موضوعنا اليوم هو عن كيفية عمل حركة
ثلاثية ابعاد بسيطه عن طريق الفلاش (Flash
Professional 8)
الفكره مره بسيطهوتعتمد على مبددء الطبقات (layers)
بحيث انه يظهر شيء فوق شيء في وقت معين
مثلا, فراح يعطي انطباع كانه ثلاثي ابعاد
خلونا نشوف الفلاش التالي وراح توضح
الفكره اكثر:
لو تلاحظوا انه الكوره لما تمشي في
المربع الاخضر (lower layer)
تكون فوقه يعني نقدر نشوفها ولكن لما تمشي عبر
المربع الاحمر (upper layer)
تختفي او تقدر تقول انها تكون تحته
ليه هذا الكلام يصير ؟
هذا لانه اساسا انا عامل حركه
الكوره في طبقه وحاط المربع الاخضر في طبقه تحت
الطبقه الي موجود فيها الكوره وبينما المربع الاحمر
موجود في طبقه اعلى من الطبقه الي موجود فيها الكوره
وهذا السبب الي يجعل المشهد كانه
ثري دي, والصوره الي تحت تبين كيف ترتيب لطبقات للمشهد او
الفلاش الي فوق:
انشاء الله تكون الفكره وضحت.
الحين بهذي المعلومات مو ناقص الا شويه
ابداع وتقدر تسوي بلاوي زرقاء عن طريق الطبقات,
خلونا نشوف كيف نسوي فلاش زي كذا:
زي ما شفتوا فوق في الفلاش الكوره
تلف ومره تكون خلف النص ومره تكون امام النص وهذا
الي يخلي الفلاش كانه ثري دي وهو اساسا 2D
.
طيب
خلونا مع بعض نشوف كيف نسوي الكلام الي فوق
اول حاجه نضيف طبقتين ونسميهم
Text Down و ball
زي ما هو موجود في الصوره التاليه:
وبعد كذا نكتب النص الي نبغاه في
الطبقه Text Down ونرسم كوره في
طبقة Ball زي ما هو
موضح في الصوره الي تحت:
وبعد كذا باقي علينا كيف نحرك
الكوره بشكل شبه بيضاوي وعشان نسوي كذا راح نضيف طبقه فوق
طبقة Ball بس هذي
الطبقه خاصه من نوع Motion Guide
والي تسملحنا برسم path
معين
واي
شيء تحت هذي الطبقه راح تكون الحركه تبعه على شكل الـ
path الي احنا رسمناه وراح نسمي
هذي الطبقه Curve والرسم الي
تحت توضح الفكره
ملاحظه: تأكد اول شيء من تحديد طبقه
Ball بعد كذا ضيف الـ
Motion Guide وكمان تأكد انه طبقة الـ
Text Down ماهي تحت تأثير
طبقة Motion Guide
وبعد ما ندخل الطبقة الجديده الي
اسمها Curve نحاول نرسم الشكل
هذا
زي ما قلت فوق انه اي طبقه تحت
تأثير طبقه من نوع motion guide
راح تتأثر حركت الكائنات الي وسطها بالشكل
الموجود في طبقة
motion guide , الي باقي علينا
انه نضيف حركه للكوره الي موجوده في طبقة Ball
عشان تتحرك الكوره بنفس الشكل الي
موجود فوق بس قبل كل حاجه لازم نسوي قطع بسيط في الشكل الي
فوق وراح يكون زي الي في الصوره التاليه :
والصوره الي تحت تكبير للصوره الي فوق
الغرض من القطع الي سويناه بس عشان
نحدد نقطة البدايه ونقطة النهايه للكوره الي موجوده في
طبقة Ball ولو تلاحضوا انه
القطع بسيط جدا عشان لما نعرض الفلاش ما يكون ملحوظ, بعد
كذا نقوم بادخال key frame لكل
الطبقات الموجوده عندنا في النقطه 50 من الـ Time
Line وندخل motion tween
في كل من الـ key frames
الي موجوده في طبقة Ball
زي ما هو موضح في الصوره التاليه:
بعد ما نضيف الـ motion
tween راح نحدد نقطة البدايه والنهايه
للكوره الي موجوده في طبقة Ball
وذلك عن طريق تحريك الكوره الي موجوده في الـ key
frame 1 الى طرف القطع الي موجود على
اليمين
والكوره الي موجوده في
الـ key frame 50 الي طرف القطع
الي موجود على اليسار والصوره التاليه توضح الفكره:
ملاحظه: لاحظه انه بمجرد ما اضفنا
motion tween الكوره راح تلصق
في الـ path الي رسمناه في طبقة
Curve
.زي منتوا شايفين في الفلاش الي
فوق الكوره دائما فوق النص وهذا عشان الحركه تبع الكوره في
طبقه اعلى من الطبقه الي موجود فيها النص وعشان نحل هذي
المشكله لازم نعرف بالزبط متى الكوره
مفروض تكون خلف النص عن طريق الـ
Time Line وفي حالتنا هذي
الكوره مفروض تكون خلف النص في النقطه 30
من الـ Time Line
, الحين ما بقي علينا الا حاجه وحده
وهي اضافة طبقه جديده
فوق طبقة Ball
ونسميها مثلا Text Up
وننسخ النص الي موجود في طبقة
Text Down ونحطه في Key Frame
موجود في النقطه 30 من الـ Time
Line في نفس المكان (Shift +
Ctrl + V)
والصور الي تحت توضح الفكره:
لاحظ الكوره فوق النص
لاحظ انه الفريمات من 1 الى 29
فاضيه عشان الكوره في الفتره هذي لازم تكون فوق النص
لاحظ الكوره تحت النص فقط من
الفريمات 30 الى 50
وكذا يكون موضوعنا انتهى وانشاء
الله تكون الفكره وصلت واعذرونا على القصور وانشاء الله
نلتقي في موضوع اخر
