Il-Monument  ta’  Kristu Re   -   Floriana

Il-Monument  ta’  Kristu  Re li hemm il-Mall fil-Floriana hu xoghol il-famuz skultur Malti Sciortino.   Dan il-kapolavur sar b’tifkira tal-Kungress Ewkaristiku Internazzjonali  li  kien sar  f’Malta  fl-1913.   Bhala  xoghol artistiku ntlaqa’ ferm tajjeb fil-qasam internazzjonali ta’ l-arti.

Il-Poeta   Nazzjonali Dun Karm iddedika wahda  mill-isbah poeziji tieghu ghalih li minnha qed nipproducu siltiet.   Tajjeb li nfakkru li kien propju wara l-Kungress Ewkaristiku ta’ l-1913 li kienet saret it-talba lill-Awtoritajiet Ekklesjastici   ta’  Malta   biex   il-Parrocca gdida  taghna f’Rahal Gdid tigi dedikata lil KRISTU RE.

 

            Wahdek, gwejjed, b’mixjitek sabiha,

            B’dik il-harsa mitfugha 'l quddiem,

            Fejn int sejjer, o Bniedem, o Alla,

            Fommok mimli bil-kelma tas-sliem?

 

                        Ghax, jekk nobsor is-sewwa, l-imhabba

                        Setghet tqabbdek triq twila bhal din,

                        Li t-tmiem taghha ebda harsa ma tilmah,

                        Illi fuqha ilek taghnet is-snin.

 

            Dik l-imhabba sabiha, qawwija,

            Illi ridt fl-art tal-hazen iggib,

            Li tellghetek mal-gholja tan-niket,

            Li sammritek fuq l-ehrex salib.

 

                        Jidher hsiebek fil-hemda ta’ gbinek,

                        Tidher qalbek minn harset ghajnejk;

                        Kemm hi ghommtok fl-imhabba jghiduli

                        Dawk il-hofor li ghandek f’haddejk.

 

            Oh xi hlewwa ta’ granet imbierka

            Kienet dik!   Liema ferh kullimkien!

            Fuq kull wicc tara d-dahka tal-hena,

            }arsa mnikkta ma tilmah imkien!

 

                        U rajt gnus minn kull naha tad-dinja

                        Biex jarawk kbir u hieni ghaddej

                        Migburin go dil-holqa ta’ gzira;

                        Imbagh’d ghajta ta’ ferh: “Gesu’ gej!”

 

            U smajt fl-ajru ghaddejja bhal mewga

            Ta’ daqq helu, ta’ ilhna safjin ... 

            Kienu tfal?...   Kienu kotra ta’ qniepen?...

            Kienu angli hemm fuq mohbijin?...

 

                        U mill-bjut u mit-twieqi mizghuda

                        Nizlet xita ta’ ward taht riglejk...

                        Imbagh’d bahar ta’ nies illi jmewweg,

                        Dwal u dhahen li jfewgu hemm hdejk.

 

            Imbagh’d ghajta bhal raghda qawwija,

            Bhal tnehida ta’ bahar fil-qrib,

            X’hin Int tlajt fuq il-gholja tas-sahha

            Biex tal-Barka troddilna s-salib.

 

                        Issa wahdek, b’mixjitek sabiha,

                        B’dik il-harsa mitfugha ‘l quddiem,

                        Fejn int sejjer, o Bniedem, o Alla,

                        Fommok mimli bil-kelma tas-sliem?

 

Dun Karm Psaila