|
|
PARROĊĊA SAN ĠORĠ MARTRI |
|
|
|
||
|
|
||
|
|
||
|
QORMI - |
BEJNIETNA 158 - Marzu 2009
Il-Kelma tal-Arċipriet
Xogħol li qed isir.
Dan l-aħħar
saru diversi xogħolijiet żgħar kemm fil-Knisja Parrokkjali kif
ukoll fil-Kappella tas-Sagra Familja. Naħseb li dawn kienu xogħolijiet
importanti u bżonnjużi.
Knisja
Parrokkjali: Kif forsi indunajtu
id-dawl fil-Knisja żdied. Is-sena li għaddiet biddilna l-floodlights
li jagħtu fuq l-artal u ffrankajna mill-ammont ta’ elettriku li jinħela
filwaqt li l-ammont ta’ dawl kiber. Issa kien imiss li jinbidlu l-bozoz kollha
li jintużaw fil-Knisja, kemm tal-brazzi kif ukoll tas-sagristija. Ġietna
spiża biex xtrajna l-bozoz ‘energy-saving’ imma issa qed naħlu inqas
elettriku filwaqt li jkollna aktar dawl. Dan huwa utli għalina. Il-kont
tad-dawl tal-Knisja Parrokkjali weħidha kien qed jiġi madwar €650
fix-xahar. Nittama li issa jonqos u l-flus li niffrankaw inkunu nistgħu
inpoġġuhom xi mkien ieħor. Per eżempju nittama li ma ndumux
ma nibdew niżbgħu u nirranġaw is-sagristija kif ukoll
Sagra
Familja: Hawnhekk sar daqsxejn
taqlib mhux ħażin. Is-sena li għaddiet bdejna biex waħħalna
l-air-conditions u jidher li ntlaqgħu tajjeb għas-sajf. Jidher li
solvejna wkoll il-problema li kull darba li tagħmel ix-xita, il-kappella
tibda tgħum bl-ilma li jidħol. Issa xtrajna għamara ġdida għas-sagristija
minħabba li dik li kien hemm qabel kienet kollha mmermra bl-ilma tax-xita.
Żbajna wkoll il-ħajt ta’ wara l-artal biex ikun jista’ joħroġ
iktar il-kuntrast mat-tabernaklu u l-kurċifiss. Bdilna l-microphones biex
jonqos l-irbunbjar fil-kappella. Issa għandna żewġ proġetti
oħra.
L-ewwel
proġett huwa li jinbidel id-dawl li jagħti għal fuq l-artal,
is-sedja u l-ambone. Irid isir wkoll ‘energy-saving’ filwaqt li jdawwal aktar.
Il-proġett l-ieħor
huwa l-Via Sagra. Permezz ta’ dan il-proġett nixtiequ li noqtlu żewġ
agħsafar b’ġebla waħda. L-ewwelnett il-Via Sagra fiha nnifisha,
għaliex għad m’hemmx Via Sagra fil-kappella. It-tieninett li minħabba
li l-istruttura tal-Kappella hija bħal garaxx u l-ħitan huma dritti
ikun hemm ħafna irbumbjar. Allura qed naħsbu li l-Via Sagra tkun
impittra fuq panewwijiet tal-injam imwaħħlin ma’ drapp mis-saqaf sa
isfel sabiex iservu bħala purtieri u l-akustika tal-kappella titjieb
sostanzjalment.
Nittama li tifhmu li dawn iridu
żmien u spejjeż. Imma żgur li jservu sabiex l-ambjenti li
niltaqgħu fihom ikunu isbaħ, kemm għall-glorja t’Alla u anke
biex nieħdu ħsieb il-patrimonju li ħallewlna missirijietna.
MILL-ĦAJJA TAL-KOMUNITA TAGĦNA - AVVIŻI
Il-Ħadd
1: I-1 Ħadd tar-Randan
tas-Sena B. Messalin B Paġna 143.
It-Tnejn 2: Laqgħa għall-persuni
b’diżabilita’ fiċ-Ċentru fil-5.00 pm.
