Fr Joe Alessandro twieled f”Raħal Ġdid fl-1944. Hu ħa l-edukazzjoni primarja tiegħu fl-iskola primarja tal-gvern ta' Raħal Ġdid u dik sekondarja fil-Lyceum tal-Ħamrun.  Fl-1961 daħal mal-Patrijiet Franġiskani Kapuċċini.

L-istudju tal-filosofija u tat-teoloġija għamilhom fi ħdan il-Provinċja Kapuċċina Maltija, fl-INSERM u fis-Seminarju Djoċesan ta' Trento fl-Italja fejn ġie ordnat l-ewwel Djaknu  mbagħad saċerdot fl-1970.

Fr. Alessandro kompla l-istudji tiegħu f'Ruma, fejn ħa l-Liċenzja fit-teoloġija morali fl-1974 mill-Akkademja Alfonsjana. Matul dan iż-żmien iffrekwenta kors u ħa d-Diploma fil-Pastoral Pyschological Counselling.

Lura f'Malta ta s-sehem tiegħu fl-INSERM, bħala Lecturer fit-teoloġija morali. Fl-1977 intagħżel Viċi-Rettur ta' l-INSERM, post li okkupa għal erba' snin.

Fl-1983 ġie elett għall-ewwel darba bħala rettur ta' l-INSERM fl-1986 ġie kkonfermat għal sentejn oħra u nominat l-ewwel president tal-Council of Formators in Consecrated Life.   F'dawn is-snin kien ukoll Vigarju Provinċjal tal-Kapuċċini f'Malta.  

Fl-1989 ħalla Malta biex imur jaħdem fil-missjoni tal-Kapuċċini Maltin fil-Kenja fl-Afrika. Fl-1900 ġie magħżul Kunsillier tal-Kustodja tal-Kenja u fl1993 nħatar Superjur Regolari ta' l-istess Kustodja.   Wara sena jokkupa dan il-post ta' Superjur kellu jirritorna lura Malta għall-kura wara inċident li kellu fil-Kenja fejn sparaw fuqu.

Fl-1995 ntagħżel Vigarju Provinċjali tal-Provinċja Kapuċċina ta' Malta.  F'Ġunju tal-1996 reġa' ntagħżel rettur ta' l-INSERM.    Fid-19 ta' Mejju 2004 ġie elett Provinċjal tal-Kapuċċini f'Malta.