IL-FESTA  GHADDIET

 Raymond Vella Gregory

Supretendent - III Distrett

L-ghada tal-festa mhux kulhadd jghaddieh l-istess.  Hawn min imur ix-xalata, min joqghod izarma u min jiehdu bhala jum ta’ mistrieh. Pero’ ghal kull min  ghandu  anke l-icken sehem fl-organizazzjoni tal-festa dan huwa jum ta’ riflessjoni.

Ghal kull min hu responsabbli, meta tghaddi l-festa jirringrazzja l’Alla li kollox ghadda b’wicc il-gid.   Pero’ xorta jibqa l-fatt li ssir riflessjoni kemm fuq dak li gara, jew kellu jigri u ma garax u fuq kollox, kif nistghu mmorru ahjar fil-festa jew festi futuri.   U nistieden lil kull wiehed u wahda minna, b’mod specjali lil dawk li ghandhom sehem dirett fl-organizazzjoni tal-festa, biex bis-sincerita’ kollha jahseb fuq dawn il-punti li gejjin u filwaqt li jfittex il-verita’, isib is-soluzzjoni biex l-affarijiet imorru ahjar.

·          Kollox mar kif xtaqt jew kif kien ippjanat?

·          Ghamilt xi haga li ma kellix nghamilha jew m’ghamiltx dak li suppost kelli naghmel?

·          Ghemili u kliemi kienu dawk mistennija minni bhala nisrani u cittadin tajjeb?

·          Wara li ngharbel sewwa r-responsabilita’ li ghandi, erfajt il-piz li kelli nerfa’ u ghas-snin li gejjin kif se nuza din ir-responsabilita’?

Jien, f’isem shabi tal-Korp nixtieq nirringrazzja lir-Rev. Kappillan u l-Kleru, lill-Kumitat tal-Festa, l-Kumitati kollha ta’ l-Ghaqdiet u lil kull min ta sehemu fil-festa ghall-koperazzjoni li wrew maghna matul il-granet tal-Festa.   Grazzi minn qalbi u j’Alla din il-koperazzjoni mhux biss tibqa’ fil-jiem tal-festa izda tkompli tikber dejjem matul il-granet kollha tas-snin futuri.