IL-HAMSA  U  GHOXRIN  ANNIVERSARJU  TA’  IS-SALTNA

Karmenu Ellul Galea

Hamsa u ghoxrin sena ilu fil-komunita’ parrokkjali taghna beda jigi ppubblikat il-fuljett  IS-SALTNA, bl-istess logo f’ras l-ewwel pagna bhal dak ta’ llum.   Hawn jispikkaw l-Ipogew ta’ Hal Saflieni u l-faccata tal-knisja parrokkjali ta’ Kristu Re.    Dawn huma simboli tat-twemmin religjuz primittiv ta’ madwar 4000 sena Qabel Kristu f’din il-lokalita’ kif ukoll dak nisrani kattoliku ta’ zminijietna.

B’dan l-isem ta’ "IS-SALTNA" ridna nwasslu l-messagg tas-saltna ta’ Kristu Gesu’, Feddej u Sultan tal-holqien u titular ta’ Rahal Gdid, fil-familji tal-komunita’ Pawlista.   Fir-rigward ta’ l-Ipogew, b’mod partikulari ghalina l-Pawlisti, ridna nfakkru li dan hu gawrha arkitettonika taht l-art, unika fid-dinja, kif ukoll li hu Santwarju u Midfen xhieda hajja ta’ sekli ta’ twemmin u ritwali ta’ Civilta’ unika li darba zejnet u ghaniet lil dawn il-gzejjer b’mod partikulari l-lokalita’ taghna eluf ta’ snin ilu.

L-iskop ewlieni ta’ dan il-fuljett sa mill-bidunett, kien u ghadu, it-tishih u t-tixrid ta’ l-edukazzjoni religjuza, civika u umana.   Semmejnieh "IS-SALTNA"  ghax il-parrocca taghna hi ddedikata lil KRISTU SULTAN u ghaldaqstant l-isem ikompli jghaqqadna flimkien bhala membri hajjin u mpenjati tas-saltna ta’ Kristu.

Dan l-iskop fissru aktar b’mod car u tajjeb il-mahbub u qatt minsi Kappillan Mons. Adolf Agius f’kelmtejn fl-ewwel harga.   Mons. Agius kiteb li l-iskop tal-fuljett kien biex izomm lil kulhadd infurmat bl-attivitajiet tal-parrocca halli niffurmaw fina lkoll is-sens li m’ahniex wehidna, imma membri ta’ komunita’ li fi Kristu mhux biss ninsabu maghqudin imma li wkoll nahsbu f’xulxin, kif jghidu l-Inglizi “a community that cares” u biex inwasslu t-taghlim tar-religjon taghna.

L-ewwel Bord Editorjali kien iddecieda li l-kontenut tal-fuljett jizzewwaq b’diversi suggetti bhall-Kelma tal-Kappillan, il-Hidma tal-Kunsill Pastorali Parrokkjali, Taghrif u Storja dwar Rahal Gdid, Rubrika Religjuza, Pagna ghat-Tfal, Rokna ghan-Nisa, Ittri u Suggerimenti mill-Parruccani u kitbiet ohra.   X’sar u kemm sehh minn dan (u kemm jew jekk setax jintlahaq) jafuh dawk kollha li ghexu f’dan l-ahhar kwart ta’ seklu.

Kollox ma’ kollox hu fatt li llum IS-SALTNA hija midhla sew tal-familja Pawlista.   Hu minnu wkoll li hafna jixtiequha li  tkun b’izjed pagni.    Niftakru li fi hwejjeg zghar jista’ jkun hemm  materjal ta’ min japprezzah, sabih u utli, bhal dak li nsibu f’dawk akbar.   Fil-kas ta’ ‘IS-SALTNA’  dan ma jkunx jiddependi biss mill-Editur izda wkoll mill-parruccani u s-sehem tal-kontributuri  b’kitbithom.

Fl-okkazjoni ta’ dan l-Anniversarju nixtieq infakkar ukoll il-85 sena mill-pubblikazzjoni ta’ l-Ewwel Fuljett Parrokkjali fid-Djocesi Maltija.   Dan il-Fuljettt hareg mill-parrocca tal-Qalb Imqaddsa ta’ Gesu’  ta’ Rahal Gdid f’Settembru 1918 meta allura kienet ghadha tintuza l-knisja storika ta’ Santa Ubaldeska.   Dan jghidulna l-Poeta Nazzjonali Dun Karm Psaila f’ittra ta’ hajr, awguri u sliem lill-Kappillan Dun Enrico Bonnici.    Fost affarijiet ohra Dun Karm kiteb: Hsieb tajjeb tassew……..Nifrahlek b’qalbi kollha……..Nahseb li dan il-perjodiku ma jibqax wahdu….. U nahseb li bosta Kappillani zelanti ohra jaghmlu bhall-Kappillan ta’ Rahal Gdid.

Dan il-fuljett kien fih 16 il-pagna b’format kwazi bhal dak ta’ zmienna u bi skop identiku bhal tal-llum b’taghrif u ahbarijiet tal-parrocca.    Kien johrog kull xahar, jitqassam b’xejn u b’cirkulazzjoni ta’ 500 kopja.    Direttur u Amministratur kien l-istess Kappillan Dun Nerik Bonnici (1917 -1921) li kien mill-Floriana.    Mat-tluq tieghu ghall-parrocca tar-Rabat, spicca wkoll il-fuljett li kien jigi mitbugh fl-Istamperija Victoria, f’185 Strada Forni, Valletta.   Kellu kopertina ta’ lewn ahmar b’karta rqieqa hafna (flimsy paper) b’fuq quddiem is-simbolu ta’ l-Ewkaristija.   Kellu wkoll il-Barka ta’ l-Isqof.

B’dawn ir-riflessjonijiet b’qalbi kollha nifrah u nawgura lil IS-SALTNA, lill-Editur, kif ukoll  lill-mexxejja, kollaboraturi, kontributuri u lil kull min b’xi mod jew iehor ta jew ghadu jaghti  l-ghajnuna tieghu.

AD MULTOS ANNOS!