SEAT LEÓN TDI (GASÓLEO C)

 

 

 

Hola queridos internautas:

 

A redacción de Pistón Bermello encargoume a elaboración dun artículo para este segundo exemplar, pero teño que recoñecer que nun principio non aceptei dita proposición xa que non atopaba ningún tema de que falar, pero ó final, un sábado que estabamos no Bar Torques en Ribadeo acabando o noso último tanqueirado de Martini e esperando a que Frenando Morapio acabara de varrer o local, surxiume unha idea o estar escoitando a Argimiro, un dos camareros, como chufaba a súa nova adquisición, un Seat Leon TDI:

-“Oiches Argemiro, ¿deixaríasnos probar o coche para Pistón Bermello?”.

-“Por suposto, e ides quedar flipados” (sin comentarios sobre as nosas caras).

 

Antes de comenza-la proba véxome na obriga de facer tres matizacións sobre a nova compra de Argimiro: primeiro decir que cambiou o seu Fiat Uno, que aínda que era un coche un pouco trampa polo menos era gasolina e non unha caldeira de calefacción; segundo, que cando nos levaba no Fiat a Jorge e a min dende o Torques ata o Muiño, sempre o íbamos azotando e el esgallaba como un autentico campeón, e agora por muito que o animemos, nada, que  o coche é novo, que hai que suavizalo... ¡¡¡vaia noxo!!! E por último, e esto vale para todos estos coches de gasoil e inxección directa, dos cales decir que non consumen é unha auténtica mentira, xa que se vas por autovía dando “caña” (aínda que dar caña nun diesel é unha utopía, deixaremolo en que vas a velocidades un pouco elevadas) beben casi tanto como nós un sábado pola noite, e decir que o noso consumo é similar ó dun Mitsubishi Lancer evo VI, polo que actualmente e co precio que ten o gasoil non compensa para nada comprar un destes coches.

 

Chegado o día en cuestión acompañáronme os dous redactores de Pistón Bermello, pero temos que decir que a Luis “Pirilla Diabólica” Miranda levámolo enganado xa que lle dixemos que ía probar un Seat León 1.8 20 VT Sport de 180 cv (un turismos con aspiracións semi-deportivas bastante interesante) e cando chegamos alí e viu que era un TDI negouse rotundamente a probalo, de feito tivemos que agarralo entre todos xa que quería prenderlle lume alí mismo... Eu tamén declinei a oferta polo que foi Jorge do Reguengo o piloto probador e estas foron as súas conclusións nada mais baixarse: “Mal, mal, moi mal... eu quería levalo igual que levo o meu 124 e neste, exprimo primeira e ¡tras! corte, segunda, ¡corte!, terceira ¡outra vez corte, vaia merda non vale para nada! Despois había una paella en subida e eu, claro, baixei unha marcha e metinlle unha cucharada e... ¡pasou todo recto, nin se moveu, esto non é espectáculo nin nada! Cando din a volta e ía chegar de novo á paella, agora en baixada, e vendo que a base de cucharadas non hai nada que facer, intentei balancealo e tiralo de freno de man... ¡sobre railes, non derrapou nada, claro con tanta mamarrachada de ABS e control de tracción que se podía esperar. Ademais a caixa de cambios é demasiado lenta (é moito máis rápida a miña Juncolotti) e os frenos teñen un tacto de pedal moi esponxoso e fatíganse con moita facilidade”.

-“Entón Jorge, ¿non houbo nada que che gustara do coche?

-“Bueno hai que recoñecer que o equipo de música non está mal, home, nunca gañaría nunha concentración Maxi Tunning pero “peta” bastante, e  mentras fun pilotando permitiume escoitar o meu CD dos Túzaros, o cal me animaba a darlle zapato, pero como xa dixen o coche non se presta para estes menesteres: polo menos, xa que non hai cabalos, música.

 

Con esto remata a nosa proba, temos que agradecerlle a Argimiro que nos cedera o seu “coche” (agora vamos poñelo entre comillas), aínda que quedou algo decepcionado cos comentarios feitos polo piloto, e decirlle a Victor que deixe de insistir que non imos probar o seu 406 a gasóleo C, enxendros deste tipo procuraremos mantelos o máis alonxados posible de nós.

 

¡¡Ah!!, xa non me lembraba, se vos pasades un día por Ribadeo e queredes tomar un auténtico tanqueirado de Martini acercádebos polo Bar Torques, pero ollo, si vos poñedes a falar de automobilismo a ver que posturas defendeis, espero que aprenderais algo nesta páxina.

 

 

Juanx do Violo

 

 

 

 

Nota do autor: quixera facer un pequeno apunte que sobre a miña persoa aparece no artículo “As grandes mentiras (que pretenden que creamos” de Ivao da Carroexcola, aparecido neste mismo exemplar de Pistón Bermello. Dicir que entre os meus coches non hai ningún con motor diesel e o VW “trampa” vouno cambiar por outro gasolina, en cambio o autor conta entre as súas pertenencias cunha caldeira de calefacción, e encima italiana. Sin comentarios.