Għaddejjin minn dan iż-żmien hekk importanti tat-Tberik tal-Familji li ħafna qiegħdin jieħduh bħala  mpenn  ta’ laqgħat personali ma’ Saċerdot.  Forsi din hija l-unika opportunità li membri tal-familji qed ikollhom li jagħmlu dan.   F’isem il-komunità parrokkjali nirringrazzjaw lis-Saċerdoti li qed iżuruna f’darna u ta’ l-interess li qiegħdin juru fil-problemi u d-diffikultajiet li jgħaddu minnhon xi familji.  Grazzi wkoll lil Patri Gwardjan Fr Effie Mallia OFM Cap. ta’ l-għajnuna siewja li qed jagħti anke f’din il-ħidma.

Kull min ikollu diffikultajiet dwar it-tberik hu mitlub li jikkuntatja l-Uffiċċju Parrokkjali ħalli jkunu jistgħu jsiru l-arranġamenti meħtieġa.