IL-MILIED  -  MISTERU  TA'  FERH

Fr Tito Sammut

Fil-Kappella Sistina fil-Vatikan insibu l-pittura famuza ta’ Mikelangelo dwar il-holqien tal-bniedem.   Naraw lil Alla jmiss is-saba’  ta’ Adam.   B’dan il-gest Alla ried ifisser li lill-bniedem kien se jaghtih intelligenza specjali biex jaghraf imexxi d-dinja.    Izda l-bniedem  ried li jkollu  l-poteri  divini kollha.   Minflok spicca biex tkecca mill-Eden.   Tilef kollox, barra l-intelligenza u l-liberta’.   Izda Alla gietu hniena mill-bniedem u offrilu opportunita’ ohra bil-weghda li se jibghat lil Ibnu stess li kellu jitwieled minn Mara bil-qawwa ta’ l-Ispirtu Santu.

Meta Alla sar bniedem bhalna d-dinja nbidlet.   Ix-xjenza mxiet tant il-quddiem li llum xi xjenzati jahsbu li jistghu jaghmlu dak li ghamel Alla.   Izda minkejja l-progress xjentifiku, IL-MILIED ghadu festa ccelebrata mad-dinja kollha.   It-thejjija tibda minn xhur qabel.   Bliet, irhula u pajjizi shah jibdew jarmaw it-tizjin tad-dwal fit-toroq u fid-djar.   In-nies tibda tahseb ghar-rigali, ghall-ikel specjali u ma’ min se jqattghu l-Milied.   It-tfal fil-lejla ta’ qabel il-Milied issibhom iharsu herqana lejn is-sema ifittxu lil “Santa Claus”  fuq il-karozella migbuda mic-criev qalb is-shab.

Dawn il-preparazzjonijiet ma tantx ghandhom x’jaqsmu ma’ dak li gara meta Gesu’ Kristu sar bniedem.   Lanqas il-presepji, sbieh kemm huma sbieh, ma juruna l-verita’.   Elfejn sena ilu, Marija u Guzeppi ma setghux isibu kamra biex binhom jitwieled f’post dicenti.   Spiccaw, kif wara kollox ried Alla nnifsu, f’ghar imwarrab, post ta’ mistrieh u kenn ghall-annimali.  U anke llum fil-bini kbir tan-Nazzjonijiet Maqghuda, Kristu ghadhu ma jistax isib kamra dicenti.   Kliem fierah hemm hafna, izda fir-rejalta’ nitkellmu favur l-Abort u fuq il-kontrol tat-twelid li juru  li m’ghadx hemm post ghat-tfal.  

Il-Milied hu l-misteru tal-ferh.    Izda d-dinja ma tantx ghandha biex tifrah.    Matul is-seklu li ghadda u dak li ghadna kemm bdejna ma nisimghux hlief fuq gwerrer u qtil ta’ nies innocenti.   Il-vjolenza u n-nuqqas ta’ tolleranza kibru bla razan.   Kemm trabi qed jigu maqtula f’guf ommhom?   Kemm nies, l-aktar zghazagh qed jinqerdu bid-drogi?  Kemm familji qed jigu rvinati minhabba d-divorzju?      

Ghaliex il-bniedem sar jippreferi l-kultura tal-mewt milli tal-hajja?   Il-hajja tal-bniedem saret ma’ tiswa xejn.   Il-bnedmin insew li kull persuna fid-dinja hija dixxendenti ta’ Adam u Eva.   Gesu’, li ghandu l-istess dixxendenza, sar bniedem biex jghallimna nimxu fid-dawl.   Ahna qed naghzlu li nimxu fid-dlam.   U min jimxi fid-dlam ma jkunx jista’ jara d-dawl tal-verita’.

Il-Milied hu l-unika gurnata li jitfa’ ragg ta’ tama fuq id-dinja.   Gurnata li fiha ninsew in-niket ta’ l-imghoddi biex ghal ftit sieghat nifirhu mal-familja u ma’ kull ma’ min niltaqghu bil-messagg sabih “Il-Milied it-tajjeb, lilek u lill-proxxmu kollu”.

Kieku llum kellna naraw il-Milied bl-ghajnejn ta’ Marija, naraw krejazzjoni gdida, dinja sabiha li Alla taghna biex nghozzu u niehdu hsieb.   Alla tant habbna li  ta lid-dinja l-uniku Iben Divin tieghu.   U dan l-Iben Divin, Gesu’, tana kmandament biex inhobbu lil xulxin ghax l-imhabba tigi minn Alla.   Dik l-imhabba divina biss tista ggib il-paci fil-familji, il-paci fost il-pajjizi, il-paci fl-ibliet u l-irhula, il-paci fil-Knisja u l-paci f’art twelidna.