ysigkoue hoop

nuwe grond met krans versier

met hartseertraan het

hul hier met verlangepyn

moeilik hùl heengaan verduur

Deon Viljoen

Junie 2002

hoe verwerk 'n mens

die verlies van 'n geliefde?

hoe verwerk 'n mens

die ewige verwydering?

hoe gaan mens die toekoms

sonder die samesyn,

nou skielik soos niks,

verdwyn?

hoe verhoed mens

dat jy selfs daarna, wegkwyn?

hoe anders, dan, as met Sy

alomteenwoordigheid, wat nooit. sal verdwyn!

Deon Viljoen

Junie 2002

ewig,

onse liefde

vir altyd beskikbaar

leef vir, behoort aan mekaar, selfs,

hierna

Junie 2002

Deon Viljoen

bont straatkatjies klouter so ewe kordaat

teen my verouderde gholfsak uit

die wildetroeteldierma kyk gedwee,

maar tog bekommerd, na die twee

ek wonder hoe hul verwydering regtig,

indien enigsins, haar barbaarse gemoed sal raak

al moes ek daarvoor betaal, het sy tog nog-

steeds halfhartig hul grootgemaak

ewe rats en onverwags spring

die kleinste sommer op die tafel, haastig

oppad na sy nuutste vonds, vroulief se kos!

my helse oorveeg het hom, of was dit haar, amper sy lewe gekos!

met glinster in die oog

en droërooiwynsgemoed

staar ek in my eggenoot se oog

na agtienjarige vriendskap is sy vandag --

èèn skamele jaar kort van veertig!

nogsteeds is ons in warme liefdesband vasgeklem,

al was ek lankal reeds, òòk veertig!

28 Mei 2002

Deon Viljoen

soos 'n vioolsnaar

sy klaaglied vir die mensdom

laat bewe skreeu

my hartseer wese gevul

met smart sy noodkreet na Bo

Junie 2002

Deon Viljoen

My meisie van smarag.

Weet jy hoe hoog,

ek jou ag ?

My meisie van smarag.

Groot groen oë,

al die prag.

Wat meer,

kan 'n man verwag ?

My meisie van smarag.

Aansteeklike,

spontane glimlag.

So mooi, dit maak 'n man,

sommer sag.

Net soos 'n blom,

'n diamant,

'n edelgesteente,

se prag..

kan ek jou skoonheid,

sommer heeldag,

betrag.

Enige harde hart,

Selfs smart ..

kan jy sommer dadelik,

versag.

Jammer, dat ek jou soms so behandel,

dat jy my verag,

selfs minag ….

Al lyk my optrede maar soms,

verdag.

Onthou net dat ek jou vir ewig,

die hoogste sal ag.

Vir jou sal ek verewig,

probeer beskerm,

met al my mag.

Lief vir jou, vandag…

Vir altyd,

my meisie van smarag.

Deon Viljoen

kan jy tog net een-

slegs èèn dag in jou lewe

aan my, net aan my

sonder vereistes behoort?

is my wens dan ongehoord?

Mei 2002

Deon Viljoen

Gepubliseer in Swewende Siele 'n digbundel saamgestel deur "The Poetry Institute of Africa" in Lente 2002

