ماعاد عندي شي

حبيبتي ينقال

..لاالشمس ..هيّ الشمس

..ولاالبحر أزرق

..ولا السما خبرك

تحبس بقايا النور
تالي شهور الصيف

بمنديل من فضه

وتهديه للعشاق

!بسمة ثغر .. وهلال

ماعاد عندي شي .. حبيبتي ينقال

..بس انتي .. قولي شي

!قوليلي.. كيف الحال؟

!قوليلي شخْبـارك..

سوالفك عذبه

..باطرافها قرنفل

..وورد

وبساطة فُل

..وغصن الحكي منك

..يمتدّ في روحي

ويكبر .. يصير ظْلال

ويولد بحر صوتك

ويصير له ساحل

..وموج.. وعشب.. ورمال

..وان جيت اسولفلك

ألقى الحكي يابس

.وماعاد عندي شي

.لجْل البحر ينقال

..قبل امس..إيه .. قبل امس

كل اخضر بصوتك

كان اخضر بقلبي

وكل اسود بعينك

"يهتن" على صدري

شعر

..... ودفا

!.....واطفال

..قبل امس . . إيه قبل امس

كان الزعل منك

سيفٍ تسلينه

 
بين الضلوع .. قتّال

...واليوم مدري ليش

كنّ السما .. مو هناك

والشمس.. مهي هناك

..والريح مربوطه

!في سلسله وحباااال

ولا البحــر أزرق

ولا أنا......... شاعر

ولاانتي...

............عطــــر البــال

بس انتي قوليلي..

ياعمــري .. كيف الحــال!