 |
 |
 |
 |
| ASCC NEW LIBRARY |
| Special Dedication to The late Honorable Governor Tauese Pita Sunia, Hon.Ph.D. Aue le Lupe sa Faalele 1. Lo'u loto e, ua nutimomoia Ina ua faalogo i le tala Tauese Sunia le Kovana Ua tuua le Malo faapea Aiga Ua lagona lo'u nei mafatia Mafutaga ua motusia Le Sa o Tutuila ma Manu'a Ua taia nei i matagi ma afa Tali 1: Aue le Lupe sa faalele A Tutuila ma Manu'a tele Ua amia nei o ia e le Atua Silisili Ese Lau Lupe lea o Tauese Sunia Ua usufono i le manuia 2. Le Kolisi Tuufatasi Sei o maia tatou faafetai Ia Tauese ua ea ai lou igoa Lauiloa ai oe i aoaoga O lana toe pili na tusia Ua aumai ai nei le saolotoga E tofia ai e le Komiti Taitai Peresitene o le Kolisi Tuufaatasi Tali 2: E! Ua maliliu Toa Ua maumau ai aupega o le taua Ua lagona le leo i Rama Ua pa mai foi le alaga Poo fea ea Tauese Sunia Le Taitai Fono a le Ekalesia |
| 3. Vaai atu ia i galuega O pine faamau o le alofa Auala, Falemai, Faleaoga Ua taunuu nai ona moomooga Le Atua e, ou te faafetai Mo Tauese na e tofia mai Finau ma le loto naunautai Ua manumalo ai e o'o i le oti 4. E le galo amio tausaafia O ai se na te toe fesiligia Galuega ua maea ona faia Manatua ai pea o ia i lenei olaga Lou Alii o lo'o faatali mai Ua faapaleina nei o ia E Iesu i le pale o le OLA 5. Amuia oe EFKAS Taitai Fono ai Tauese le Tama Aitalafu ua uma na totogi E iloa ai lona alofa faamaoni Lona agaga ia faavae se aufaipese Tuufaatasi ai nuu eseese Ia tasi ai le loto ma le agaga E viia ai le Atua Mamana Tali 3: Aue le Lupe a Tui-Manu'a O le Lupe foi a le Malietoa Ua nimo atu ua le toe foi mai Ua usufono i lona Matai Tofa - Tofa - Tauese O le Lupe sa faalele Tofa - Tofa - la'u pele By Namulauulu Paul V. Pouesi |
 |
| Background Music "Sanctus" from John Rutter's Requiem. Performed by EFKAS, United Samoan Church Youth Choir, Carson, CA and University of Southern California Orchestra - Conducted by Paul Pouesi (Doctoral Recital, 1992) |