NEDERDUITSCH HERVORMDE

KERK VAN AFRIKA

Die notule van die

agt-en-veertigste

Gewone Ringsvergadering

in sitting

te Empangeni

om 08:00

op 12 Junie 1999

4 8

I N H O U D S O P G A W E

VERGADERING

1. OPENING 2

2. VERWELKOMING 2

3. MOSIES 2

4. SAMESTELLING

4.1. GELOOFSBRIEWE: LEDE MET VOLLE STEMREG 2

4.2. LEDE MET ADVISERENDE STEM 3

4.3. KONSTITUERING 3

4.4. BENOEMING VAN ORDEKOMMISSIE 3

4.5. BENOEMING VAN STEMOPNEMERS EN -TELLERS 3

4.6. VERKIESING VAN NUWE RINGSKOMMISSIE 4

4.7. BENOEMING VAN FORMULERINGSKOMMISSIE 4

4.8. NOTULE VAN DIE VERGADERING 4

4.9. SITTINGSURE 4

4.10. UITBREIDING VAN DIE AGENDA 5

1 BELYDENIS 5

2 AMPTE 5

3 VERGADERINGS VAN AMPTE 6

4 GEMEENTES EN KERK 8

5 VERKONDIGING 8

6 VERBAND MET ANDER KERKE 10

7 HUWELIK, GESIN EN OPVOEDING 10

8 DISSIPLINE 10

9 KERKLIKE GOEDERE 10

10 KERKORDE 10

AFSLUITING 11

NOTULE van die

48 ste

R I N G S V E R G A D E R I N G

van die

RING VAN PIETERMARITZBURG

PLEK: Kerkgebou van EMPANGENI

TYD : Saterdag 12 Junie 1999 08:00

1. OPENING

Die vergadering is geopen met 'n erediens wat deur Ds JH van Staden gelei word.

2. VERWELKOMING

Die uittredende voorsitter Ds JH van Staden het die afgevaardigdes en gaste wat teenwoordig was verwelkom.

3. MOSIES

1. Die volgende gemeentes is geluk gewens met die feesvieringe wat die afgelope jaar plaasgevind het:

• Durban-Suid (40 jaar)
• Richardsbaai (21 jaar)
• Pinetown (10 jaar)
• Laer Suidkus (25 jaar)

2. 'n Mosie van roubeklag is aanvaar met die afsterwe van Ds S Mpanza van die gemeente Kayelisha van die HKSA.

• Ds A van Rensburg is geluk gewens met sy verlowing en huwelik wat op 23 Oktober 1999 voltrek sal word.
• Ds JH van Staden is geluk gewens met die verwerwing van die graad MA (Sielkunde).
• Dr WAJ van Schoor is geluk gewens met die verwerwing van die graad Dtheol.
• Ds en Mev P Harmzen met die geboorte van hul baba

4. SAMESTELLING

4.1. GELOOFSBRIEWE: LEDE MET VOLLE STEMREG

1. Die geloofsbriewe van die volgende broeders en susters soos ontvang uit hulle onderskeie gemeentes is aanvaar, en hulle is toegelaat om sitting te neem as wettige lede van hierdie Ringsvergadering met volle stemreg:

GEMEENTE

PIETERMARITZBURG

PREDIKANT : Ds P Harmzen

OUDERLINGE: (1) JH du Plessis (2) BH Pieterse

DURBAN

PREDIKANT : Ds TF Dreyer

OUDERLINGE: (1) H Prinsloo (2) D Paulsen

DURBAN-SUID

PREDIKANT : Ds HF la Grange

OUDERLINGE: (1) WJvD Jansen (2) WJ du Plessis

EMPANGENI

PREDIKANT : Ds JH van Staden

OUDERLINGE: (1) TF Steyn (2) FJ Kruger

LAER SUIDKUS

PREDIKANT : Ds JJ Pieterse

OUDERLINGE: (1) F J Giesing

RICHARDSBAAI

PREDIKANTE: Ds JA Minnaar Ds A Janse van Rensburg

OUDERLINGE: (1) H Beuken (2) JJ Gibson

PINETOWN

PREDIKANT : Dr WAJ van Schoor

OUDERLINGE: (1) JL Conradie (2) DJ Steyn

4.2. LEDE MET ADVISERENDE STEM

1. Lede wat ter vergadering is en wat volgens Ordinansie 3.4.1.i.c met adviserende stem teenwoordig is, neem met adviserende stem sitting.

