SrI lakShmi aShtOttara SatanAma stOram
ஸ்ரீ லக்ஷ்மி அஷ்டோத்தர சதநாமஸ்தோத்ரம்
॥ श्री लक्ष्म्यष्टोत्तरशतनाम्स्तोत्रम्॥
देव्युवाच-
देव देव महादेव त्रिकालज्ञ महेश्वर ।
करुणाकर देवेश भक्तानुग्रहकारक ॥ १॥
अष्टॊत्तरशतं लक्ष्म्याः श्रोतुमिच्छामि तत्त्वतः ।
ईश्वर उवाच-
देवि साधु महाभागे महाभाग्यप्रदायकम् ।
सर्वैश्वर्यकरं पुण्यं सर्वपापप्रणाशनम् ॥ २॥
सर्वदारिद्र्यशमनं श्रवणाद् भुक्तिमुक्तिदम् ।
राजवश्यकरं दिव्यं गुह्याद् गुह्यतमं परम् ॥ ३॥
दुर्लभं सर्वदेवानां चतुष्षष्टि कलास्पदम् ।
पद्मादीनां वरान्तानां विधीनां नित्यदायकम् ॥ ४॥
समस्तदेवसंसेव्यम् अणिमाद्यष्ट सिद्धिदम् ।
किमत्र बहुनोक्तेन देवीप्रत्यक्षदायकम् ॥ ५॥
तव प्रीत्याऽद्य वक्ष्यामि समाहितमनाः श्रृणु ।
अष्टॊत्तरशतस्यास्य महालक्ष्मीस्तु देवता ॥ ६॥
क्लीं बीजं पदमित्युक्तं शक्तिस्तु भुवनेश्वरी ।
अङ्गन्यासः करन्यासः स इत्यादि प्रकीर्तितः ॥ ७॥
ध्यानम्
वन्दे पद्मकरां प्रसन्नवदनां सौभाग्यदां भाग्यदां ।
हस्ताभ्यामभयप्रदां मणिगणैर्नानाविधैर्भूषिताम् ॥ ८॥
भक्ताभीष्टफलप्रदां हरिहरब्रह्मादिभिस्सेवितां ।
पार्श्वे पङ्कज शङ्ख पद्म निधिभिर्युक्तां सदा शक्तिभिः ॥ ९॥
सरसिजनयने सरोजहस्ते धवळतरांशुक गन्धमाल्यशोभे ।
भगवति हरिवल्लभे मनोज्ञे त्रिभुवन भूतिकरि प्रसीद मह्यम् ॥ १०॥
॥ ॐ ॥
प्रकृतिं विकृतिं विद्यां सर्व भूत हित प्रदाम् ।
श्रद्धां विभूतिं सुरभिं नमामि परमात्मिकाम् ॥ १॥
वाचं पद्मालयां पद्मां शुचिं स्वाहां स्वधां सुधाम् ।
धन्यां हिरण्मयीं लक्ष्मीं नित्यपुष्टां विभावरीम् ॥ २॥
अदितिं च दितिं दीप्तां वसुधां वसुधारिणीम् ।
नमामि कमलां कान्तां कामाक्षीं क्रोधसंभवाम् ॥ ३॥
अनुग्रहपदां बुद्धिम् अनघां हरिवल्लभाम् ।
अशोकां अमृतां दीप्तां लोक शोक विनाशिनीम् ॥ ४॥
नमामि धर्मनिलयां करुणां लोकमातरम् ।
पद्मप्रियां पद्महस्तां पद्माक्षीं पद्मसुन्दरीम् ॥ ५॥
पद्मोद्भवां पद्ममुखीं पद्मनाभप्रियां रमाम् ।
पद्ममालाधरां देवीं पद्मिनीं पद्मगन्धिनीम् ॥ ६॥
पुण्यगन्धां सुप्रसन्नां प्रसादाभिमुखीं प्रभाम् ।
