Kemm hija ħafifa biex tgħidha u kemm huwa diffiċli biex tagħmel jew tgħix din il-kelma.   F’dinja mgħaġġla, fejn kulħadd jinsab f’ġirja waħda biex ikun minn ta quddiem, mhux faċli li naċċettaw ir-rejaltà li ngħixu flimkien.

Biex ngħixu flimkien ifisser li kull bniedem irid ineħħi l-egoiżmu tiegħu u jaħseb f'ħaddieħor;  

Li nkunu flimkien ifisser li nistennew lil xulxin fejn ta' quddiem jieqaf jew jgħin lil dawk li qegħdin lura;

Li nkunu flimkien ifisser ukoll li min qiegħed lura jagħmel l-isforzi tiegħu biex ilaħħaq ma' dawk li qegħdin qablu;

Li nkunu flimkien ifisser li kulħadd iċedi biċċa, li nidraw naħdmu flimkien, li dak li nagħmlu jitwettaq b' direzzjoni waħda u b'rieda waħda;

Li nkunu flimkien ifisser li naċċettaw li nibqgħu lura u inċedu l-pjanijiet tagħna jew ir-riżultati li stajna  akkwistajna biex ħaddieħor ikun daqsna u bħalna.

Ħafna aktar ħafif li taqta' għal rasek, iżda dan mhuwiex il-valur tal-Vanġelu; il-valur evanġeliku huwa li nkunu flimkien.

------ o ------

Il-Kappillan Dun Noel Vassallo flimkien mal-kleru, il-Kunsill Pastorali Parrokkjali u l-Kumitat tal-Festa Kristu Re jirringrazzjaw lir-residenti kollha ta’ Raħal Ġdid għall-Partiċipazzjoni tagħhom b'mod tant dinjituż matul il-ġranet tal-festa Titulari f'ġieħ KRISTU RE.