Is-sliem għalik Marija!

X'tislima ħelwa din,  

Minn qalbna ngħiduhielek

Matul il-jum, kull ħin. 

Int omm mill-iżjed safja,

Bħal ġilju tal-widien,  

Inti tfewwaħ bħal warda,

U  tgħaxxaq kullimkien. 

Int xebba u omm Alla,

Min jista' jifhmu dan?

Int l-isbaħ fost il-ħlejjaq

Li ħarġu mis-Setgħan.     

Int ommna u wisq tħobbna,

Tridilna l-ġid u l-ferħ

Jekk aħna insejħulek

Tismaghna, 'ttina s-serħ

Int tqisna bħal uliedek,

Bħal ommna inħobbuk,

Fil-hemm li aħna nġarrbu

Ismagħna, nitolbuk.

 Lil Alla wisq għoġobtu,

Qatt lilu m'għidtlu le,

Għinna ħa nagħmlu bħalek:

Ta' qalbna nżommuh Re.

AVE! nerġgħu ngħidulek,

Hekk qal l-anġlu ħabbar

Met' huwa ġie jżurek,

Fil-ġabra minn tad-dar.

Matul ix-xhur ta' Settembru u ta' Ottubru niċċelebraw il-festi tat-Twelid ta' Ommna Sidtna Maria u dik tal-Madonna tar-Rużarju. Għaldaqstant ħassejna li jkun xieraq li f'din il-ħarġa tal-fuljett, għal dawn ix-xhur, insellmu lil Marija, Omm li tant tħobbna, bil-poeżija li s-Sinjura Violet Cassar kitbet apposta għal din l-okkażjoni.

Matul ix-xahar ta' Ottubru ejjew ma nonqsux li ngħidu r-Rużarju kuljum bl-akbar devozzjoni...