नमामि चन्द्रवदनां चन्द्रां चन्द्र सहोदरीम् ॥ ७॥
चतुर्भुजां चन्द्ररूपां इन्दिरां इन्दुशीतलाम् ।
आह्लाद जननीं पुष्टं शिवां शिवकरीं सतीम् ॥ ८॥
विमलां विश्वजननीं तुष्टं दारिद्र्यनाशिनीम् ।
प्रीतिपुष्करिणीं शान्तां शुक्लमाल्यांवरां श्रियम् ॥ ९॥
भास्करीं बिल्वनिलयां वरारोहां यशस्विनीम् ।
वसुन्धरामुदाराङ्गां हरिणीं हेममालिनीम् ॥ १०॥
धनधान्यकरीं सिद्धिं स्रैणसौम्यां शुभप्रदाम् ।
नृपवेश्मगतानन्दां वरलक्ष्मीं वसुप्रदाम् ॥ ११॥
शुभां हिरण्यप्राकारां समुद्रतनयां जयाम् ।
नमामि मङ्गळां देवीं विष्णुवक्षस्थलस्थिताम् ॥ १२॥
विष्णुपत्नीं प्रसन्नाक्षीं नारायणसमाश्रिताम् ।
दारिद्र्य ध्वंसिनीं देवीं सर्वोपद्रववारिणीम् ॥ १३॥
नवदुर्गां महाकाळीं ब्रह्म विष्णु शिवात्मिकाम् ।
त्रिकालज्ञानसम्पन्नां नमामि भुवनेश्वरीम् ॥ १४॥
लक्ष्मीं क्षीरसमुद्रराज तनयां श्रीरङ्गधामेश्वरीम् ।
दासीभूतसमस्तदेववनितां लोकैकदीपांकुराम् ॥ १५॥
श्रीमन्मन्द कटाक्ष लब्ध विभवब्रह्मेन्द्रगंगाधराम् ।
त्वां त्रैलोक्यकुटुम्बिनीं सरसिजां वन्दे मुकुन्दप्रियाम् ॥ १६॥
मातर्नमामि कमले कमलायताक्षि ।
श्रीविष्णुहृत्कमलवासिनि विश्वमातः ॥ १७॥
क्षीरोदजे कमल कोमल गर्भगौरि ।
लक्ष्मिः प्रसीद सततं नमतां शरण्ये ॥ १८॥
त्रिकालं यो जपेद्विद्वान् षण्मासं विजितेन्द्रियः ।
दारिद्र्यध्वंसनं कृत्वा सर्वमाप्नोति यत्नतः ॥ १९॥
देवीनामसहस्रेषु पुण्यमष्टॊत्तरं शतम् ।
येन श्रियमवाप्नोति कोटि जन्मदरिद्रतः ॥ २०॥
भृगुवारे शतं धीमान् पठेद्वत्सरमात्रकम् ।
अष्टैश्वर्यमवाप्नोति कुबेर इव भूतले ॥ २१॥
दारिद्र्यमोचनं नाम स्तोत्रमम्बापरं शतम् ।
येन श्रियमवाप्नोति कोटि जन्मदरिद्रतः ॥ २२॥
भुक्त्वा तु विपुलान् भोगान् अस्यास्सायुज्यमाप्नुयात् ।
प्रातःकाले पठेन्नित्यं सर्वदुःखोपशान्तये ॥ २३॥
पठंस्तु चिन्तयेत् देवीं सर्वाभरणभूषिताम् ॥
॥ इति श्रीलक्ष्म्यष्टॊत्तरशतनामस्तोत्रं सम्पूर्णम् ॥
|| ஸ்ரீ லக்ஷ்மி அஷ்டோத்தர சதநாமஸ்தோத்ரம் ||
தேவ்யுவாச- - -
தேவ தேவ மஹாதேவ த்ரிகாலக்ஞ மஹேஸ்வர |
