KUMMENTI    U   TRUFIJIET

Tghid jista’ jkun?

Ftit aktar minn xahar ilu kellna l-festa parrokkjali u hadt gost nerga’ nara t-toroq armati flimkien ma’ affarijiet godda li rajna fl-armar.   Hadt gost li nara attivita’ gdida fuq iz-zuntier li kienet xi haga rilassanti, familjari u mibnija fuq talent lokali; inhoss li kien sforz ta’ min ikompli jibni fuqu.   Ma’ l-ewwel daqqa t’ghajn jidher li n-nies hadu gost u bdew jaraw li l-festa regghet giet kwazi ghan-normal bhal ma kienet issir qabel bid-differenza li issa hawn il-vara titulari.

Jiena nhobbha hafna l-festa u ma nixtieqx li nghaddu minn xi esperjenza kerha ghaliex ghadni ferm imwegga’.   Ghandi xewqa kbira li l-festa ghandha mhux tikber izda titjieb. Ikollna nammettu li baqalna problemi biex il-festa tkun dik li ghandha tkun, jigifieri festa ta’ celebrazzjoni flimkien ta’ tifhir lil Gesu’ bhala l-Patrun tal-parrocca taghna.   Baqa’ hafna elementi ta’ egoizmu, kemm fl-attendenza tal-festi liturgici u  anki f’dawk ta’ barra.   Is-sbuhija tal-festi taghna ma tigix ikkalkulata mill-ammont ta’ nar jew marci jew armar jew storbju u ghajjat, izda mill-ambjent ta’ paci u ferh mibni fuq solidarjeta’, apprezzament (tgawdija)  ta’ dak kollu li jkun organizzat.  

Issa ghandna xhur quddiemna li fihom jenhtieg li nitolbu biex kull min hu responsabbli fir-rahal u fil-parrocca jkompli jimxi b’ghaqal kbir halli jinstabu s-soluzzjonijiet ghal certi problemi u diffikultajiet li qeghdin itellfu mis-sbuhija tal-festa u l-integrita’ tal-parrocca taghna.