6-3-1, Sagipin ang Kampanaryo, Pasya ng Komite

 

Nagpasya ang komite para sa kampanaryo na sagipin ito  Sa sampung miyembro nito, 6 ang bumoto para sagipin, 3 upang sirain at isang nag-abstain.

 

Kabilang sa mga bumoto para sa restorasyon ay sina Kon. Elizabeth Chongco at Engr. Restituto Bautista ng Sagip Kampanaryo, Arch. Arturo Valenzuela at Uly Aguilar ng Museo ng Valenzuela, Engr. Fred Contreras at Sonny Chico ng Mayor’s Office.

 

Sina Kon. Reynaldo Cuadra , Atty. Mariano Mendieta ng San Diego de Alcala Parish Pastoral Council at Reb.P. Rodel Cristobal ng Committee on Construction ngDiyosesis naman ang mga bumoto para sa pagdedemolish ng 371 taon na kampanaryo.

 

Hindi bumoto sina Rev. Fr. Mar Arenas, bilang puno ng Comission on Temporalities ng Malolos.

 

 Iminungkahi ni Engr. Bautista ang pagbuo ng komite na mamahala at mag-alaga ng kampanaryo upang hindi na muli itong mapabayaan.

 

Bakit dapat sagipin ang kampanaryo?

         

Ito ang pinakamatandang estruktura ng Siyudad ng Valenzuela na minamahal ng mga taga Polo.  Isa itong kayamanan ng Siyudad at hindi dapat ipasira ninuman, lalu na kung hindi taga-Polo. Bilang isa sa tatlong lumang landmarks, idineklara ito bilang isang City Cultural Treasure ng Ordinansa Bilang 49, serye 2003.

         

Ang kinatitirikang lupa nito ay matatag at kayang suportahan and tore, ayon sa soil test na ginawa.  Ang estruktura ay mapapatibay sa halagang  (<P500,000) kumpara sa pagpapagiba sa halagang (>P500,000). Mapapaganda and tore at pintuan ng lumang simbahan sa halagang P2.4M.

 

Ang Sagip Kampanaryo ay nagpapasalamat sa mga tumulong upang kabilang na ang 17 subpastoral councils, Liga ng mga Barangay, National Historical Institute, Heritage Preservation Society, National Comission for Culture and Arts (NCCA), ABS-CBN, Museo ng Valenzuela, Sangguniang Panglunsod ng Valenzuela at mga kababayan nating nasa ibang bansa na nagbigay ng suporta sa ating pakikipaglaban upang sagipin ang kampanaryo n gating kasaysayan.