கருணாகர தேவேச பக்தாநுக்ரஹகாரக ||
அஷ்டோத்தரசதம் லக்ஷ்ம்யா: ச்ரோதுமிச்சாமி தத்வத: |
ஈஸ்வர உவாச- - -
தேவி ஸாது மஹாபாகே மஹாபாக்யப்ரதாயகம் |
ஸர்வைச்வர்யகரம் புண்யம் ஸர்வபாப-ப்ரணாசநம் ||
ஸர்வதாரித்ர்ய-சமநம் ச்ரவணாத் புக்தி-முக்திதம் |
ராஜவச்யகரம் திவ்யம் குஹ்யாத் குஹ்யதமம் பரம் ||
துர்லபம் சர்வதேவாநாம் சதுஷ்சஷ்டி கலாஸ்தபம் |
பத்மாதீநாம் வராந்தாநாம் நிதீநாம் நித்யதாயகம் ||
ஸமஸ்ததேவ-ஸம்ஸேவ்யம்
-அணிமாத்யஷ்ட ஸித்திதம் |
கிமத்ர பஹுநோக்தேந தேவி ப்ரத்யக்ஷ-தாயகம் ||
தவ ப்ரீத்யாऽத்ய வக்ஷ்யாமி சமாஹிதமநா: ச்ருணு |
அஷ்டோத்தர-சதச்யாஸ்ய மகாலக்ஷ்மீஸ்து தேவதா ||
க்லீம் பீஜம் பதமித்யுக்தம் சக்திஸ்து புவனேச்வரீ |
அங்கந்யாஸ: கரந்யாஸ: ஸ இத்யாதி ப்ரகீர்த்தித: ||
த்யானம்
வந்தே பத்மகராம் ப்ரஸந்நவதநாம்
-ஸௌபாக்யதாம் பாக்யதாம் |
ஹஸ்தாப்யாமபயப்ரதாம் மணிகணைர்
-நாநாவிதைர் பூஷிதம் || 1
பக்தாபீஷ்ட பலப்ரதாம் ஹரிஹர-
-ப்ரஹ்மாதிபிஸ்-ஸேவிதாம் |
பார்ச்வே பங்கஜ சங்க பத்ம
-நிதிபிர்யுக்தாம் ஸதா சக்திபி: || 2
ஸரஸிஜ நயநே ஸரோஜஹஸ்தே
-தவளதராம்சுக கந்த மால்யசோபே |
பகவரி ஹரிவல்லபே மனோக்ஞே
-த்ரிபுவன பூதிகரி ப்ரஸீத் மஹ்யம் || 3
|| ஓம் ||
பிரக்ருதீம் விக்ருதீம் வித்யாம்
- ஸர்வ பூத ஹித ப்ரதாம் |
ச்ரத்தாம் விபூதிம் ஸுரபீம்
- நமாமி பரமாத்மிகாம் || 1
வாசம் பத்மாலயாம் பத்மாம் சுசிம்
-ஸ்வாஹாம் ஸ்வதாம் ஸுதாம்|
தந்யாம் ஹிரண்மயீம் லக்ஷ்மீம்
- நித்யபுஷ்டாம் விபாவரீம் || 2
அதிதிம் ச திதிம் தீப்தாம்
-வஸுதாம் வஸுதாரிணீம்|
நமாமி கமலாம் காந்தாம்
-காமாக்ஷீ க்ரோதஸம்பவாம் || 3
அநுக்ரஹப்ரதாம் புத்திம்
-அநகாம் ஹரிவல்லபாம் |
அசோகாம் அம்ருதாம் தீப்தாம்
- லோக சோக விநாசிநீம் || 4
நமாமி தர்மநிலயாம்
-கருணாம் லோகமாதரம் |
பத்மப்ரியாம் பத்மஹஸ்தாம்
-பத்மாக்ஷீம் பத்மஸுந்தரீம் || 5
பத்மோத்பவாம் பத்மமுகீம்
-பத்மநாபப்ரியாம் ரமாம் |
பத்மமாலாதராம் தேவீம்
-பத்மிநீம் பத்மகந்திநீம் || 6
புண்யகந்தாம் ஸுப்ரஸந்நாம்
-ப்ரஸாதாபிமுகீம் ப்ரபாம் |
நமாமி சந்த்ரவதனாம்
