|
Faċli
jiġri li meta wieħed jagħmel din il-mistoqsija lin-nies
differenti, isib risposti differenti ġejjin mill-interess ta'
l-individwu. Tixtieq li kieku tikkuntenta lil
kulħadd, iżda jekk
ġo familja ta' tlieta min-nies huwa diffiċli biex tagħmel
dan, kif jista' jkun li wieħed jikkuntenta lil kull parruċċan bil-gosti
differenti tiegħu. Minn naħa l-oħra wieħed irid iżomm
quddiem għajnejh li l-għan ewlieni ta' festa nisranija huwa li
naraw lil Ġesù Sultan u Padrun tal-parroċċa tagħna kuntent
b'dak li jkun
għaddej fil-parroċċa
tagħna f'dawn il-ġranet.
Festa sabieħa
tfisser Ġesù kuntent u ferħan fil-qlub ferħana tal-poplu tagħna. Trid li jkollna festa sabieħa?...
Mur aħdem għall-għaqda fost il-Pawlisti… Mur ressaq lejn
xulxin partitarji ta' gruppi differenti... Għid kelma tajba biex
il-membri tal-familja tiegħek jersqu għat-talb f'dawn il-ġranet…
Mur idħol qalb in-nies u tħallihomx jixorbu iżjed milli
jifilħu… Kun sod/a meta ssib lilek ittentat/a minn
xi ħadd tas-sess
oppost; tkunx ta'
skandlu bi kliemek, ilbiesek jew bl-imġieba tiegħek!
Dawn huma
l-essenzi li jagħmlu festa li tferraħ kemm lil Mulej Ġesù
kif ukoll li dawk ta' madwarek.
Minn qalbi nawguralkom festa
qaddisa!
|