على صفحة كتاب الذل
كتب كلمه
و بعثر على الورق حلمه
كتبها بكفه المجروح
و حبره
من نزف دمه
و ما همه
!!
بعد ما ماتت ابه الروح
و ما باقي
سوى كفٍ جريح ٍ من أثر جسمه
و دمعه من بقايا جروح
بخد الأرض مرتسمه
تقول إن الحزن أغبر
يذوب الفرح و هو يكبر
و هو باقي على خبر الزمان
امن الصبر أصبر
!!
يقول إن الفجر بكره
ينام و يحلم اببكره
و يصحى
و الفجر نايم
مثل دايم
!!على خبره و يوم انهد
رفض كف الوفا يمتد
صرخ بس الوفا ما رد
رفع صوته و لا من حد
و ساعتها
فتح صفحة ابكتاب الذل
و خط كلمه
!!
و بعثر على الورق حلمه
كتبها بكفه المجروح
و حبره من نزف دمه
و لا همه
بعد ما ماتت ابه الروح
و ما باقي سوى كفٍ جريحٍ من حزن جسمه
و حسرة من بقايا جروح
بخد الارض مرتسمه
كتب آسف يـ كل أحلامي الخضره
يـ فجرٍ ما لحق بكره
يـ صبر ما قوى يصبر
و مات ابحسرته حسره
أنا آسف
نعم آسف
يئس من هالصبر صبره
يئس من هالصبر صبره
| 