2. Ouderling Boet Nel is namens die Algemene Kommissie ter vergadering en volgens Ordinansie 3.4.1.i.d neem hy sitting met spreekreg.

4.3. KONSTITUERING

1. Die voorsitter verklaar

• dat die vergadering behoorlik saamgestel is.
• Dat behoorlik en betyds van die vergadering kennis gegee is.
• Dat 'n kworum teenwoordig is.
• Dat die 48ste vergadering van die Ring van Pietermaritzburg in sitting is.

4.4. BENOEMING VAN ORDEKOMMISSIE

1. Die volgende persone word as lede van die ordekommissie aangewys :

die ouderlinge van

• Richardsbaai H Beuken

• Pinetown JL Conradie en

• Sekundus van die voorsitter (1)

Ds H F La Grange

4.5. BENOEMING VAN STEMOPNEMERS EN-TELLERS

1. Die volgende persone word as stemopnemers en -tellers (onder leiding van die ordekommissie) aangewys :

Vanaf

• Durban-Suid WjvD Jansen

• Laer Suidkus F J Giesing

• Pietermaritzburg

JH du Plessis

4.6. VERKIESING VAN NUWE RINGSKOMMISSIE

1. Die volgende lede van die vergadering word tot die Ringskommissie verkies:

1.1. Die vergadering verkies tot voorsitter

Dr. WAJ v Schoor

1.2. Die vergadering verkies tot skriba

Ds. T F Dreyer

1.3. Die vergadering verkies tot ouderlingslede van die Ringskommissie

(1) H Beuken Richardsbaai

(2) H Prinsloo Durban

(3) J Gibson Richardsbaai

2. Die volgende lede van die vergadering word tot sekundi vir die Ringskommissie verkies:

2.1. Die vergadering verkies tot sekundus vir die voorsitter

Ds. H F La Grange

2.2. Die vergadering verkies tot sekundus vir die skriba

Ds Ds A Minnaar

2.3. Die vergadering verkies tot sekundi vir die ouderlingslede van die Ringskommissie

(1) T Steyn Empangeni

(2) J Conradie Pinetown

(3) W J du Plessis Durban Suid

4.7. BENOEMING VAN DIE FORMULERINGS-KOMMISSIE

1. Die volgende lede van die vergadering word aangewys as lede van die Formuleringskommissie

• die nuutverkose sekundus van die skriba Ds A Minnaar

• ouderling van Durban Oudl H Prinsloo

• ouderling van Empangeni T Steyn

4.8. NOTULE VAN DIE VERGADERING

1. Die notule van hierdie vergadering, sal soos gebruiklik, deur die Ringskommissie versorg en voorlopig goedgekeur word.

2. Die notule sal vir kommentaar aan alle kerkrade gestuur word.

3. Die Ringskommissie sal na ontvangs van kommentaar die korrektheid van die notule, die notule finaal goedkeur en afhandel.

4. Die Ringskommissie sal aan elke gemeente 'n dokument van die besluite van die vergadering verskaf.

5. Elke kerkraad sal skriftelik hierop antwoord en dat die sperdatum van die indiening van hierdie dokument 31 Oktober 1999 is.

