E-mail : [email protected]

آذربایجان کولتور اوجاغی نین اساسنامه سی

آدی- ثبت اولان یئری

 ایش ایلی

1-1 جمعیتین آدی: آذربایجان کولتور اوجاغی

2-1 اوجاق ثبته یئتیشدیکدن سونرا ثبت اولونموش بیر جمعیت تانینیر.

3-1 جمعیت ین ثبت اولان یئری  کولن  شهری دیر.

4-1 ایش ایلی مسیحی ایلی اولاراق حسابلانیر. 

اوجاغین هدفی- خئیرییه لیک

1- آذربایجان کولتورونو گئنیشلندیریب ، اونو تانیییب و تانیتدیرماق.

آنا دیلیمیزی دوزگون یازیب اوخوماسینی اویره نیب و گله جک نسله اویره تیلمه سی  یولوندا چالیشماق.

2-اوجاق یالنیز خئیرخواه بیر جمعیت دیرکی، آلمان وئرگی(مالیات) قانونلاریندا خئیر خواه جمعیتلره تانینان امتیازلارا اویماقراریر.

اوجاق فداکارلیق پرنسیبلرینه دایانان بیر قورولوش دورکی، اوز اقتصادی هدفلری اوچون چالیشمیر.

3-اوجاغین گه لیرلری فقط اساسنامه ده قید اولونان هدفلره اویقون شکیلده خارجانمالیدیر. عضولرین هئچ بیر شکیلده پایی یوخدور و بو گه لیرلر خصوصی هدفلر اوچون خارجانا بیلمز.

4-اوجاغین گه لیرلریندن اوجاغیناوجاغین هدفلرینه اویقون اولمایان یئرده خارجاناماز.

5-اوجاق باغلاندیغی و یا اوجاغین هدفلرینین ده ییشدیگی تقدیرده اونون وار -یوخو ( پولو-شئیلری ) اوزونه اویقون بیر جمعیت ین اختیاریندا قویولور. یا دا بیر خئیرییه جمعیتی نه وئریلیر.

عضویت

1- بوتون آلماندا یاشایان علاقمند آذربایجانلی لار عضو اولا بیلیرلر . باشقا شخصلر ( آذربایجانلی اولمایانلار ) افتخاری عضو اولابیلیرلر. آمما سئچگی لره قاتیلما و تصمیم لره  قاتیلما حقلری یوخدور.

2-عضو اولماق  ایسته ین هر کس آدینی ،مسلکینی، ائولی-سوبایلیغینی ،یاش و عنوانینی یازیب وئرمه لیدیر.او بو ایسته یی ایله اوجاغین اساسنامه سینی قبول ائدیر.مدیره هئینی اونون ایسته یینین قبول اولماسینا قرار وئریر. اونون قبول ائدیلمه مه سینه هئچ بیر سبب گوسته رمک لازیم دئییلدیر.

عضولرین حقلری و وظیفه لری

1-اوجاغا عضو اولان هر کس اوجاغین هدفلری اوغروندا چالیشمالیدیر. و اونون تصمیم و قرارلارینی یئرینه گه تیرمه لیدیر.

2-اوجاغین سئچگی لرینده اشتراک ائدیب، سئچمک و سئچیلمک حقینه مالیکدیر . بونو باشقاسینا حواله ائده بیلمز.

هر عضو آلتی آی عضو اولماق شرطیله سه س وئرمک حقی واردیر.

عضویت حقی

1-هرعضو عضویت حقی وئرمه یه موظف دیر. بو ایل باشا چاتمادان بیر ایللیک اولاراق وئرمه لیدیر.

عضویت مقداری قورولتای طرفیندن تعیین ائدیلیر.

2- عضویت حقی بیر ایل دالی یا دوشدوغو تقدیرده ، ایکی دفعه خاطیرلادیلیر، تیکرار وئرمه دیگی تقدیرده عضویت لیکدن سیلینیر.

عضویتین سیلینمه سی

1-عضویت سونا چاتار:

1-1-عضوون اولدویونده.

2-1-عضوون اوز ایسته یی ایله.

3-1- عضوویت لیسته سیندن سیلیندیگی ینده.

4-1-اوجاقدان آتیلدیغی تقدیرده.

2-اوز ایسته یی ایله اوجاقدان چیخماق ، آنجاق ایل سونوندا اولار.او بونو مدیره هئیتی نین  بیرینه کتبی اولاراق سئپتامبرین 30 -نا قده ر خبر وئرمه سی لازیمدیر.

