A pesares de que estes dous métodos nos parecen os máis relevantes, non pensamos que debamos deixar de lado, e de feito non o faremos, o emprego doutra metodoloxía para o traballo de diferentes temas. É importante e moi efectivo o emprego de diferentes recursos audiovisuais, máis aínda nunha sociedade como na que vivimos. Tamén será de especial importancia para o traballo de diferentes unidades a realización de prácticas e montaxes sen que se siga totalmente o método de proxectos, e polo tanto en determinadas ocasións faremos uso do método en partes adecuadas ós contidos que nos parecen máis relevantes.

Sobre os agrupamentos nas diferentes actividades cremos que é interesante fomentar o traballo en pequeno grupo, e dese xeito acostumar ós rapaces ás normas relativas a este traballo que se deben cumprir para un mellor aproveitamento do tempo: respectar as ideas dos demais, deixar intervir e realizar as intervencións oportunas, aportar ideas e solucións ó grupo, reparto de tarefas,...