Klein en weerloos

Aan jou verantwoordelikheid oorgelaat

Gee jy geluk of hartseer

Kom hul maar heeltyd weer

Klein en weerlose kindertjies

Aan jou oorgelaat, die engeltjies

Glimlag meesal van oor tot oor

Al voel hul maar soms maar goor

Klein en weerlose wesens

Al is hul klein, geestelik, 'n vormende mens

Word hul toekoms daagliks gevorm

Ongeag wat jy sien as die norm

Jonk en steeds weerloos

Nou in die laerskool, net soos

Tevore, word hul kennis nou vermeerder

Al voel hul maar soms, kom ons speel eerder

Jonk maar nou groot

Soms rebels en dink jy's 'n idioot

Word hul nou aan die lewe blootgestel

Soms lyk dit heel anders as wat hul kon voorstel

Nog steeds jonk maar word binnekort dertig

Die lewe vlieg verby oppad na veertig

Nou's hul nie meer jou verantwoordelikheid

Maar jy help hul maar, wanneer in die moeilikheid

Van klein en weerloos, nou met meer ervaring

Word hulle ook nou moedeloos, met hul eie kinders

Want hul verstaan nou uit eie herinnering

Grootmaak van kinders, is vir almal, maar eenders

Deon Viljoen

so bibberend koud

sonder vroulief hier alleen

wat lê vir ons voor?

Mei 2002

Deon Viljoen

Soos 'n ou kar

Is ons lewe maar soms

Deurmekaar en in die war

Soos 'n ou kar

Die lewe met rukke en stote

Sukkel ons maar uit die diepste slote

Soos 'n ou kar

Soms maar lelik en gebroke

Is ons teenoor mekaar, ontstoke

Maar net soos ons maar

Soms mekaar

Wil opdons, is ons nog steeds, lief vir mekaar

Lief vir mekaar

Keer op keer, weer daar

En ondersteun ons telkens mekaar

Soos 'n ou kar

Altyd, hoe dit ookal sy, daar

Gereed en, nog steeds, beskikbaar

Deon Viljoen

onvergewende

spieël wys selfs die dieper seer

deur masker verbloem

Junie 2002

Deon Viljoen

Ysigkoud sny winter regdeur,

verouderde been

Selfs verwarmer,

bied geen verweer

Selfs met dikke trui en baadjie opgetof,

dring die verwoede kou ongenadelik deur

Bibberende rillngs wat teen ruggraat opbeur,

tot by kromgetrekte skof

Sonder stry en ewige verwyt,

is dit egter maklik om die groue tyd,

te trotseer en die kou te laat verdwyn,

tot ons eendag, gelukkig vir altyd saam wegkwyn

Junie 2002

Deon Viljoen

ek's weereens verwoes

weereens gemanipuleer

miskien, eendag word

ek ook as mens as hanteer

en miskien selfs ook verëer!

June 2002

Deon Viljoen

Afhanklik koherent….

Stap al saam,

'n hele ent

Vir mekaar,

alles, behalwe 'n las

Lewe saam, heel gangbaar

Malkop, vir mekaar

Prys die Heer,

As ons verhouding, verjaar

Skeiding se nasmaak,

moet ons verhoed,

al is dit ons, enigste taak

Werklike gevoel vir mekaar ontbloot

Altyd bymekaar

Dis mos hoe dit hoort ?

Afhanklik koherent….

Smag jy ook na 'n toekoms,

Saam met die onmoontlike vent ?

Deon Viljoen

die laaste gryntjie hoop

eensklaps verloor

ewe skielik nou soos mis

verdwyn tot hopelose

geringe wese gekwyn

Junie 2002

Deon Viljoen

Is ons verhouding

In 'n onherroeplike toestand

Is ons maar net eenvoudig

Twee vlammetjies wat brand

Wat benodig ons houding

Ons denke en ons verstand

Net aanvaarding is nodig

Om die vlammetjies, beter te laat brand

Liefde, vreugde, is ons beloning

Rusie, wrywing hou alles verband

Gebrek aan kommunikasie, so aaklig

Laat die vlammetjies, met moeite brand

Kom ons werk nou aan ons verhouding

Gebruik ons gesonde verstand

Rustigheid, vrede vir ewig

Twee vlammetjies, wat gelukkig brand

Deon Viljoen

slegs in vlees sit ek hier die wasige verte en intuur

vir ewig en ewig van menswees en lewensvuur beroof

tevergeefs en onnodig tot verimpelde, afgesloof

Junie 2002

Deon Viljoen

Weer alleen

Jy, alleen, ….een

Niemand om jou steun

Geen liefde, van geeneen

Net jy met jouself, …..een

Weer eensaam

Voel maar onbekwaam

Niemand om jou te steun

Niemand, slegs jouself…..