-சந்த்ராம் சந்த்ரசஹோதரீம் || 7
சதுர்புஜாம் சந்த்ரரூபாம்
- இந்திராம் இந்து சீதளாம் |
ஆஹ்லாத ஜனனீம் புஷ்டிம்
- சிவாம் சிவகரீம் சதீம் || 8
விமலாம் விச்வ ஜநநீம்
- புஷ்டிம் தாரித்ர்யநாஸிநீம் |
ப்ரீதிபுஷ்கரிணீம் சாந்தாம்
-சுக்லமால்யாம்பராம் ச்ரியம் || 9
பாஸ்கரீம் பில்வநிலயாம்
- வராரோஹாம் யசஸ்விநீம் |
வஸுந்தரா-முதாரங்காம்
-ஹரிணீம் ஹேமமாலிநீம் || 10
தனதான்யகரீம் ஸித்திம் ஸ்த்ரைண-
-ஸௌம்யாம் சுபப்ப்ரதாம் |
ந்ருபவேச்ம கதாநந்தாம்
-வரலக்ஷ்மீம் வஸுப்ரதாம் || 11
சுபாம் ஹிரண்ய-ப்ராகாராம்
-ஸமுத்ர-தநயாம் ஜயாம் |
நமாமி மங்களாம் தேவீம்
-விஷ்ணுவக்ஷஸ்தலஸ்திதிதாம் || 12
விஷ்ணுபத்நீம் பிரசந்நாக்ஷீம்
- நாராயண-ஸமாஸ்ரிதாம் |
தாரித்ர்ய த்வம்ஸிநீம் தேவீம்
-ஸர்வோத்பத்ரவ-வாரிணீம் || 13
நவதுர்காம் மஹாகாளீம்
-ப்ரஹ்ம விஷ்ணு சிவாத்மிகாம் |
த்ரிகாலக்ஞான ஸம்பந்நாம்
-நமாமி புவனேச்வரீம் || 14
லக்ஷ்மீம் க்ஷீரஸமுத்ர ராஜதநயாம்
-ஸ்ரீரங்க தாமேஸ்வரீம் |
தாஸீபூத-ஸமஸ்ததேவ-வனிதாம்
- லோகைக-தீபாங்குராம் || 15
ஸ்ரீமந்மந்த கடாக்ஷலப்த விபவ
-பிரஹ்மமேந்த்ர கங்காதராம் |
த்வாம் த்ரைலோக்ய குடும்பினீம்
-ஸரஸிஜாம் வந்தே முகுந்தப்ரியாம் || 16
மாதர்நமாமி கமலே கமலாயதாக்ஷீ |
ஸ்ரீவிஷ்ணு ஹ்ருத்கமலவாஸிநி விச்வமாத: || 17
க்ஷீரோதஜே கமல கோமல கர்பகெளரி |
லக்ஷ்மீ: ப்ரஸீத ஸததம் நமதாம் சரண்யே || 18
த்ரிகாலம் யோ ஜபேத்வித்வான்
- ஷண்மாஸம் விஜிதேந்த்ரிய: |
தாரித்ர்ய த்வம்ஸனம் க்ருத்வா
- ஸர்வமாப்நோதி யத்நத: || 19
தேவீநாம ஸஹஸ்ரேஷு புண்யமஷ்டோத்ரம் சதம் |
யேந ச்ரியமவாப்நோதி கோடி ஜன்மதரித்ரத: || 20
ப்ருகுவாரே சதம் தீமாந் படேத் வத்ஸரமாத்ரகம் |
அஷ்டைச்வர்ய-மவாப்நோதி குபேர இவ பூதலே || 21
தாரித்ர்ய-மோசனம் நாம ஸ்தோத்ரமம்பாபரம் சதம் |
யேந ஸ்ரியமவாப்நோதி கோடி ஜன்ம தரித்ரத: || 22
புக்த்வா து விபுலான் போகான்
-அஸ்யாஸ் ஸாயுஜ்யமாப்நுயாத் |
ப்ராத: காலே படேந்நித்யம்
-ஸர்வது:கோப சாந்தயே || 23
படம்ஸ்து சிந்தயேத் தேவீம் ஸர்வாபரணபூஷிதாம் ||
|| ஸ்ரீ லக்ஷ்மியஷ்தோத்தர
-சதநாமஸ்தோத்ரம் ஸம்பூர்ணம் ||