RAHAL  GDID  75 SENA  ILU...

L-ewwel quddiesa fil-Knisja l-Gdida

Alfred Ellul Galea

Il-gurnata tal-Hadd, 15 ta’ Lulju ta 75 sena ilu hi wahda fost id-dati mportanti fl-istorja religjuza ta’ Rahal Gdid.   Dak inhar fost il-ferh tal-Kleru u tal-Pawlisti, li fl-1928 kienu jghoddu mas-sitt elef, giet celebrata b’devozzjoni kbira l-ewwel quddiesa fil-knisja l-gdida li kienet  qed tinbena.   Knisja li kienet ghadha minghajr saqaf u l-art kienet kollha gebel u terrapien.

Ic-celebrazzjoni tal-quddiesa saret fuq artal ftit passi boghod minn fejn kien tqieghed is-salib kbir ta’ l-injam fuq pedestal hames snin qabel li kien ta bidu ghall-bini tat-tempju majestuz u li kellu jiehu post il-knisja parrokkjali qadima ta’ Santa Ubaldeska.   Qaddes il-Kappillan ta’ San Pawl (Rabat) li kien l-amministratur tal-parrocca ta’ Casal Paula, DUN NERIK BONNICI D.D., assistit mill-kleru tal-parrocca.  Il-funzjoni bdiet bl-innu NOI VOGLIAM DIO.   F’diskors imqanqal li ghamel Dun Nerik stqarr li  “…kulhadd ghandu jkun qalb wahda halli bil-koperazzjoni ta’ kulhadd inkunu nistghu nbiddlu dan is-saqaf kahlani hekk sabih ghax immanifatturat mill-idejn tal-Krejatur, inbiddluh f’saqaf denn ghall-abitazzjoni ta’ Kristu Sidna ghax Alla aktar jiehu gost bl-opri tal-bniedem maghmula bis-sagrificcji halli taghhom jaghtina l-premju li Hu pprepara fil-glorja celesti.”

Minbarra l-poplu Pawlist, ghal din l-okkazjoni specjali kien hemm prezenti wkoll il-Baruni P.P.Testaferrata Moroni Viani u l-familja tieghu, kif ukoll il-Perit Guze’ D’Amato.   Fuq l-artal intrama bhal baldakkin maghmul mid-drapp u l-weraq tar-rand, filwaqt li fuq quddiem, fuq kull naha tqieghdu zewg angli.   L-iskawts tal-lokal skjeraw fuq kull naha quddiem l-artal izommu xemghat twal f’idejhom filwaqt li ghal din il-grajja mportanti n-nies ta’ Rahal Gdid xiddew l-ahjar ilbies.

Wara li nghatat il-Barka Sagramentali, is-Sagrament ittiehed processjonalment ghall-parrocca l-qadima ta’ Santa Ubaldeska bil-poplu Pawlist gharkobbtejh minn kull fejn ghadda s-Sinjur.

Izda  din l-okkazjoni ta’ ferh kienet qatra f’ocean ghall-grajjiet xejn sbieh li sehhew hamsa u sebghin sena ilu.   Fil-fatt is-sena 1928 bdiet fuq nota ta’ dieqa meta fil-25 ta’ Jannar miet il-Kappillan Dun Salv Chircop li serva bhala l-ewwel u r-raba’ kappillan tal-parrocca (Ottubru 1910 – Marzu 1914 u Marzu 1922 – Jannar 1928).   Mill-banda l-ohra l-bini tal-knisja parrokkjali gdida kien ilu wieqaf ghal sentejn shah wara li fil-bidu tas-sena 1926 inqala’ tweghir bejn il-Kumitat inkarigat minn dan il-progett u l-Perit Guze D’Amato.   L-inkwiet issokta jikber meta sahansitra kien hemm min iddubita fil-kapacitajiet arkitettonici ta’ D’amato ghax kienu tal-fehma li l-kolonni tal-ferro-konkrit ma kienux jifilhu knisja ta’ dak il-kobor enormi.

Izda l-ghazla ta’ Dun Nerik Bonnici (li kien serva bhala kappillan f’din il-parrocca bejn Settembru 1917 u Dicembru 1921) bhala Amministratur wara l-mewt tal-Kappillan Chircop, ghen qatigh biex isehh ftehim mixtieq bejn il-partijiet koncernati u x-xoghol tal-knisja l-gdida seta’ jitkompla wara li rega’ gie fdat f’idejn Guze’ D’amato (1886 – 1963).   Dan il-perit, li din is-sena jahbat l-erbghin anniversarju minn mewtu, wiegeb b’hila kbira ghar-rapport tal-kummissjoni ta’ nkjesta mahtura mill-Kurja u li kienet maghmula mill-perit Prof R.V. Galea u l-Kav. R. Pitre’.

F’Settembru ta’ 75 sena ilu beda wkoll il-hidma pastorali fostna bhala kappillan gdid Dr Dun Manwel Vella.   B’hekk ix-xoghol tal-bini tal-knisja parrokkjali gdida ssokta b’ritmu tajjeb tant li l-Vigarju Generali Monsinjur Luigi Camilleri gie fostna fit-2 ta’ Dicembru 1928 sabiex ibierek l-ewwel kolonna tal-ferro-konkrit.

Illum, tmenin sena wara t-tqeghid ta’ l-ewwel gebla tas-sisien nhar it-30 ta’ Gunju 1923, kif ukoll fl-okkazjoni tal-75 anniversarju tac-celebrazzjoni ta’ l-ewwel quddiesa fil-knisja l-gdida, il-poplu u l-kleru ta’ Rahal Gdid hu kburi b’dan it-tempju majestuz iddedikat lil Kristu Sultan.