Om alleen, jou brein, in te delf

Deon Viljoen

terwyl ons nou maar,

diè onsekere toekoms

instaar, hoop ons maar,

miskien is daar, nog vir ons,

nogsteeds, eendag uitkoms dààr!

Junie 2002

Deon Viljoen

Heeltemal verdwaal

In jou gemoed,

heeltemal in 'n dwaal

'n Toekoms maar vaal

'n Lewe,

tog so vaal

Hoop vir verbetering, maar skraal

Leuens, verwyt, verwoes,

Maar nog steeds ons kwaal ?

Heeltemal verdwaal

In jou gemoed, heeltemal in 'n dwaal

Gaan ons weereens faal ?

Deon Viljoen

waar was jy toe ek

'n duisend myl vir jou moes stap

geboë, moeg en gekrenk

verwoes in barre landskap

ewig van alle moed getap

Julie 2002

Deon Viljoen

Is alles dan nutteloos ?

Na alles, dan heeltemal, harteloos ?

Hoe's ons dan soms so ydel, wil liewer alles bederf ?

So maklik, eindig alles, in die ewige verderf

Is ons dan vir mekaar so nietig ?

Ons was dan, vir sukses, altyd so gretig

Is ons lewe dan werklik so sinloos ?

Hoort ons miskien, goddeloos ?

Is ons soeke vir liefde, dan heeltemal vrugteloos ?

Hoort ons kroos, dan ouerloos ?

Is ons probeerslae, dan altyd sonder resultaat ?

Sonder die eens, ewige maat …

Deon Viljoen

Volg my,

op die pad, uitgelê,

vir jou en my

Al is dit nie altyd,

hoe jy dit wou hê….

Hoeveel keer het ons dit nie al gesê ?

Kom ons geniet nou ons lewe,

Met hartseer, spyt, verwyt,

om't ewe !

Ek weet geluk, is al waarna jy strewe,

Maar ons sal maar soms moet hard werk,

om al die moeilikheid te verwerk.

Met 'n bietjie liefde en geduld,

Kan ons omtrent enigiets duld.

So…

Volg my,

op die wonderlike pad, uitgelê,

vir jou en my.

Deon Viljoen

Eendag hoog …

Hoe was ons dan eendag laag ?

Eendag naby …

Hoe was dit dan eendag verwyder, miskien verby ?

Eendag prys on die Hom …

Hoe verwyt ons dan soms Hom ?

Eendag weet ons ….

Hoekom moes ons dan wonder, soms ?

Eendag omhels ons mekaar …

Hoe was ons dan, sover van mekaar ?

Eendag vriendelik …

Hoe was ons dan so haatlik ?

Eendag merkwaardig …

Hoe was ons dan so afskuwelik ?

Eendag warm …

Hoe was ons dan so koud ?

Deon Viljoen

Hoeveel keer het ons,

totsiens, gesê ?

Hoeveel keer was ons, deur mekaar se liefde,

soms selfs haat, oorweldig ?

Wat wou ons regtig, hê ?

Die hemel,

was ons doelwit.

Ons het gedans in die maanlig,

Ons het mekaar, verafgod.

Elke oomblik, was pure genot.

Na mekaar het ons,

vingers gewys,

as dinge nie wou vlot, vir my was jy 'n dame,

en soms was ek jou heer, asem soms weggeslaan.

Soms was ons, sommer verslaan.

Elke dag, 'n wonderlike dag !

Die volgende dag,

het ons mekaar, verag.

Die èèndag was was ons op mekaar verlief,

dan blameer ons weer mekaar, as 'n dief.

Het ons ooit mekaar,

se hart, verstaan ?

Hoeveel keer kon ons dit nie, beaam ?

Alles wat ons van mekaar wou hê,

het ons gekry, as ons dit net wou sê.

