(words and music by Rolly Wagas)
I
wala ka bay nakita o akong igsuon sa mga panghitabo karon
ang atong katilingban puno sa suliran nagkinahanglan sa imong panabang
koro I
apan nganong gitabonan ang imong mga mata nganong gibaatan ang imong baba
nganong gibugkosan ang imong mga kamot sa kaakohan ikaw mitalikod . . . hmn
II
kanunay kang makit-an sulod sa simbahan uban sa kristohanong katawhan
apan nganong gitalikdan ang imong katungdanan sa mga tawong linupigan
koro II
ang atong ginoo nga tinubdan sa pagtuo wala lamang sa templo magpuyo
siya nakig-uban sa mga nagkinahanglan kay sila ang tinuod nga simbahan . . . hmn
III
isalikway ang tabon sa mga mata ug ang baat sa atong mga baba
unya atong tabangan ang mga nagkinahanglan kay sila ang tinuod nga simbahan
adlib
koro III
ang atong ginoo nga tinubdan sa pagtuo wala laman sa templo magpuyo
siya nakig-uban sa mga nagkinahanglan kay sila ang tinuod nga simbahan . . . hmn