3-عضویت حقی وئرمه ینلر 5-نجی ماده نین 2-نجی بولومونه مدیره هئیتی نین قرارینا گوره آدلاری سیلینیر.

4-مدیره هئیتی نین قرارینا گوره بیر عضوون آدی موهوم بیر دلیاه گوره سیلینه بیلیر.

سیلینمه یه سبب اولان دلیل لر:

1-4-عضویت حقی وئرمه مک.

2-4-اساسنامه یه اویماماق و اوجاغین آلدیغی قرارلارا و منافعی نه قارشی حرکت ائتمک.

3-4-اوجاغین ایچیند ه و ائشی یینده اوجاغا قارشی صداقت سیز حرکت ائتمک.

4-4- اوجاغین پولوندان و گه لیرلرینده ن خصوصی هدفلر اوچون ایستیفاده ائتمک.

5-4-اوجاغا مالی و اخلاقی ضرر وورماق

6-4-مدیره هئیتی طرفیندن بونا بنزه رحرکتلرین تشخیصی سونوجوندادا سیلمه یه قرار آلا بیلیر.

قرار آلینمادان قاباق او عضوه یازیلی ویا سوزلو اولاراق اوزوندن مدافعه ایمکانی وئریلمه لیدیر.

مدیره هئیتی نین قراری ایله بیر ویا نئچه نفرین آدی قئید ائدیلدیگی  شکیلده سیلینه بیلیر.

مدیره هئیتی نین بو قراری قورولتایدا عضوون حضوروندا اعلان ائدیلیر.

اوجاغین اورقانلاری

اوجاغین اورقانلاری بونلاردان عبارتدیر:

آ ) مدیره عئیتی

ب) قورولتای

مدیره هئینی

1-مدیره هئیتی صدر ،صدر معاونی ،مالی مسئول ( قانونا گوره مدیره هئیتی دیرلر ) یازی مسئولو و تشکیلات مسئولوندان عبارتدیر.

اوجاغین صدری اوجاغین حقوقو مسئولودور. او اولمادیقدا بو وظیفه نی صدر معاوینی و سونرا دا مالی مسئول عهده دار اولورلار . قارشی سی آلینماسی اوچون دلیل گه تیرمه یه احتیاج یوخدور.

2-مدیره هئیتی اوجاغین قورولتایی طرفیندن سئچیلیر. مدیره هئیتی نه سئچیلمک اوچون ان آز بیر ایل عضو اولماق لازیمدیر.مدیره هئیتی عضولرین آراسیندان ال قوزاماق شکلینده ایکی ایل اوچون سئچیلیر.

3-یئنی همیره هئیتی سئچیله نه قده ر قاباق کی مدیره هئیتی وظیفه سینده قالمالیدیر.مدیره هئیتی افتخاری دیر تیکرار سئچیله بیلیرلر.

4-مدیره هئیتی نین عضولریندن بیری هر هانسی سببلره گوره آیریلیرسا، اونون یئرینی علی البدل عضولردن بیری آلماسی لازیمدیر.

مدیره هئیتی نین وظیفه لری

مدیره هئیتی اوجاغین بوتون فعالیتلرینه مسئولدور.اورا قده رکی،بو فعالیت اساسنامه یه گوره اوجاغین آیری بیر اورقانینا وئریلمه میشدیر. اونون آنا وظیفه سی بونلاردان عبارتدیر:

1-قورولتایا حاضیرلیق،

2-قورولتایین چاغریلماسی،

3- تزه ایش ایلی اوچون بیر فعالیت و بودجه پیلانی حاضیرلاییب و گئچن ایل اوچونده قئید اولونموش بودجه و فعالیتلر باره ده گزاریش.

4-تزه ایش قرارلاری باغلاماق و باغلانان اسش قرارلارینی لغو ائتمک.

5- عضو اولوب -اولما㺷اق و یا قئیدلرین سیلینمه سی باره ده قرار وئرمک.

مدیره هئیتی اوجاغین حوقوقی نوماینده سیدیر.

قورولتای

1-قورولتای هر ایلین ایلک اوچ آیی ایچینده تشکیل تاپیر.ایکی هفته قاباخدان قورولتایین پروگرامی اعلان ائدیلمه لیدیر.