Soms was ons maar skelm,

maar ons het ons nog oor mekaar, ontferm.

Vir mekaar was ons alles,

Al het dit soms gelyk,

of ons mal is.

Soms het ons te veel gehad,

dan het ons weer mekaar gehaat.

Net soos nou, al voel dit soms of ons gaan vou.

Het ons altyd van mekaar gehou, al het ons verbrou.

Gelukkig, was ons verstrengel, in ons liefde, se klou

Deon Viljoen

Blindelings op jou verlief wees

Kan ek nogsteeds verwag

Om jou liefde en glimlag, daagliks te verwag

Kan ek nog steeds, daagliks wakker word

En weet, ons is met 'n liefdesband, saam, gegord

Kan ek nogsteeds daagliks kan pluk

Van ons boom van ewige liefdes-geluk

Kan ek nogsteeds ?

Deon Viljoen

Liefde kom so maklik

Samesyn so heerlik,

Trouens,

Amper hemels

Liefde so merkwaardig

Samesyn vir ewig

Eensaamheid vermeester

Oë wat heeltyd glinster

Geheg,

Trouens, eerder, verknog

Verhouding op die regte koers

Stem jy saam met my diskoers ?

Deon Viljoen

Is dit regtig waar ?

Wat verwag 'n mens dan,

Met jou aankoms daar ?

Waaraan dink jy,

As jy so die niet instaar ?

Onthou jou lewe is verby

Met jou aankoms daar

As alle paaie wel soontoe lei

Almal eendag saam op De Aar

Gaan jy daar jou siel verbly ?

Of, gaan jy daar ly, in omstandighede, maar naar ?

Lei alle paaie regtig na De Aar ?

Is dit regtig waar ?

Watse beheer het ons regtig dan,

Oor ons omstandighede, met ons aankoms daar ?

Deon Viljoen

Sonder hitte is hy so koud

Staan hy maar daar eenkant

Word miskien onaageraak, oud

So bereik hy miskien nooit sy doel

Vergader miskien net stof

Sonder hitte, waarvoor is hy dan bedoel ?

Eensklaps, met 'n bietjie hitte verander

hy dan, brand met 'n helder vlam

brand dan gretig, sonder om stof te vergader

Selfs deur al die gewoel

Brand hy helder, word korter, korter

Maar ten minste, nou, bereik hy sy doel

Deon Viljoen

Gaan jy onthou,

die lewe wat ek,

wou bou ?

Eendag,

sonder jou

Onthou, ek wou

Armoedig,

Mismoedig,

Roep die dood ? Dit kom so spoedig

Suig alles op,

soos 'n spons

Wat lê vir ons voor ?

Sielkundig,

Ewige stryery,

Geniepsig

Wat gaan jy onthou ?

Armoedigheid, mismoedigheid,

Of net my, vir jou ?

Deon Viljoen

om met al die voorwaardes

al ewig te swoeg ?

Was dit nou genoeg

sonder net liefde

aan ons skip se boeg ?

Is dit dan onmoontlik

Om soos eers voort te gaan

Aanvaar tekortkominge, oombliklik

'n Lewe met gebod op gebod

was dan altyd

alles behalwe 'n genot

Is ek dan nou siek en sat

Vir die lewe met soveel eise

Nou heeltemal afgemat ?

Deon Viljoen

Galhumor, gebrek, gebruik,

gangbaar, gawe, gedetermineerd ?

Waarmee,

vul ons dan ons huwelik, se kruik ?

Haat, handadig, hard,

half-om-half, handhaaf, harmonieus,

Haai !

Geen wonder, ons is so verward !

Impulsief, indiskreet, inferieur,

identiteit, imago, inleef,

Deurmekaar,

Dis seker waarom ons dan, heeltyd treur ?

Positief, negatief, gelukkig, gegrief,

Warm, dan weer koud,

Onthou, ons kan, daagliks….

Harder probeer, asseblief, asseblief !

