XI  TIFKIRIET

Mons. Dun Gorg Deguara

Sa mindu bdejt nifhem xi haga, l-festa dejjem kienet ghalija zmien sabih u  eccitanti.   Forsi ghaliex twelidt f’familja fejn iz-zewg huti subien Joe u Johnny u xi whud minn huti l-bniet, l-aktar Rosy, ta’ qabli, kienu jahsbu minn zmien qabel biex jarmaw it-triq taghna bi stil ta’ pavaljuni li ma ghadek tara bhalhom imkien.

Ma kienux pavaljuni tad-drapp; anqas ma kienu pavaljuni tad-dawl.   Kienu pavaljuni maghmulin minn strixxi ta’ l-injam li kienu jinksew bil-karti, xi disinji tal-fjuri tal-landa u bil-bozoz imdawrin mal-karti.   Il-karti konna ngibuhom minghand tal-Lottu.   Dak iz-zmien dawn kienu jkunu strixxi ta’ xi hmistax il-pulzier (38 centimetru) u kienu jkunu f’kuluri differenti, skond kemm kien iqum il-biljett.   Dawn il-kuluri (bojod, sofor, pistacca jew roza skur) kienu jaghtu l-opportunita’ biex il-pavaljun ikollu disinn li jolqot l-ghajn.

Id-disinn  kien  joholqu  hatni,  Anthony  (Noni)  Chetcuti,  li  kien joqghod bieb ma’ bieb maghna.   Kien jibdel id-disinn kull sena.   Huti s-subien kienu jiehdu hsieb iqattghu l-istrixxi ta’ l-injam, jaghmlu l-fjuri tal-landa u jaraw kif idawwruh bil-bozzoz.   Jiena u huti l-ohra konna nqattghu l-karti, naghmluhom   cfuf u ndommuhom f’liedna biex imbaghad indawruha ma’ l-injam. Qieghed nitkellem fuq is-snin madwar l-1952 meta l-festa kienet ghadha ssir f’Ottubru u min jaf kemm il-darba konna, filli narmaw barra u filli nidhlu nigru gewwa ghax tibda niezla x-xita bil-qliel.

Barra minn naha ta’ fuq tal-pjazza, li kien jiehu hsieb li tintrama bl-arbli u bil-bandalori s-Sur Celest Carabott,  Church Avenue, kienet l-unika triq fil-parrocca li kienet tintrama bil-pavaljuni (xi sitta b’kollox) li fuqhom tkellimna.   Dan l-istil ta’ Pavaljuni ma damx wisq ghax f’nofs is-snin hamsin hatni Noni Chetcuti, ghamel disinn ta’ pavaljuni tad-drapp li  kellhom jiehdu post dawk ta’ l-injam.   Dawn kienu l-ewwel pavaljuni li saru fil-parrocca taghna u ftit wara zdiedu erba’ pavaljuni ohra mal-genb tal-bandli.   Dawn baqghu jjintuzaw ghal madwar tletin sena.

Bhal ma ghadu sa llum, il-marc tal-Gimgha kien ikun il-qofol tal-festi esterni u l-gost taghna kien ikun inqattghu l-karti f’bicciet zghar (konna nghidulhom sunetti) u nhollu bhal zigarella twila tal-karti li kienet tinhall minn fuq roll mill-bejt  ghal fuq il-marc.

Hija Joe ghallimni haga mportanti hafna.   Qatt ma kien jghaddi minn rasu li jaghti sehem fil-festi ta’ barra minghajr ma jidhol ukoll b’ruhu u b’gismu fil-festi ta’ gewwa.   Ghalih, kif baqghet ukoll ghalija, ma jistax ikollok il-festi ta’ barra jekk mhumiex espressjoni u kontinwazzjoni tal-festi ta’ gewwa.   U dan hu l-punt li nixtieq inwassal illum.   Il-festi ta’ barra huma sbieh u mportanti.   Ghalihom hdimt bis-shih tul hajti kollha.   Imma ejja nibqghu niftakru li dawn iridu jkunu espressjoni ta’ mhabba sinciera u dejjiema lejn Gesu’ Sultan taghna li jjrid jigborna u jmexxina flimkien bhala l-familja ta’ Alla li tghix f’Rahal Gdid.