Die vergadering besluit voorts dat:

• die vergadering kennis neem van foute op die notule van die 47ste Ringsvergadering weens die feit dat korreksies wat kerkrade voorstel, die skriba nooit bereik het nie.
• Die nuwe ringskommissie opdrag kry om die notule van die 47ste Ringsvergadering af te handel na ontvangs van kommentaar uit die kerkrade
• kerkrade kry opdrag om kommentaar oor die notule van die 47ste Ringsvergadering aan die ringskommissie deur te gee.

4.9. SITTINGSURE

Die vergadering aanvaar die volgende sittingsure :

08:00 - 10:00 Eerste sitting

10:00 - 10:20 Tee

10:20 - 12:30 Tweede sitting

12:30 - 13:15 Middagete

13:15 - 14:15 Derde sitting

14:15 - 14:30 Tee

14:30 - 16:00 Vierde sitting

16:00 Beplande einde van die vergadering

4.10. UITBREIDING VAN DIE AGENDA

1. Dat die agenda soos volg uitgebrei word:

Geen

1. BELYDENIS

2. AMPTE

2.1 PASTORAAT

2.1.1. VERSLAG VAN DIE RINGSRAAD VIR PREDIKANTE

1. Die verslag van die Ringsraad vir Predikante word aanvaar.

2. Konsulente word soos volg aangewys :

GEMEENTE Eerste Tweede

Pietermaritzburg Ds T Dreyer Ds W van Schoor

Durban Ds W van Schoor Ds J Pieterse

Durban-Suid Ds J Pieterse Ds T Dreyer

Empangeni Ds J Minnaar Ds A van Rensburg

Laer Suidkus Ds H la Grange Ds W van Schoor

Richardsbaai Ds J van Staden Ds H la Grange

Pinetown Ds P Harmzen Ds J Minnaar

3. Die vergadering neem met groot dank en waardering kennis van al die predikante in die Ring wat soms onder moeilike omstandighede hulle ampswerk doen.

2.1.2 RINGSVISITASIE

Die vergadering besluit dat:

1. Die gemeentes met deelsorgstandplase moet steeds jaarliks visitasie ontvang.

2. Die gemeente Durban so spoedig moontlik visitasie ontvang.

3. Die visitasiekommissies bestaan uit die konsulent en minstens twee ouderlinge van die konsulentsgemeente.

2.1.3 VISITASIEVERSLAG: PINETOWN

1. Die verslag oor die visitasie by Pinetown word aanvaar .

2.1.4 VISITASIEVERSLAG: EMPANGENI

1. Die verslag oor die visitasie by Empangeni word aanvaar.

2. Die gemeente Empangeni word sterkte toegewens met hulle vyfjaar-doelwit tot volle versorging

3. Die vergadering neem met dank kennis van die hoogstaande gehalte van die werk van die deelsorgpredikante in die ring.

2.1.5 VISITASIEVERSLAG: PIETERMARITZBURG

1. Die visitasieverslag by Pietermaritzburg word aanvaar .

2.1.6 VISITASIEVERSLAG: DURBAN

Die vergadering besluit dat die visitasie en verslag oor die visitasie by Durban so spoedig moontlik afgehandel word.

2.1.7 VISITASIEVERSLAG: RICHARDSBAAI

Die vergadering besluit dat:

1. Die verslag oor die visitasie by Richardsbaai aanvaar word.

2. Die gemeente Richardsbaai sterkte toegewens word met die handhawing van hul tweede standplaas.

2.1.8 VISITASIEVERSLAG: LAER SUIDKUS

1. Die verslag oor die visitasie by Laer Suidkus word aanvaar.

2.1.9 STUDIE OOR DIE EFFEK VAN DIE DEELSORG-BEDIENING OP DIE PREDIKANTE IN GEMEENTES.

Die vergadering besluit dat:

1. Die verslag oorstaan tot die volgende vergadering. Ds J H van Staden word as projekleier aangewys.

2.2 OUDERLINGE

2.2.1. VERSLAG VAN DIE RINGSRAAD VIR OUDERLINGE

Die vergadering besluit

1. Dat die verslag van die Ringsraad vir Ouderlinge aanvaar word.

2. Dat visitasiekommissies opdrag kry om in die volgende termyn pertinent aandag te gee aan die opdrag aan die ouderlingevergadering om voor nagmaal huisbesoek te doen by pastoriegesinne sowel as by die ouderlinge in gemeentes.