Il-Ħamis
5: Fid-9.30 am ikun hemm il-laqgħa
tal-Mother and Baby Club fiċ-Ċentru.
Il-Ġimgħa
6: L-ewwel Ġimgħa
tax-Xahar. Wara l-quddiesa tal-4.30 pm isir ftit ħin ta’ adorazzjoni u
tingħata l-Barka Sagramentali.
Il-Ħadd 8: It-2 Ħadd tar-Randan Sena B. Messalin B Paġna 148.
Illum issir
il-quddiesa tal-11.30 am li fiha jingħata s-Sagrament tal-Magħmudija.
Il-Ħamis
12: Wara l-quddiesa tal-4.30 pm
tingħata l-Barka Sagramentali.
Coffee-morning
b’riżq il-Knisja mill-Grupp tal-Fund-Raising.
Il-Ħadd 15: It-3 Ħadd tar-Randan tas-Sena B.
Messalin B Paġna 154.
Fl-4.30
pm quddiesa fil-Kappella tal-Ħlas bil-preżentazzjoni tat-trabi.
L-Erbgħa
18: Fid-9.30 am żjara lil ħutna
anzjani f’San Vinċenż.
Fid-9.30
am Irtir għan-nisa u xebbiet għand is-sorijiet Franġiskani.
Il-Ħamis
19: Solennita’ ta’ San Ġużepp, l-għarus
tal-Verġni Marija. Messalin B Paġna 535.
Peress li
llum hija Festa Pubblika, issir quddiesa extra fid-9.00 am.
Fid-9.30 am
ikun hemm il-laqgħa tal-Mother and Baby Club fiċ-Ċentru.
Wara
l-quddiesa tal-4.30 pm tingħata l-Barka Sagramentali.
2.00 pm tombla fl-Oratorju.
Il-Ħadd 22: Ir-4 Ħadd tar-Randan tas-sena B. Messalin B Paġna 160.
L-Erbgħa
25: Solennita’ tat-Tħabbira
tal-Mulej. Illum, disa’ xhur qabel il-Milied, infakkru l-ġrajja meta l-Anġlu
Gabriel ħabbar lil Marija u nisslet fiha lil Ġesu’.
Il-Ħamis
26: Wara l-quddiesa tal-4.30 pm tingħata
l-Barka Sagramentali.
Il-Ħadd 29: Il-5 Ħadd tar-Randan tas-Sena B. Messalin B
Paġna 166.
Irtit għall
Fratelli kollha fis-Santwarju tal-Madonna tal-Ħlas.
Fil-għaxija:
Translazzjoni bir-Relikwa ta’ San Pawl Appostlu tal-Ġnus, f’okkazzjoni
tas-Sena Ċentinarja Pawlina.
Inħeġġiġkom
biex matul dan ix-xahar nisimgħu il-Kelma t’Alla billi nattendu għal
xi kors ta’ eżerċizzi li qed ikunu organizzati kemm fil-parroċċa
tagħna kif ukoll f’parroċċi oħra. Tajjeb ukoll li nippruvaw
li matul dan ir-Randan insibu ħin u nqerru u nersqu aktar lejn it-tqarbin
kemm fost il-ġimgħa kif ukoll fil-Ħdud.
Imwiet matul ix-xahar ta’ Jannar 2009: - Agħtihom O Mulej il-Mistrieħ ta' Dejjem . . .
Paul Pirotta (66 sena)
John Saliba (79 sena)
George Bonnici (63 sena)
Maria Assunta Borg (80 sena)
Claire
Camilleri (32 sena)
Magħmudijiet matul ix-xahar ta’ Jannar 2009: Merħba fid-Dar fejn jgħammar il-Mulej, Sid il-Ħolqien kollu.
Lynn Galea
Anderson Azzopardi
Żwiġijiet matul ix-xahar ta’ Jannar 2009: Kunu intom ix-xandara tal-Aħbar it-Tajba.
xejn
05-03-2009
