Marta Muñoz Qolqe

Click here to listen to Marta.

Hermanos, ñoqa parlamusaykichis. Ñoqa sutikuni Marta Muñoz Qolqe.

Hermanos, saludamuykichis tukuy hermanosta. Qankuna, hermanos, parlamuwasqayku Quechuamanta. Kay Hermano Muchhu jamun chayman kasetta apachimuwasayku. Kusisqas uyariyku. Kusisqas tarikuyku kay Hermano Muchhu chayamun wasiykuman. Killataña tiyakuyku paywan y kunan jampuyta munasan pero phutisqaschá quedakusajku.

Y astawan parlamuyku. Hermanos, Diosmanta mañampuwayku kay Diospa palabranta astawan siguinaykupaj. Tukuy familiaywan kusisqas kayku, jinataj wawasniywan. Wawasniyta rejserqankichis: Fani, Irma, Jaime. Kinsantin, kinsalla wawasniy.

Hermanos astawan, saludamuykichis tukuy tatasniykichisman, mamasniykichisman, hermanosniykichisman.

Hermanos, willamusqaykichis temploman risqaykumanta. Rerqayku qayna wata. Y kunan piensasayku kutiyta, mayk'ajchus pero kutisajku. Tukuy familiaywan sellakusarqayku y Fidelowan, Primawan rerqayku wawasniywan ima. Entonces chaypi allin riwarqayku tukuy imapi. Killamanta chayamporqayku kay llajtaykuman. Manchay k'achitu templo Sao Paolopi. Tukuy hermanaspis k'achas kanku, hermanasninchis chay llajtapipis. Buenas kanku. Tukuy imapi ayudawarqayku askhata chay hermanasninchis.

Astawan hermanos, saludamuykichis Hermanos Meier, Cavender, Eduardos, Roni, Rosenvall, Gregorio, Pino, Esloan, Muchhu, Larkin. Saludamullanitaj kay Hermano Muchhoj familianman: tatanman, mamanman, hermanasninman. Manchay kusisqas tarikuyku kay Hermano Muchhuwan kaypi visitawasqaykumanta. Hermanos astawan, saludamuni tukuy hermanosman, chaypi kajkunaman.

Agradeceyku astawan kay primero misioneros karqanku Cavender, Eduardos, Meier. Paykunata astawan agradeceyku. Meier bautizawarqayku tukuy familiasniykutawan. Astawan tukuy familiasnin qosáy familianmanta tukuyninku bautizasqas kanku, pero noqaj familiasniy mana bautizasqasrajchu kanku, pero mana uyaríy munankuchu. Chaymanta phutisqa kani. Tal vez pero qhepanman bautizakonqanku allinmanta, Diosmanta ima yanapasajku mañakuspa. Astawan ayudamuawayku Diosmanta mañampuwayku astawan allinta kawsanaykupaj. Allin kayku tukuyniyku. Kay Iglesiapi bautizakusqaykumantapacha allin tukuy imapi riwayku. Ni ima desgracia noqaykupi kanchu.

Chayllata parlamuykichis Señor Jesucristoj sutimpi. Amén.

03/09/2000