(words and music by Rolly Wagas)
I
sud-ungon ta ang kalibotan ang iyang katahum atong mabatyagan
ug ang kaabunda sa kinaiyahan gasa gikan sa kahitas-an
II
mga langgam sa kahanginan mga isda sa kadagatan
mga tanum ug mga kahayupan kaanindut sa kalibotan
gasa gikan sa kahitas-an
koro
apan ang tawo way katagbawan
way bali kung may nasakitan
tanang butang maangkon lamang
sa kahakog siya nabutaan
ang naghatag nahikalimtan
adlib
III
apan nganong daghan ang mga kabus ug pipila lang ang nakapahimulos
luyo sa kaabunda sa kinaiyahan nga alang man kini natong tanan
IV
nalimot ka na ba akong higala nga ang mga butang mahanaw da
busa kinaiyahan bahinon ta aron kaangayan makab-ot na
ang kaangaya'ng ginadamgo ta
koro
apan ang tawo way katagbawan
way bali kung may nasakitan
tanang butang maangkon lamang
sa kahakog siya nabutaan
ang naghatag nahikalimtan