Deon Viljoen

Doef, doef, doef

Die ritme beaam

Ek's 'n boef

Boem, boem, boem

Wat probeer ons,

verbloem ?

Padoem, padoem, padoem

Is dit die ritme ?

Is ons verdoem ?

Doef, doef, doef

Verward, benard,

Hoelank, gaan jy my, laat vertoef ?

Deon Viljoen

Eerder

Wat kan ons dan vermeerder

Word ons harte, daagliks, dan net seerder

Verwaarloos

Net altyd, moedeloos

Ons liefde was dan amper, 'n koors

Bedees

Was dan altyd, so lekker gewees

Elke dag, weereens, 'n fees

Warm

Liefde, soms maar arm

Gelukkig, soms ook warm

Genees

Nooit, maar nooit, die lewe 'n fees

Soos jy, wil jy altyd wees

Lewendig

Vandag, verewig

Liefde, oneindig

Kwaad

Was dit dan liefde in 'n ander gewaad

Wie's dan in beheer, wie saai die saad

Hartseer

Soos altyd, weer en weer

Kan U, dit dan nie keer

Eerder

Laat liefde vermeerder

Sonder hartseer, eerder

Deon Viljoen

Dit maak geen sin nie

Dat ons nie heeltyd

Mekaar, bemin nie

Net liefde

Vir ons altwee

Van toe, tot in die hede

Ons was dan heeltyd saam

Prys dan altyd die Here se naam

Wat moet ons dan nog beaam

Dit maak geen sin nie

Die huwelik, daar is dan niks meer nie

Vir mekaar se foute, het ons nooit, omgegee nie

Hoekom nie

'n lewe, waar ons mekaar nie

heeltyd, wil opvreet nie

Dit maak nie sin nie

Wil jy nie meer saam met my wees nie

Vir altyd, net myne nie

Deon Viljoen

Alewige rusie

Verminder vertroue

Veroorsaak onsekerheid

En kwes jou selfvertroue

Vertroue bevestig jou posisie

In die huwelik, bewys sy's joune

Verseker selfs met hartseer en neid

Is jul vir altyd vir mekaar behoue

Vertroue laat vir die toekoms 'n visie

Verseker vir elkeen vrymoedigheid

Hou jou van die onsekere illusie

Verander selfs groot onenigheid, in 'n kleinigheid

Vertroue verhoed die al ewige

Verwysing na ou koeie

Verander die onsekere, in die ewige

Verwyder automaties, die hartseer se boeie

Deon Viljoen

Klink mooi..

Praat,

maar net,

strooi

Almal,

so fraai,

wie wil ons,

paai ?

Soms maar,

vuisvoos,

selfs,

die kroos

Hoekom,

's almal dan so,

boos ?

…amper, Goddeloos ?

Met al die,

gelag,

waarvoor het ons,

dan altyd,

gewag ?

Deon Viljoen

Vir alles sien ek net een uitweg

Ek moet weg

Maak nie saak hoeveel ek probeer nie

Dit word nie gerespekteer nie

Maak nie saak hoeveel liefde ek wys nie

Ek kry daarop in alle geval geen reaksie nie

Maak nie saak wat ek doen nie

Dit is in alle geval nie reg nie

Maak nie saak wat ek vir ons begeer nie

Ek het in alle geval daaroor geen beheer nie

Dit gaan nie oor of ons mekaar respekteer nie

Is dit nie die liefde van ouds wat ons wil terughê nie?

Deon Viljoen

Liefde is onvoorwaardelik

Liefde is wonderlik

Liefde is nooit alleen nie

Liefde maak nie seer nie

Liefde vra nie geld nie

Liefde skuld nie

Liefde bestaan verewig, nie nou en dan nie

Liefde haat of verkleineer nie

Liefde is om darem, al is net soms, te kan te kompeteer

Liefde is om nooit te sê dis klaar nie

Liefde is ekstase

Liefde skei nie

Deon Viljoen