PROĠETT  PARROKKJALI

"Fi  Ħsiebi"

Wieħed mill-miri u l-objettivi tal-Pjan Pastorali għal din is-sena 2004 huwa t-twaqqif tal-proġett  “FI ĦSIEBI”, proġett li l-għan tiegħu huwa li l-parroċċa tkun tinħass aktar bħala komunità nisranija li flimkien qed tgħix il-ħajja tal-Vanġelu.

Fil-ftit informazzjoni mogħtija fil-ħarġa ta' IS-SALTNA li għaddiet, il-parroċċa ġiet maqsuma f’sitt żoni li fihom kważi l-istess numru ta’ familji u li minnhom ġew magħżula numru ta’ nies li jridu jiġu ffurmati dwar il-kompetenza tagħhom f’dan il-lokal.   Iż-żoni ġew imfassla ġeografikament, bejn wieħed u ieħor hekk:

L-EWWEL  ŻONA

tkopri bejn Triq Ħal-Luqa u Triq Palma;

IT-TIENI  ŻONA

dik bejn Triq Palma, Pjazza Antoine de Paule u Triq Valletta;

IT-TIELET  ŻONA

tkopri bejn Triq Ħal-Luqa u Triq Ġuzè D’Amato;

IR-RABA'  ŻONA

hija dik li tibda mill-area ta’ Għajn Dwieli u tasal sa parti minn Triq Bormla, Triq San Ġorġ u tasal sa Triq San Mikiel;

IL-ĦAMES  ŻONA

tibda minn Triq il-Knisja u tasal sa parti minn Triq Bormla u tibqa tiela sa Triq is-Sorijiet;

IS-SITT  ŻONA

tibda minn Triq is-Sorijiet, parti kbira minn Triq Ħaż-Żabbar u tasal sa Triq San Mikiel.

Matul il-ġimgħat li ġejjin se jsiru laqgħat ta’ taħriġ

għan-nies magħżula li 'l quddiem nippublikaw ukoll l-ismijiet tagħhom

u l-missjoni tagħhom f’dan il-proġett.