2.3 DIAKENS

3. VERGADERINGS VAN AMPTE

3.1. RINGSVERGADERING

3.1.1 RINGSRADE

Die vergadering besluit:

1. Dat die Ringsradestelsel soos dit in die 1998 termyn gegeld het, voortaan as stelsel in die Ring sal geld, totdat duidelikheid oor die nuwe stelsel ontvang is.

• Dat die ringskommissie 'n datum in die tweede helfte van die jaar bepaal waarop die ringsrade sal vergader met die doel om uitvoering te gee aan opdragte uit bykomende vergaderings.

3.1.2. VOORSITTERS VAN RINGSRADE

Die vergadering besluit

1. Dat die voorsitter en skriba van die ring asook die verteenwoordiger van die Rings Diakonale Vergadering verkieslik nie op die ringsrade as voorsitters sal dien nie.

2. Dat die vergadering vyf (5) voorsitters aanwys vir die nuwe rade soos deur die Algemene Kerkvergadering in die vooruitsig gestel.

3. Dat die ringskommissie die struktuur en werking van die Ringsrade sal vasstel en aan die gemeentes sal deurgee.

4. Dat gemeentes ook kundige ampsdraers en / of lidmate sal aanwys om op hierdie rade te dien.

5. Dat die Ringskommissie se aanwysing van oudl LS de Lange as waarnemende voorsitter van die Ringsraad vir Kerklike Goedere goedgekeur word.

6. Dat die volgende Ringsradevoorsitters verkies word:

RINGSRAAD VOORSITTERS

Prediking en erediens Ds J Pieterse

Pastoraat Ds J H van Staden

Apostolaat Ds H F La Grange

Huweliks-, gesinsorg en opvoeding Ds P Harmzen

3.1.3 BESLUITEBUNDEL RINGSVERGADERING

Die vergadering besluit:

1. Dat die Ringskriba opdrag kry om die besluitebundel op datum te bring en teen 31 Augustus aan die onderskeie gemeentes te besorg.

2. In die lig van die verandering wat plaasgevind het na die aanvaarding deur die AKV van die nuwe kerkorde, sal die bestaande besluitebundel gehandhaaf word. 'n Nuwe besluitebundel sal op die been gebring word. Hierdie nuwe besluitebundel sal op die nuwe kerkorde geskoei wees.

3.2. RINGSKOMMISSIE

3.2.1 VERSLAG VAN DIE RINGSKOMMISSIE

Die vergadering besluit:

1. Dat die verslag van die Ringskommissie aanvaar word.

2. Dat kennis geneem word dat die Ringskommissie dit betreur dat nie alle gemeentes hulle pligte en verantwoordelikhede nakom nie.

3. Dat die vergadering sy dank en waardering uitspreek vir die goeie werk wat die vorige ringskommissie verrig het.

4. Dat die vergadering sy vorige besluit bevestig dat die predikant 'n deel is van die gemeente en derhalwe ook gereeld deur die ouderling besoek moet word.

5. In die lig van die frustrasie m.b.t.

• gemeentes wat nie hulle verslae indien,
• elke gemeente 'n lidmaat afvaardig na AL die vergaderings,
• ringsrade nie behoorlik voorbereiding vir hul vergaderings doen nie,
• ringsrade nie netjiese en werkbare beskrywingspunte formuleer vir behandeling deur die Ringsvergadering nie,
• gemeentes nie behoorlik aandag gee aan die ringsbesluite en terugvoer aan die Ringskommissie gee oor die implementering daarvan.

gee die ringsvergadering die raad Pastoraat opdrag om die hele saak indringend te ondersoek en aan die ringsvergadering verslag te doen. Die ou ringsraad van predikante moet hierby ingesluit wees. Ouderlinge kan ook gekoopteer word om met hierdie ondersoek behulpsaam te wees.

