Alla tana l-grazzja li nibdew dan ix-xahar   ta’ Diċembru li fih niċċelebraw il-festa tal-Milied.    Ninsabu  fi   żmien  sabiħ iżda mpenjattiv ħafna u jista’ jtellfilna mis-sens nisrani tiegħu.

Ilkoll nifirħu bit-twelid ta’ tarbija u lkoll nagħtu ċerta mportanza lill-birthdays.   Il-Milied huwa mportanti ħafna għalina għaliex Alla niżel fostna billi tana lil Ibnu l-waħdieni.    Kemm  hi  kbira  din  il-ħaġa!   Kemm hu sabiħ il-Milied!   Il-kobor tiegħu jiżdied daqskemm jirnexxilek iżżommu sempliċi, mingħajr komplikazzjonijiet u tensjonijiet żejda.

Ejjew insibu l-ħin għaċ-ċelebrazzjonijiet liturġiċi u okkażjonijiet ta’ natura nisranija!   Ejjew napprezzaw il-preżenza ta’ Ġesù f’kull tarbija li titwieled!   Ejjew ninżlu għarkubtejna quddiem il-preżenza ta’ Ġesù fl-Ewkaristija!

Minn   qalbi    nixtieqilkom    Milied     Sabiħ    u    Sena  Tajba  mimlija  paċi  fil-qlub  tagħkom  ilkoll.

------ o ------

Il-Kappillan Dun Noel Vassallo u l-Kleru

flimkien mal-Bord Editorjali ta’ IS-SALTNA

u

il-Kunsill Pastorali Parrokkjali,

jawguraw MILIED QADDIS u ĦIENI

u SENA ĠDIDA MIMLIJA RISQ u  BARKA

lill-familji  kollha ta’ Raħal Ġdid