|
PARROĊĊA SAN ĠORĠ MARTRI |
|
| ||
| ||
| ||
QORMI - |
BEJNIETNA 161 – Ġunju 2009
Il-Kelma tal-Arċipriet
Insara Ġorġjani
Jekk inqallbu l-paġni tal-istorja tal-Knisja u nittawlu fiż-żmien tal-persekuzzjoni li qamet kontra l-insara
Fost dawn il-martri ta’ min jinnota ħafna żgħażagħ. Insemmi lil San Ġorġ, Santa Luċija, San Lawrenz, Santa Perpetwa, San Sebastjan u Santa Felicita. Hemm bosta oħrajn. Imma dawn huma li ġew f’moħħi. Donnu li aktar ma dan it-tirann ipprova jeqred lill-Knisja ta’ Kristu, aktar ħarġu fjuri sbieħ li jagħtu glorja lil Alla. Grupp ta’ żgħażagħ li mietu martri. Xi ġmiel! Tgħid jekk il-persekuzzjoni tqum illum, ikun hemm grupp ta’ nsara żgħażagħ li jmutu martri huma wkoll?
Ejjew inħarsu lejn Ġorġi tagħna. Il-ġawhra tagħna li l-ġawhra tiegħu kien Ġesu’. Ejjew inħarsu lejh bi dritt u bi dmir. Bi dritt għax hu l-patrun tagħna u lejh ħarsu missirijietna fl-imħabba tagħhom. Bi dmir għax aħna poġġejnih bħala l-patrun tagħna u lilu rridu nimitaw bħal ma hu imita lil min tant kien iħobb – lil Ġesu’.
Irrid ngħid ħaġa. Aħna mhux insara biss. Aħna nsara Ġorġjani. Il-kelma ‘insara’ hija kkwalifikata. Insara Ġorġjani. U din tagħmel differenza. Suppost li aħna l-ħajja nisranija tagħna nibnuha fuq ta’ San ĠorĠ. Ngħixu u naĠixxu kif għex hu. Inħobbu lil Alla kif ħabbu hu. Immutu kif miet hu.
Ġorġ ġralu bħal kull żagħżugħ li jsir iħobb tfajla. Jibda aktar jagħmel affarijiet biex jogħġob lilha. Jaqta’ ħafna affarijiet li hi ma tkunx tixtiequ jagħmilhom. U hekk ġralu Ġorġ. Aktar ma beda jħobb lil Ġesu’ aktar beda jagħmel affarijiet biex jogħġob lilu. Aktar sar jixbhu f’dak kollu li jgħid u jagħmel.
Kemm nixtieq li aħna ma nkunux insara biss – imma nsara Ġorġjani. Speċjalment żgħażagħ Ġorġjani. Mhux billi mmorru naqbżu mal-marċ. Mhux billi intellgħu lil xulxin fuq l-ispallejn biex inqabblu u nkantaw. Iż-żagħżugħ Ġorġjan irid ikun kapaċi jgħid le lilu nnifsu anke meta jkun ma sħabu. Fl-organizzazzjonijiet li jieħdu ħsieb il-Festa jrid jiżra l-għaqda u mhux il-firda. Fuq l-internet ma jgħajjarx u ma jimpikax.
Kemm għandna bżonn illum ukoll żgħażagħ Ġorġjani, adulti Ġorġjani – insara Ġorġjani.
“San Ġorġ inti f’demmna għax f’demmek hemm Kristu.
San Ġorġ inti f’ħajjitna għax ħajtek kienet ta’ Kristu.”
MILL-ĦAJJA TAL-KOMUNITA TAGĦNA - AVVIŻI
Imwiet matul ix-xahar ta’ April 2009: - Agħtihom O Mulej il-Mistrieħ ta' Dejjem . . .
Beverley Maria Bianchi (25 sena)
Sylvia Camilleri (70 sena)
John Xuereb (62 sena)
Marianna Baldacchino (79 sena)
Arthur Guazzo (67 sena)
Maria Assunta Schembri (75 sena)
Magħmudijiet matul ix-xahar ta’ April 2009: Merħba fid-Dar fejn jgħammar il-Mulej, Sid il-Ħolqien kollu.
Isaac Cauchi
Heline Marie Abela
Jan Dingli
Christa Marie Cassar
Giorgio Antonio
Gabriel Micallef
Shazia Borg
Francesca Zahra
Hailey Meli
Amy Cardona
Shason Scerri
Keilan Paul Galea
Leon Mifsud
Alizah Arapa
Shanaia Cilia Seychell
Żwiġijiet matul ix-xahar ta’ April 2009: Kunu intom ix-xandara tal-Aħbar it-Tajba.
Richard Sammut ma’ Chantelle Aquilina (4-4-09)
Jeffrey Cassar ma’ Joanne Spiteri (24-4-09)
Marco Camilleri ma’ Maria Chicop (30-4-09)
15-05-2009