Click here to listen to Andrés.

Ñoqa parlamusqaykichis kay Betanzosmantapacha. Ñoqataj kusikullanitaj kay Betanzosman jamusqaykichismanta kay misioneros. Jinallataj ñoqapis manchayta kusikuni kay Iglesiapi kasqaykumanta. Ñoqapis feliz tukuy familia kaj kani. Ñoqapis kunitan kay horaspacha ñoqa kasani feliz y ñoqataj mana ni desgracia ni ima mal pasawasanchu. Y munallanitaj qankuna kusisqa kanaykichista chay llajtapi. Ñoqa munani jamunaykichista Betanzosman.

Kay Hermano Muchopis jamorqa Betanzosman visitaj. Paypis feliz kasan kay Betanzospi. Pay jamonqa nin kay martesta y chayamonqa domingota nin. Ñoqa munani jamunaykichista qankuna.

Ñoqa saludosta apachimuykichis kaymampacha tukuy misionerosman: Davidman, Adkinsman, Eduardosman, Meierman, Cavenderman, pero qonqapusaniña sutisninkuta chay wakin misionerosmanta. Mana importanchu pero.

Munani siguinaykichista kay Iglesiata, Diospaj ñanninta siguinanchispaj reino celestialpi tukuy familia, tukuy miembros tiyakunanchista ñoqa munani. Y tukuy parlamonqanku kay Iglesiamanta rama Betanzosmanta y ñoqa apachimusqaykichis cartata kay Hermano Muchoman, jampojtimpis. Mañampuykichis Diosmanta sanos chayampunampaj kay Hermano Mucho.

Parlasani Muñoz Llanos, Andrés. Rejsiwankichis qankuna y ñoqapis rejsillaykichistaj. Ama qonqawaychischu ñoqata y ñoqapis mana qonqasaykichischu ni jayk'aj. Hermano Presidentepis, Hermano Paulino Muñoz, paypis consejerosnintin feliz kasan kay Iglesiapi.

Y kaypitaj uyarichimusqaykichis testimonioyta imaynachus sonqoy kasan kunitan. Ñoqapis yachallanitaj kay cheqa Iglesia kasqanta, y tukuy miembros kusisqa kasqanta kay Iglesiapi. Jinamanta yapakusanku askha miembroswan. Kay tukuyta niykichis Señor Jesucristoj sutimpi. Amén. Chao. Hasta luego.

Hermanos, ñoqa Andrés Muñoz parlarimusqaykichis uj chhikitanta. Ñoqa kunitan kasani quince añosniyoj. Chayllata nimuykichis. Chao. Hasta luego.

03/09/2000