3.3 RINGSDIAKENSVERGADERING

3.3.1 VERSLAG VAN DIE RINGSDIAKENSVERGADERING

Die vergadering besluit:

1. Dat die verslag van die Ringsdiakensvergadering aanvaar word.

2. Dat Ds Minnaar verkies word as verteenwoordiger op die Rings Diakonale Vergadering

3. Dat ouderlinge, wat die opsig-verantwoordelikheid oor die diakonat in gemeentes het, sal toesien dat die opdragte van die Rings Riakonale Vergadering (RDV) aan die diakensvergaderings so uitgevoer sal word. Die volgende besluite is ter sake:

a. Dat die vergadering sy misnoeë uitspreek oor die skynbaar argelose houding waarmee sommige afgevaardigdes die RDV bejeën deur nie vir die vergadering op te daag nie. Die ringsvergadering van die ring van Pietermaritzburg word versoek om die erns van hierdie amptelike vergadering onder kerkrade se aandag te bring.

b. Dat die kommissie van die RDV 'n dag sal reël om al die diakens van al die gemeentes in die ring byeen te bring vir 'n toerustingsgeleentheid in samewerking met die Algemene Diakonale Vergadering (ADV). Dit moet gebeur gedurende Februarie 2000.

c. Dat al die gemeentes die vraelys sal voltooi (Behoeftebepaling na Bejaarde- en Pleegsorg in die Ring) en terugstuur aan die kommissie van die RDV voor of op 12 Junie 1999.

d. Dat die diakensvergaderings van al die gemeentes in die ring die studiestuk: Die diakonaat in die nuwe struktuur van die kerklike lewensorde, tydens 'n toerustingsgeleentheid aan die diakens sal voorhou.

e. Dat die derde gewone sitting van die RDV van die Ring van Pietermaritzburg D.V. soos volg sitting sal neem: Plek: Durban Suid. Datum 15 April 2000.

4. GEMEENTES EN KERK

4.1 LIDMAATSKAP

4.1.1 VERSLAG UIT DIE RINGSRAAD VIR SENSUS EN STATISTIEK

Die vergadering besluit

1. Dat die verslag van die Ringsraad vir Sensus en Statistiek aanvaar word.

2. Dat die voorsitter van die Ringsraad bedank word vir die keurig versorgde grafieke wat in die agendas gebind is.

• Dat gemeentes onverwyld aandag sal gee aan die opdrag van die Ringsvergadering om aandag te gee aan die redes wat lidmate aanvoer waarom hulle die kerk verlaat.
• Dat die Raad vir erediens voor 31 Oktober 1999 aan die saak (4.1.1.3) sal aandag gee.

4.2 GEMEENTEGRENSE

4.2.1 KAART VAN GEMEENTEGRENSE

Die vergadering besluit:

1. Dat daar kennis geneem word dat die gemeente Pietermaritzburg se grensbeskrywing ontvang is.

5. VERKONDIGING

5.1 KATEGESE

5.1.1 VERSLAG VAN DIE RINGSRAAD VIR KATEGESE

Die vergadering besluit:

1. Dat die verslag van die Ringsraad vir Kategese aanvaar word.

2. Dat elke ringsgemeente met die aanvang van die jaar doelwitte formuleer vir die kategese in die gemeente en dat sodanige doelwitte en 'n verslag van die vordering by die Ringsraad vir Huwelik, Gesin en Opvoeding behandel word.

3. Dat die vergadering die kommissie vir die opstel van die Jaarverslae versoek om weer die statistiek van kategesepligtiges in die verslae op te neem.