2-قورولتای آشاغیداکی موضوع لار حقده قرار وئره بیلیر:

1-2-مدیره هئیتی نین گله جک ایل اوچون حاضیرلادیغی بودجه و فعالیت پروگرامینی قبول ائدیب، گئچن ایلین گزاریشینی تایید ائتمک،قاباقکی مدیره هئیتی نین فعالیتینه سون وئرمک.

2-2-عضوویت لیک پولونوتعیین ائتمک،

3-2-یئنی مدیره هئیتی سئچمک،

4-2-اساسنامه نی ده ییشدیرمک،

5-2-عضوویت گه لیرلرینین و مصرف لرین تعیینی،

6-2-مدیره هئیتی نین عضولرین عضوولوکدن سیلینه باره ده آلدیقلاری قرارلارحقده تصمیم توتماق.

7-2-اوجاغین باغلانماسیناقرار وئرمک.

5

مدیره هئیتی نین مسئولیتی خاریجینده اولان موضولارحقده قورولتای مدیره هئیتی نه توصیه قراری آلار، عین زاماندا مدیره هئیتی ده آدی گئچن دوروملاردا قورولتایین نظرینی ایسته یه بیلیر.

3-قورولتایین رسمیت قارانماسی اوچون ان آز عضولرین یاریسی نین ایشتیراک ائتمه سی لازیمدیر.

-اساسنامه نی ده ییشدیرمک و یا اوجاغین باغلاماق اوچون عضولرین دورده اوچونون(اوچ چه ره یی)قاتیلماسی لازیمدیر.

-چاغیریلمیش قورولتای رسمی اولانمادیغی تقدیرده تزه بیر قورولتای چاغیریلمالیدیر.بو قورولتایا قاتیلانلارین سایی سینا باخمادان رسمیتی واردیر . بو قورولتایا چاغریلدیغی زامان عضولره بیلدیریلمه سی گه ره کیر.

4-قرارلار بیر جوخونلوقلا قبول ائدیلیر. موخالیف -موافیق سه س عین ساییدا اولورسا صدرین سه سی اوستونلوک قازانیر.

اساسنامه نین ده ییشدیریلمه سینده و اوجاغین باغلانماسیندا سه سلرین اوچده ایکی سی لازیمدیر.

5-قورولتای قرارلاریندان پروتوکول گوتورولمه سیلازیمدیر. سه سلرین نتیجه لری، قورولتایینزامانس و یئری قئید ائدیلمه لیدیر.بو پروتوکولا، پروتوکولچو و صدر قول چکمه لیدیرلر.

پیشنهادلار

عضولر طرفیندن قورولتایا وئریلمک ایسته نن پیشنهادلار5-گون قاباقدان یازیلی اولاراق مدیره هئیتی نه وئریلمه لیدیر.

فوق العاده قورولتای

مدیره هئیتی هر آن فوق العاده قورولتایا چاغیرا بیلیر. عضولرینده اوچده بیری یازیلی اولاراق فوق العاده قورولتایا چاغیرما حقلری واردیر. بوقورولتای دان هدف و مقصد یازیلی اولاراق مدیره هئیتی نه بیلدیریلمه لیدیر. فوق العاده قورولتای رسمی قورولتای لا  عین حقلره مالیکدیر.

اوجاغین باغلانماسی

1-اوجاغین باغلانماسی فقط رسمی بیر قورولتایین قراری ایله  و 9-نجو ماده نین گره یینجه مومکوندور.

2-اوجاغین باغلانیلماسی ایسته نیلدیگی تقدیرده ایش باشیندا اولان مدیره هئیتی تصویه مسئولو اولورلار.بو ایستک اونلارین هامیسی نین قراری ایله مومکوندور.بونلارین تصویه حساب حقده اولان وظیفه و حقلری آلمان مدنی قانونون 47-نجی ماده سینده قئید اولونموشدور.

3-اوجاغین باغلانکاسیندا و یا قانونی حقلرینی الدن وئردیگی حالدا اونون وار -یوخ ( پول -شئیلر䏸 ) عین حقلری داشییان بیر جمعیته و یا وئرگی ( مالیات ) باخیمیندان حمایت اولونان بیر تعلیم و تربیت موسسه سینه وئریلیر.

قانونلاشما

 بو اساسنامه 22.12.2002 ده تصویب اولدی . عین زاماندا ( کولن ) شهرینده جمعیت لر دفترینه قئید  اولدوغو آندان گئچه رلیدیر.

آنا یاپراق