(words and music by Rolly Wagas)
I
sayo sa kabuntagon ako nagsud-ong sa kamatuoran nga nagpakahilum
mga kabataan diha sa kadalanan walay ginikanan, sapot, ug pinoy-anan
II
sa pagkatulog sila nahinanok giantos ang kabugnaw sa kagabhion
walay panumbaling sa pagsubang sa adlaw diin nagahulat ang laing gutom ug uhaw
kay sa damgo lamang ilang makatagamtam ang kaanindut niining kalibotan
koro
hain na o hain na ang atong mga konsiyensya
nalimot ka na ba higala sa atong kaakohan kanila
adlib
III
mabaga ang dag-um sa ilang kaugmaon apan nagapabilin nga malaumon
aron hikapaglan ang tinuod nga dalan diin nagahulat ang sulo sa kaluwasan
IV
sila nahimong sagbot sa atong katilingban aron lang mabuhi niining kalibotan
mao ba kini ang atong kauswagan may mga bata diha sa kadalanan
ang atong nasud walay kaugmaon kon' kabataan dili luwason
koro
hain na o hain na ang atong mga konsiyensya
nalimot ka na ba higala sa atong kaakohan kanila