾計, 我問佢圓山大約幾錢一晚... 佢話做團都要大約四百蚊港幣住冇露台既房... 咁我地即時心唸...嘩.. 好抵.. 我地都係咁上下價錢但仲住到露台房!! 抵呀~~

搭的士其間... 我地先見到香港人好鐘意食既 "維烙餅店" 係邊... 真係激死!! 買唔到喇...><  佢D鳳梨酥好好味架!!! 而家知喇... 放係呢到... 等各位下次去既時候記得買D畀我食呀~~~~ 多謝~~

維烙烘餅 : 台北巿酒泉街76號

鼎泰豐 (本店) : 台北巿信義路2段194號 (永康街口)

鼎泰豐 (忠孝分店) : 台北巿忠孝東路4段218號 (自216巷進)

羅記 (九份) : 台北縣瑞芳鎮基山街97號

李鵠餅店 (基隆) : 基隆巿仁三路90號

滬尾餅舖 (淡水) : 淡水鎮中正路85號

圓山大飯店 : 1, Chung Shan N. Rd., Sec. 4, Taipei, Taiwan  (Tel: 886-2-28868888)