Ħarist lejk u nissilt fija              

Qima kbira u rispett,                

Ħassejt qalbi tfur bl-imħabba,  

Kull ħaġ'ohra minni bgħedt.      

Wieqaf hemm, bil-libsa bajda   

Illi tixhed verità,                         

Ħarstek serja, kollha ħniena,   

Din mhix ħolma, realtà.

B'idek waħda issejħilna,            

Bl-oħra tgħaqqad mal-Missier,   

F'għajnejk ħarsa ta' mogħdrija   

Għal min f'qalbu għadu fqir.

O! Sultan! Aħkem  lil qlubna,

Tħallix firda, għelt u ġlied,

F'dil-parroċċa tant għal qalbek,

Żommna tiegħek il-ulied.

U madwar it-tempju tiegħek

Iġbor lilna lkoll flimkien,

Tina l-forza, s-saħħa, l-għaqda,

Xerred grazzji kullimkien.

Meta ddur mat-toroq tagħna,

Ixħet fostna sliem u ġid,

Ħalli nibqgħu nagħtuk qima,

Aħna n-nies ta' Raħal Ġdid! 

Festa ta' Kristu Re 2004

NAWGURA  FESTA  TA'  FERĦ  U  GĦAQDA

LILL-POPLU  KOLLU  TA'  RAĦAL  GDID.