|
يا راجعه هذا انا نفسي ولا عندي المزيد
نفسي انا ذاك العليل الي جروحه نازفه
هذا انا كلي انتظار وادري انتظاري ما يفيد
وايش فايده صبري اذا صارت سنيني طايفه
صابر و اكابر حيرتي واصارع الوقت العنيد
حتى حروفي نفسها مثل العيون النازفه
مالي سوى نزف الجروح عل وعسى يظهر جديد
او يمكن تصير حروفي غيمة لارض ناشفه
ارضي سطى فيها الجفاء يا حلمي المر العنيد
مات الزهر جف النهر ولا عرفتي السالفه
السالفه اني انا شلتك بدمي وعروق الوريد
بس للاسف غبتي ولا كأنك بحالي عارفه
كم تحملت العطش والضيم والحر الشديد
في طريق اشواق الهوى رغم السيول الجارفه
حاولت اسابق خطوتي للحب للفجر البعيد
لكن خسارة ما قوت رجلك تطوف العاصفه
يا راجعه لجل الهوى من دربك الداني البعيد
ايش ينفعك قرب الدروب و ظروفنا متخالفه
ما بيننا فرقا" كبير نعم هنا بيت القصيد
وصلت انا سطح القمر وانتي مكانك واقفه
انا وسط قلبي جمر وانتي وسط قلبك جليد
والحال فيما بيننا ما ينقسم بمناصــفـــه
يا راجعه ايش رجعك ما دام لك قلبا" حديد
روحي ترى ايامك غدت مثل الأحلام الخاطفه
مات الهوى في خاطري واصبحت انا العاشق وحيد
الي تواسيه الجروح لحظه جـفـاف العاطـفـه
:
:
:
Free Man
 | 