4. Dat Ouderlingevergaderings oorweging daaraan skenk om 'n skrywe aan ouers te rig waarin hulle aangespoor word om hulle doopbelofte na te kom.

5.2 SCRIPTURA 99

Die vergadering besluit:

1. Dat die vergadering met dank kennis neem van die verskyning van Scriptura 99.

2. Dat die gemeente Empangeni bedank word vir die borg van Scriptura 99.

3. Dat die 2000 uitgawe van Scriptura per besluit van die 45ste Ringsvergadering deur die gemeente Durban-Suid geborg word.

4. Dat Ds HF la Grange as redakteur van Scriptura 2000 sal optree.

5. Dat predikante van die Ring versoek word om vir Scriptura 2000 twee preke deur te gee waarvan een tydens Advents- of Lydingstyd gebruik kan word

6. Dat genoemde preke die redakteur voor of op 31 Augustus bereik.

5.3 APOSTOLAAT

5.3.1 VERSLAG VAN DIE RINGSRAAD VIR EVANGELISASIE

Die vergadering besluit

1. Dat verslag van die Ringsraad vir Evangelisasie aanvaar word.

5.4 SENDING

5.4.1 VERSLAG VAN DIE RINGSRAAD VIR SENDING

Die vergadering besluit:

1. Dat die verslag van die Ringsraad vir Sending aanvaar word.

2. Dat gemeentes slegs twee doelwitte oor sending sal identifiseer en dit gedurende hierdie jaar tot uitvoer bring.

• Om te sorg dat elke huis- en tuinwerker van gemeentelede van die Ring teen die jaar 2000 oor 'n Bybel in hulle eie taal sal beskik.
• Om die Ringsraad behulpsaam te wees met die insameling van speelgoed en hulpmiddele wat vir die kleuterskole van die HKSA gebruik kan word.

3. Dat die vergadering sy waardering uitspreek vir die verslag van die Ringsraad vir Sending, soos voorgehou.

4. Dat hierdie verslag in sy geheel tydens 'n ouderlingevergadering in elke gemeente voorgehou en bespreek sal word.

5.4.3 C S O

5.4.3.1 VERSLAG VAN DIE VOORSITTER VAN DIE PLAASLIKE CSO-KOMITEE

Die vergadering besluit:

1. Dat die verslag oor CSO aanvaar word.

5.5 KERKBOEK

5.5.1 VERSLAG VAN DIE RINGSRAAD VIR KERKMUSIEK

Die vergadering besluit

1. Dat die verslag van die Ringsraad vir Kerkmusiek aanvaar word.

2. Die Proefsangbundel word so spoedig moontlik in die Ringsgemeentes in gebruik geneem.

3. Daar word voortaan besondere aandag gegee aan die aanleer van die nuwe liedere tydens sangoefening.

4. Ouderlingevergaderings gaan besin saam met orreliste oor wyses waarop sangoefeninge meer sinvol aangebied kan word, sodat lidmate dit ook meer entoesiasties al ondersteun.

5. Ouderlingevergaderings gaan besin saam met die kategesehoofde en orreliste oor wyses waarop die kinders van die Kerk tydens kategesetyd op'n entoesiastiese wyse toegerus kan word oor gemeentesang.

6. Daar word in elke gemeente besin oor sangoefening tydens kategese.

7. 'n Mosie van dank word aanvaar teenoor Dr. Elsabé Kloppers en die Ringsraad vir Kerkmusiek wat die Kerksangseminaar in 1998 met groot sukses aangebied het.

8. Kerkrade voer die besluit van die 1998 Ringsvergadering uit wat meld dat orreliste lidmaatskap moet bekom by die Suid-Afrikaanse Kerkorrelistevereniging, ten einde ook geleentheid te skep om orreliste op 'n gereelde basis toe te rus.

