"കഴുത കാമം കരഞ്ഞു തീര്ക്കും" എന്നതുപോലെ യാഹൂ മെസഞ്ചറില് സൈനിന് ചെയ്തു കേരള ചാറ്റ് റൂമില് കടക്കുന്ന ചിലരൊക്കെ അലറി വിളിക്കുന്നതു കേള്ക്കാം: കേരളാ ഗേസ്, പി.എം; എം റ്റു എം സെക്സ്.... എന്നൊക്കെ.ആണും ആണും തമ്മില് ലൈംഗിക വേഴ്ചയിലേര്പ്പെടുന്നത് പുതിയ കാര്യമല്ല.(ഞാനുദ്ദേശിച്ചത് സമപ്രായക്കാരായ അവിവാഹിതരായ കൌമാരക്കാര് പരസ്പരം സഹകരിച്ചു ചെയ്യുന്ന ഒരു തരം സ്വയം ഭോഗത്തെയാണ്.) എന്നാല്, ഈ രീതിയില് ചാറ്റ് റൂമില് മെസേജ് അയച്ച ചിലരുമായി ചാറ്റ് ചെയ്തതില്നിന്നു മനസ്സിലായ കാര്യങ്ങള് അത്ര ലാഘവത്തോടെ കാണേണ്ട ഒന്നായി തോന്നുന്നില്ല.
- കേരളാ ചാറ്റ് റൂമിലെ സ്വവര്ഗ്ഗ രതിക്കാര് മലയാളികളാണെന്നു പ്രത്യേകം പറയേണ്ടതില്ല.
- ഇവരില് 50% പേരെങ്കിലും ഇവിടെനിന്ന് ഇണയെ കണ്ടെത്തി നേരിട്ട് ബന്ധപ്പെടാറുണ്ട്.
- ഒറ്റയ്ക്കും കൂട്ടമായും വീടുകളില് ആളില്ലാത്ത സമയത്തുമൊക്കെ പരസ്പരം മൊബെയില് ഫോണില് ബന്ധപ്പെട്ട് ഒരുമിച്ചുകൂടി സെക്സ് ആഘോഷിക്കുന്ന സംഘങ്ങള് ചാറ്റ് റൂമിലെ പരിചയത്തിന്റെ ചുവടുപിടിച്ച് പല പ്രദേശങ്ങളിലും രൂപം കൊണ്ടു തുടങ്ങിയിട്ടുണ്ട്.
- മറ്റൊന്ന്, ശരീരപ്രകൃതികൊണ്ട് പെണ്കുട്ടികളെപ്പോലെ ഇരിക്കുന്നവരെയൊ ചാന്ത് പൊട്ട് സിനിമയിലെ ദിലീപിനെപ്പോലെ പെരുമാറുന്നവരെയോകാള് കൂടുതലായി ഈ രംഗത്ത് കാണാന് കഴിയുന്നത് സല്മാന് ഖാനെപ്പോലെ ശരീരപ്രകൃതിയുള്ളവരും കട്ടിമീശ വച്ചവരുമൊക്കെയായ ജെന്റില്മാന്മാരെയാണ്. അതുപോലെ 15 മുതല് പ്രായമുള്ള കുട്ടികളെ തപ്പിയിറങ്ങുന്ന മദ്ധ്യവയസ്കരെയും ഇവിടെ കാണാം.
- ഈ പറഞ്ഞ കൂട്ടത്തില് പെട്ടവരോടൊരു വാക്ക്: ഒരു പരിധിവരെ പരിമിതമായ തോതില് വലിയ റിസ്കൊന്നുമില്ലാതെ ലൈംഗികസുഖം നിങ്ങള്ക്കിതുവഴി കിട്ടിയേക്കാം, ആരും പറയുന്നതു കേള്ക്കാന് തീരെ ഇഷ്ടപ്പെടാത്ത ഇന്നത്തെ കുട്ടികളും ഒരുപക്ഷെ അല്പമാത്ര സുഖത്തിനു വേണ്ടിയോ പ്രലോഭനങ്ങള്ക്ക് വശംവദരായോ അല്ലെങ്കില് അല്പം ലഹരിക്കു വേണ്ടിയോ ഈ വഴിയിലെത്തിപ്പെട്ടേക്കാം; ദയവുചെയ്ത് അവരെ വെറുതെ വിടുക, AIDS പോലുള്ളവ അവര്ക്ക് സമ്മാനിക്കാതിരിക്കുക, സ്വന്തം കൂടപ്പിറപ്പുകളെയും മക്കളെയുമൊക്കെപ്പറ്റി ചിന്തിക്കുക.
എഴുതിയത്: ഇക്കാസ്
