IMHABBA  U  QLUBIJA

Guze' Chetcuti

Kull meta jfigg it-Tmienja ta’ Settembru,

Mghobbi bi grajjiet kbar ta’ rebh u sliem,

Malta mahbuba, nara kemm hi safja

L-imhabba li rnexxielek ‘il quddiem.

Nara ‘l uliedek fuq l-imrammi mfarrka,

B’dirghajhom shah, bix-xwabel mislutin,

Isejhu ismek, u mas-sejha jisbel

U jbaqbaq demmhom – demmhom ta’ Maltin.

Tibda t-tislita: mewga wara mewga

Jaslu l-eghdewwa jaqghu taht in-nar,

Ma’ l-art jitbewwes in-Nofs Qamar kburi

Mghaffeg fit-trab u mormi taht is-swar.

Malta  rebhet.   Imma ghadu ehrex,

Aktar qalil f’ghamilu, deher maz-zmien:

Mill-oghla sema zera’ mewt u herba,

U halla wrajh tigrif, qerda u nirien.

Izda l-imhabba tal-Maltin qalbiena,

Li bkew, li ndarbu, li batew, li mietu,

Baqghet tisfida l-ghadab u l-hruxija,

U ‘l-ghadu, mkasbar u tellief, keccietu.

Kull meta jfigg it-Tmienja ta’ Settembru,

Bid-dawl tar-rebh li jxerrdu z-zminijiet,

Malta mahbuba, bil-jedd kollu nhossni

Imkabbar b’dan il-jum ta’ tifkiriet.