PAOLA  YOUTH  CENTRE

 1958-2003

45 sena hidma fost iz-Zghazagh ta’ Rahal Gdid

M.P.

Il-Paola Youth Centre gie inawgurat nhar it-28 ta’ Settembru 1958 mill-E.T. Mons Arcisqof Mikiel Gonzi, ghal guvintur li ma kienu fl-ebda Ghaqda biex jghinhom jiksbu formazzjoni nisranija soda filwaqt li jipprovdilhom post ghal rikrejazzjoni onesta.   Dan seta’ jsir grazzi ghal-hidma, dedikazzjoni u vizjoni tal-habrieki Dun Guzepp Caruana.

Ghalkemm mat-twaqqif  tieghu l-Youth Centre kien jilqa’ fih guvintur biss ma damx wisq li fetah il-bibien tieghu ghat-tfajliet u aktar tard ghal dawk it-tfal, subien u bniet, li kienu ghamlu l-Grizma.

Fl-1962 infethet is-Sezzjoni tax-Xebbiet u b’hekk il-Youth Centre seta’ jilqa’ fih kemm guvintur kif ukoll tfajliet.

Fil-15 ta’ Dicembru 1963 tpoggiet statwa tal-Madonna fuq il-bejt tal-post tax-xebbiet u d-dar issemmiet ‘DAR IL-MADONNA’. Fis-sena 1974 inbena s-sular ta’ fuq tal-post tal-guvintur. Fl-1983 bhala tifkira  tal-25 Anniversarju tac-Centru nfetah il-Catholic Book Centre. Fis-17 ta’ Marzu 1992 'Dar il-Madonna' u l-Book Shop inqerdu ghal kollox wara spluzzjoni u nirien kbar.   Illum  inbnew mill-gdid u qed ihallu hafna gid.     

Minn mindu twaqqaf, il-Youth Centre kellu hafna  benefatturi minn Malta u  Ghawdex.  Zaruh bosta personalitajiet distinti kemm Maltin kif ukoll barranin.   Fost dawn insibu Presidenti ta’ Malta, il-Kardinali Slypy, Beran, Lercaro u O’Fiaich, l-Isqfijiet Gonzi, Galea, Gerada Mercieca, Fiordelli u Sabbatani kif ukoll il-Gvernatur   Sir Maurice Dorman u Lady Dorman

Il-Youth Centre ta l-opportunita’ liz-zghazagh Pawlisti biex jattendu  laqghat ta’ formazzjoni religjuza, Quddiesa  kull nhar ta’ Hadd u fl-ewwel Gimgha tax-xahar u anki rtiri. L-attivitajiet socjali, edukattivi u rikrejattivi ma naqsux u mill-bidu nett kienu jsiru hikes, indoor games, get-togethers, week-ends f’San Pawl il-Bahar fix-xhur tas-Sajf.  Fil-granet tal-Milied dejjem kien hemm attivita’ kbira biex jigu organizzati parties ghat-tfal ta’ Rahal Gdid, ghall-Anzjani u ghall-persuni bi bzonnijiet specjali. Il-Karru ta’ Father Christmas jqassam ir-rigali lit-tfal ta’ Rahal Gdid u ta’ rhula ohra jew dak tal-Presepju Haj kien ferm mistenni.

F’Jannar 2001 sar tibdil fil-mod ta’ tmexxija tal-Youth Centre. Il-Kumitat  b’konsultazzjoni mal-leaders taz-Zghazagh Azzjoni Kattolika (Z.A.K.) hejjew pjan ta’ aggornament biex il-hidma tac-Centru tkun aktar effettiva skond il-htigijiet taz-zghazagh tal-llum.

Illum hemm tliet gruppi ta’ etajiet.  Tnejn minn dawn (11-12; 13-14) jiltaqghu kull nhar ta’ Gimgha fis-7.00pm.  Il-grupp ta’ fuq il-15-il sena jiltaqa' nhar ta’ Gimgha fit-8.00pm.