5.5.2 VERSLAG VAN DIE RINGSRAAD VIR KERKLIKE PUBLIKASIES

Die vergadering besluit:

1. Dat die verslag van die Ringsraad vir Kerklike Publikasies aanvaar word.

2. Dat die wenke en aanbevelings in die vermelde dokument van SENTIK as riglyn gebruik kan word deur hierdie werkgroepe

• Dat die Ringsvergadering sal besluit om van die aanbod van Dr. Paul de Beer gebruik te maak om die werkgroepe verder in te lig.

5.6 BYBELVERTALING EN BYBELVERSPREI-DING

5.6.1 VERSLAG VAN DIE RINGSRAAD VIR BYBELVER-SPREIDING

Die vergadering besluit

1. Dat die verslag van die Ringsraad vir Bybelverspreiding aanvaar word.

2. Dat die verslag van Ds J de Wet aanvaar word

6. VERBAND MET ANDER KERKE

7. HUWELIK, GESIN EN OPVOEDING

7.1 VERSLAG VAN DIE RINGSRAAD VIR OPVOEDING EN ONDERWYS

Die vergadering besluit:

1. Dat die verslag van die Ringsraad vir Opvoeding en Onderwys aanvaar word.

7.2 VERSLAG VAN DIE RINGSRAAD VIR JEUGWERK

Die vergadering besluit

1. Dat die verslag van die Ringsraad vir Jeugwerk aanvaar word.

2. Dat die swak opkoms by die Kursus vir effektiewe Jeugbediening deur die Ringskommissie betreur word.

3. Dat die Ringsvergadering versoek die voorsitter van die Ringsraad om 'n tweede Kursus vir effektiewe Jeugbediening te reël.

8. DISSIPLINE

9. KERKLIKE GOEDERE

9.1 VERSLAG VAN DIE RINGSRAAD VIR KERKLIKE GOEDERE

Die vergadering besluit

1. Dat die verslag van die Ringsraad vir Kerklike Goedere aanvaar word.

9.2 FINANSIËLE VERSLAG VAN DIE RINGSKOMMISSIE

Die vergadering besluit:

1. Dat die voorgelegde Inkomste- en Uitgawestate van die Ringskommissie aanvaar word.

2. Dat die begroting van die Ringskommissie aanvaar word.

3. Dat gemeentes wat nie oor elektroniese posgeriewe beskik nie voor die einde van Julie 1999 daaraan aandag moet gee. Die gemeentes word ook toegelaat om die ringskommissie te nader vir finansiële hulp daarvoor, indien nodig.

4. Dat die ringskommissie in samewerking met die ringskassier rekenings sal stuur aan alle gemeentes van waaruit afgevaardigdes met ringsfondse betaal is om kursusse by te woon, maar wat die kursusse dan nie bywoon nie.

5. Dat die rente ontvang uit die belegging asook uit die tjekrekening vir die jaar 1998 gelykop aan die deelsorgpredikante van die ring uitbetaal sal word.

6. Dat hierdie rente jaarliks in Januarie aan die vermelde deelsorgpredikante uitbetaal sal word. Hierdie besluit sal jaarliks hersien word.

7. Dat 'n bedrag van R1,500-00 goedgekeur word vir die aanbied van 'n kerksangseminaar in die tweede semester van 1999.

9.3 OUDITVERSLAG VAN DIE RINGSKOMMISSIE

Die vergadering besluit

1. Dat die ouditeure se verslag oor die finansiële state van die Ringskommissie goedgekeur word.

9.4 VERVERSINGS BY DIE VERGADERING

Die vergadering besluit

1. Dat die NHSV van die gemeente Empangeni R1,000 ontvang vir die verversings tydens die vergadering.

9.5 SUBSIDIE AAN DEELSORGPREDIKANTE

10. KERKORDE

Ds Jacques Pieterse sluit die vergadering met gebed.

Gelees, goedgekeur en geteken

____________________________ (Datum)

_____________________________

Voorsitter

____________________________

Skriba