|
Gumra
ala sama wai,
Myitum
myisha mung htai;
Gawngshing-yan
ngau gu,
Tsaw
Kumhpa rai sai ngu
Ngai
tsaw ni ai…
Shi a
Kraw hpatwat kata,
Tsawmhtap
Salum kaba,
Tsawmyit
Matsun prut nga;
Sai
hkashi hkawam lwi,
Numri
Pan hkyeng maumwi;
Sanseng
Nbung hpe gang,
Nsa
Bungli gahkrang;
Myit-su myitgawp,
Hkrudu Gashagawp;
Dinghta
Shadang ni yawng hta,
Arawng
mala Ngai n ma;
Salum
Sinlanga hkrem,
Tsawmyit
Sumsaw htem
Ngai tsaw ni ai…
Mali
Ninghtoi gu,
Tsawmyit
Mahtai pru,
Kashu
Kasha Myiman mu;
Tsawmyit
grau ngangkang,
Ruyak
lam yawng hpe dang;
Ngwingwi pyawpyaw,
Tsawra Htinggaw;
Mani sumsai,
Tsaw
Kumhpa rai sai
Ngu Ngai tsaw ni ai…
Lanimi
Nang hpe Ngai n mu,
Lahkawng
ya nguna hta mung Nang pru;
Masum ya
Ninghtoi hta mung bai le,
Bat, Shata, Shaning de,
Tsawmyit
Kumhpa me,
Tsawmhtap
Salum mung hpye;
Htaw yun
le yun sha-up,
Masu
Gamung Nang htup;
Prang
nat yang Panglai du,*
Majoi
Shingra Bum Lagaw de Wanhku pru*
Kalang numrang,
Tekkara
1,2 nat bang;
Kalang
numrang shalaw,
Lu ai
Sutgan yawng shaw; |
Tekkara
1,2
Tekkara
12;
Tekkara
4,5
Tekkara
45…
Lagaw
Mali tu nna…
N-gakran
lau,$
Lupding
hta hpyau,
Re ai
hta pi grau;
Chyang,
mang Wanhkut,
Hpachyik
Hpahka grut,
Tsawmhtap
Salum grau hkut;
Wandap
makau e chyu mut,
Hpuhpun
Palawng pi n hkrut,
Hkagri
Mangai she Sut;
Kashu,
Kasha gawng n garut,
Gumpraw
Nlim du hkra gut,
Ngai hpe
pi naw dut
Mat sai Tsaw e…
Na a
tsawm Tsawmyit dai,
Tsaw
Kumhpa masu tai;
Nang hpe
Ngai n wai ai majaw,
Nye a
Tsawmyit gaw,
Shaga
nga ai yaw…
Kalu dik
ai Hka hpe ---
Ngai hpungyawt ngut nna,
Na a Mying hpe Ngai shaga
Nngai rai yang,
Tsaw dik
ai Bum hpe ---
Ngai lung, yu ngut nna,
Nang hpe Ngai wa
Jum nngai raiyang,
Nye a
Laput yan hpe ---
Ngai hputdi la nna,
Na a shawng kaw dingyawm hpyi nga
Nngai raiyang,
Tsaw Nja
Nang madat ya na n ni?
--- Bai
ginhtang wa rit, tsaw Nja --- |
